#الأتِهام
بقلمي " زهراء امجد "
" أزقة الحب "
لطفاً لتنسون التصويت للبارت
تعليق على الفقرات ترسوا البارت تعليقات
يوزر حساباتي 🤎🙈
Instagram : zz__127_
Telegram: zozaya12_A
Tektok: zahra_12_amjed
🔥🔥🔥🔥
قبل لاتقرون البارت هذا البارت هدية الكم لعيون دبسة اليوم عيد ميلادها دبسة صديقتي وادمن بقناتي التلي اغلبكم يعرفها ويحبها
بس هسه وعدوني اشوف منكم تفاعل نارييي مدمرررر حتى الخميس هم انزل 🙈
اذا ماشفت تفاعل ازعل
تصويت لتنسون
وتعليق على كل فقرةةة زمرداتي حركولي البارت حرككككككككك
* ** *** *** ** *
اخترق مسامعنا صوت صياح جاي من الشارع بس الاصوات قريبة حيل كأنما بداخل حوش بيتنا ، الزلم واصواتهم العالية اللي بكل ثانية تعلى اكثر واكثر ، تركنا كلشي بإدينا انا وخواتي وركضنا متجهين للحوش وگفنا وركزّنا انظارنا بصدمة من اللي جاي نشوفه مقابيلنا .
ابوي لازم رسول من ياخة دشداشته وعمي ابو حسام وحسام يريدون يفكون رسول من إيد ابوي، يحچي ابوي واعصابه محتركة وجهه محتقن احمر
علوان : لك انت مو راح تزوج ليش متفك ياخة من امال وتخلوها تطلع بنصيبها ليش هاي الحقارة
هد رسول بعد مافاككوهم واندار على عمي رفع ايده بتهديد ورجع كمل كلامه
- ابنك خلي يتچفه الشر احسن اله ويجوز من بنتي
لا وحگ ربكم اسوي كارثة ما صايرة على روسكم
رسول : عمي اسمعني اني صح راح اتزوج بس امال اريدها اليوم وباچر لو بعد الف سنة هيَّ الي مو ردتها ما قبلت لو موافقة چان هسه صار عرسنا
رجع ابوي على رسول ودفعه على الحايط
علوان : ولك چلب انت شوكت تصير ادمي تظل حقود وخبيث ، بس وحگ ربك من هاي اللحظة اني متبري منكم ، لا اعرفكم ولا تعرفوني وكل واحد بدربه سمعت ياخويه لو أعيد ؟
ابو حسام : استهدي بالرحمن خويه تنحل والله ما تظل هيچ بس لا تزعل خلينا اخوة
علوان : لا وحگ الله خلص بعد ما أتحمل سوالف
ابنك الزعطوط اذا ما تگدر عليه خلي كل واحد بدربه احسن الي والك وحتى بعد ما أريد احد منكم يطب لبيتي ولا اني اخلي احد من عائلتي يوصل لبيتكم خلص كلمن يحكم عائلته
رسل : ظلينا صافنين اني واخواتي لقرار ابوي ونشاهد كلشي من الحوش لان هُمَّ بالباب يتعاركون رغم حنية ابوي بس قاسي كلش واي قرار يتخذه على گص رگبنا يعني انتهى ظلينا مصدومين نتفرج
فزينا على صوت ابويه وهو يعيط علينا على وكفتنا هاي جاي بأتجاهنا يمشي بعد ما طرد عمي وولده
أنت تقرأ
ازقة الحب
Poetryاحَبّت احدهُم وآخر يُحبها غالَبت التّقاليد والأعرافَ من أجله ظَنًّا مِنها أنّها ستكُون مِن نَصيبَه ليَحاربهُم الجميع على ذلك الحُب المَمنوع هيَ حَاربت من اجِل مَن تُحب بَينما مَن أحَبها حَاربَ حُبها أسيكُون لهَا نَصيبٌ مَع مَن هَوى قَلبُها أم للقدَ...
