သူ ...သူမနှင့်...မျက်ဝန်းတစ်စုံ (Ongoing) [OC]

အခန်း (၃၈)

" ဂင်္ဂါ ဂင်္ဂါ..."

"အထူးတလည်ရှင်းပြနေစရာမလိုပါဘူး
ကိုယ်နားလည်တယ်နော် မိန်းမ...ဒီက ညီ ဆောရီးကွာ အကို့အမျိုးသမီး ကိုယ်စား အကိုပဲတောင်းပန်တယ်နော်
ညီ့ကိုလဲ အလုပ်ရှုပ်စေခဲ့ပြီ ဒီတော့ အကိုပါ ကူလုပ်ပေးမယ်
ဟုတ်ပြီလား "

ဝိတ်တာမှ ပါးစပ်အဟောင်းသားဖြင့် သရုပ်ဆောင်
ကောင်းလွန်းသည့် တေဇကိုကြည့်လိုက် ဂင်္ဂါကို
ကြည့်လိုက်ဖြင့် ဆွံ့တအအ။

ပုံမှန်အတိုင်းပြန်ဖြစ်သွားတော့မည့် အခြေအနေတို့ကို
ကြည့်ရင်းယူကြုံးမရစိတ်ဖြင့် မျက်ရည်လေးတွေဝဲတက်လာ
သလို နှလုံးခုန်သံကတဒိန်းဒိန်းဖြင့် ဆောင့်တက်လာလျက်။

ဟင်အင်း မဟုတ်ဘူး။

ဒါက ဒီလောက်နဲ့တင်ပြီးဆုံးသွားမှာလား။

ဒါဆို သူမရဲ့ကြိုးစားမှုတွေကရော အချည်းနှီးဖြစ်ခဲ့ပြီလား။

သူပြောခဲ့သလို ဘယ်လောက်ပဲကြိုးစားကြိုးစား အဆုံးမှာ သူနဲ့ပဲအဆုံးသတ်သွားမယ်ဆိုတဲ့စကားကရော အမှန်ဖြစ်တော့မှာလား။

" ဟင်အင်း !"

မျက်လုံးမှိတ်ခေါင်းခါလျက် အောက်နှုတ်ခမ်းလေးကို
ဖိကိုက်ရင်းအစအနတွေကို တေဇနှင့်အတူကောက်နေသည့် ဝိတ်တာရဲ့လက်ကိုဖမ်းကိုင်လိုက်လျက် အသံထွက်လိုက်တော့ ခေါင်းထောင်ကြည့်၏။

" သူက ကျွန်မရဲ့ယောင်္ကျားမဟုတ်သလို
ဘာမှလည်းမတော်စပ်ပါဘူးရှင်...ကျွန်မကို
အတင်းအဓမ္မ ခိုးယူပေါင်းသင်းနေတာပါ
သူပြောတွေကလည်း အကုန်အလိမ်တွေချည်းပါပဲ
ကယ်ပါအုံး ကယ်ပါအုံးနော် "

ဖြစ်ချင်ရာဖြစ်ပါစေတော့ဟူသည့်မထူးစိတ်ဖြင့် အားကိုးတကြီးပြောလိုက်တော့ တေဇရဲ့ခပ်စူးစူး
အကြည့်တွေက သူမတစ်ကိုယ်လုံးပေါ်သို့ထိုးဖောက်မတက် စိုက်ကပ်လာ၍ ဝိတ်တာ‌ကောင်လေးမှ တစ်ချက်
အကဲဖြတ်ကာ....

"စိတ်မရှိပါနဲ့ဗျာ ဒီက အကိုနဲ့ အမရဲ့ပတ်သတ်မှုက
ဘယ်လိုလဲခဗျ.... အမပုံစံကိုကြည့်ရတာလည်း အကို့ကို
အရမ်းနဲ့ကြောက်နေတယ်ထင်တယ် ဒါကြောင့် အကိုနဲ့အမ
ကျွန်တော်တို့ဆိုင်မှာ ခဏလောက်နေဖို့မေတ္တာရပ်ခံပါတယ် "