သူ ...သူမနှင့်...မျက်ဝန်းတစ်စုံ (Ongoing) [OC]

အခန်း (၅၆)

" အကို မှာထားတာတွေရပါပြီရှင့် "

" ဩော အင်း  "

စားပွဲထိုးတွေ တစ်ယောက်ပြီးတစ်ယောက် လာချ‌‌နေသည်က ပြထားတဲ့ မီနူးအကုန် မှာထားတဲ့အလားမပြီးပြတ်တော့တာကြောင့် ဘေးဝိုင်းက  လူတွေက ‌တောင် အထူးအဆန်းလိုက်ကြည့်နေကြ၏။

‌" မှာထားတာလေးစုံပါရဲ့လားရှင့် "

" အွန်း စုံတယ်နော် ကျေးဇူးပါ "

စားပွဲထက်မှာ နေရာလွတ်တောင်မရှိတော့။       

အငွေ့တထောင်းထောင်းထနေတဲ့ ပင်လယ်စာဘန်းကြီးတွေ ၊ အနံ့မွှေးပြီး အရောင်အဆင်းရဲတောက်အောင်ကြော်ထားတဲ့ ကြက်ကောင်လုံးကြီးတွေ ၊ ထမင်းနဲ့ရေညှိ  ရောလိပ်ထားတဲ့ပေါ်မှာမှ အနီရောင်ဥလေးတွေ၊ ကြိတ်ထားတဲ့အသားတွေ စသည့်ပုံစံမျိုးစုံနှင့် တခြားသောအစားအစာများက  ပြည့်ကြပ်‌နေလျက်။

ဂင်္ဂါက ထိုအရာတို့ကို မျက်လုံးအပြူးသားလေးကြည့်၍..

" ဒါတွေအားလုံးက  ဂင်္ဂါတို့ စားဖို့လား ဦး "

" အွန်း ကိုယ်ကအဲ့လောက် မဟုတ်ပါဘူး                 အဓိကက မင်းအတွက် မှာထားတာ                                  မကုန်လဲဘာမှမဖြစ်ဘူး စားနိုင်သလောက်ပဲစား "

သူမဘက်ကို ပန်းကန်တွေတိုးပေးလာတဲ့ ဦး။တကယ်ကိုပဲ ဘာယူလို့ဘာကိုင်ရမှန်းတောင်မသိတော့။

အဝတ်အစားတွေနဲ့တင် ကုန်ကျခဲ့တာက နည်းတာမဟုတ်။ ဒါတောင် ဦးပုံစံကအေးအေးဆေးဆေးပင်။

လူချမ်းသာတွေက ဒီလိုပဲလား။ပိုလျှံနေတဲ့ ပိုက်ဆံတွေကို ဒီလိုနည်းနဲ့ဖြုန်းတီးနေကြတာလား။

အနည်းငယ်တော့စိတ်မကောင်းဖြစ်ခဲ့ရ၍ ဘာလုပ်ပါလို့ အမိန့်ပေးရအောင် သူမကဘာမို့လို့လဲ။

" ဟိတ် စားလေ "

တူ ၊ ခရင်း ဇွန်း တို့ကို အသင့်ယူပေးသည်။ သူ့ဆီကတဆင့် ယူလိုက်၍ ထမင်းနှင့်ရေညှိလိပ်ထားတဲ့ တစ်ခုကိုစားလိုက်ပါသည်။

ထမင်းကအိကပ်နေ၍ ရေညှိအရသာက ငံငံလေး။ပြီးတော့ ကြိတ်ထားတဲ့အသားက ဘာအသားလဲတော့   မသိပေမယ့် နူးညံ့နေကာ စားလို့အတော်ကောင်း၏။