غدر حبيبى

الفصل الرابع

اسر بصدمه.... 😲اى دا معقول دول اهل دول بنى ادمين اصلا مش معقول ازاى يعملوا كدا فى بنت اخوهم ازاااى 
نور....🥲 شفت المظاهر خداعه دول عيله ثابت بس الى وجعنى اكتر منهم هو الانسان الوحيد الى حبيته ووثقت فيه واتجوزته وفضلته على ناس كانت بتتمنى نظره منى لاكن فى الاخر سبت كل دول ووقعت فى  حب الغدار
اسر.... طيب اهدى انا الى عرفته اليومين الى فاته انهم قالبين الدنيا عليكى والمستشفى مقلوبه بعد الى حصل والى انا عملته حتى نظرات دكتور فؤاد ليا مش طبيعيه حاسس انه شاكك فيا
نور.... طب وبعدين انا اسفه اكيد هعملك مشاكل وكمان لو عرفوا مش هيسبوك
اسر... فعلا مش هيسبونى بس انا الى ناويت اسبهم وبعد الى عرفته عن المستشفى دى وعن دكتورفؤاد كفايا اووى كدا.. بس فى حاجه غريبه سمعتها من الممرضات امبارح عنك وعن اليوم الى انا هربتك فيه
نور... حاجه اى
اسر... كان فى اتنين من الممرضات واقفين وبيتكلموا مع بعض والى فهمته من كلامهم ان كان فى ناس جاين يخرجوكى من المستشفى قبل ما انا اخرجك ولما ملئوكيش اتصدموا ومشيوا على طول وكأن فى حد كان باعتهم
نور... اى ناس جايين يا خدوني  مين دول و ياترى مين الى باعتهم  احسن يكونوا هما الى كانوا عايزين ياخدونى
اسر... مااعتقدش لانهم لو عايزين ياخدوكى هيقدروا وبكل بساطه ومش هيرشوا الممرضه عشان يوصلولك
نور.... فعلا عندك حق طيب بص يا اسر انا مش هينفع افضل هنا كتير انا لازم اسافر
اسر... ايوه  بس ازاى وهما مبلغين اصلا فى الاعلام انك مسافره دلوقتى لما تروحى على المطار اكيد هيعرفوا وهيجبوكى على طول
نور... طب اعمل اى انا لازم اسافر فى اقرب وقت لانهم مش هيسبونى وكمان انا عارفه مين هيساعدنى وعايزه اروحله
اسر.... مين دا
نور.... دا مراد يبقى ابن عمو كمال ابن عم بابا عايش فى لندن
اسر... طب ودا انتى واثقه فيه
نور.... اه طبعا واثقه فى جدا... ماتبصليش كدا مراد حاجه تانيه خالص
اسر....🤨 طيب هو انا قلت حاجه.. طب انتى معاكى رقمه او اى حاجه تقدر نتواصل معاه ونعرفه
نور بتفكير... اه افتكرت انا حافظه الرقم الخاص بتاعه ممكن نكلمه عليه
اسر... طيب دا كويس اووى ثم اخرج هاتفه وقال يلا قولى الرقم هنكلمه دلوقتى اومات له نور وبدات فى املاءه الرقم واتصلوا عده مرات ولاكن لم يجيب
نور بياس... طيب هنعمل اى كدا مش بيرد
اسر... عادى هنحاول فى وقت تانى لحد ما يرد متقلقيش
فى صباح يوم جديد فى قصر ال ثابت
دخل احمد الى قصر وكان الجميع يجلسون فى انتظاره
عزيز.... اهو الباشا شرف اوعى تكون فاكر انك كبرت علينا لا فوق متنساش احنا الى دخلناك هنا ووفقنا انك تتجوز نور لما بقيت معانا وقلت انك هتساعدنا نخلص منها
احمد وهو يجلس.... وانا مش ناسى وعمرى ما هنسى ان البهوات وافقوا بس لانى كشفتهم وعرفت عنهم كل حاجه وانا وافقت ابقى معاكوا عشان ينوبنى من الحب جانب
امير.... اوعى تكون فاكر انك ماسك علينا زله لا دا احنا فى ثانيه نخلص منك وميكونش ليك وجود للابد
احمد بغضب..... بلاش تهديد عشان مبيمشيش معايا وانتوا عارفين... انجزوا عايزين اى
مالك... والله انت هتامرنا ولا اى ماتفوق يابنى انت واعرف انت بتكلم مين
احمدببرود.... انت عارف انا بكلم مين قتالين قتلا اهدى كدا يالوكا ها
عند سماع هذا توتر الجميع وبدا الخوف يظهر عليهم وهو ينظر لهم نظرات مسليه ثم يكملا الى الحديث
شيرين... خلاص سيبكوا من الى انتوا بتعملوا دا خلينا فى المهم.. دلوقتى عايزين نعرف البت راحت فين وهل هى لوحدها ولا فى حد بيساعدها
مروان.... احنا قلبنا الدنيا عليها برضوا ملهاش اثر وبلغنا ناس فى المطار والمينا عنها وبرضوا ملهاش اثر
احمد.... طيب كويس وكمان هى اكيد مش هتبعد انتوا عارفين الادويه الى بتاخدها بتعمل اى يعنى زمانها بتكلم نفسها دا كدا لو هى لوحدها اما لو فى حد معاها يبقى لازم نعرف هو مين
مروه.... ياسلام ما اكيد حد معاها لانه هو الى هربها مانتوا شفتوا الكاميرات والى حصل فيها
عزيز... يبقى لازم ندور كويس ونعرف مين دا انتوا فاهمين والبت دى لازم نلاقيها فى اقرب وقت سامعين
أومأ الجميع بالموافقه وبعدها ذهب كل شخص الى مكان فقد غادر احمد يذهب الى شركته وايضا عزيز وامير ذهبا لمجموعه ثابت ومعهم الشباب اما السيدات ذهبا الى التسوق 🛍
اما فى شقه الزمالك عند نور فقد استيقظت مع ضوء الشمس مبكرا لاتزال تشعر بالتعب الجسدى ولكن ليس كثيرا اما التعب النفسى فهو اكثر بكثير من اى تعب جسدى بدات اليوم بالتوجه الى المرحاض لتبدل ثيابها وبعد ان انتهت ذهبت الى المطبخ لاعداد الفطار مع الخادمه التى تساعدها حتى طرق جرس 🔔المنزل فذهبت اليه الخادمه وجدت اسر
اسر... صباح الخير يا فايزه  نور صحيت
فاطمه... صباح النور يا دكتور اه الهانم صحيت وفى المطبخ بتعمل فطار
اسر... فطار طيب تعالى نشوفها
دخل اسر وفايزه  الى المطبخ وجدوا انها قد انتهت من اعداد الفطار وتجهز العصير
اسر... ياصباح الفل والياسمين معقول نور هانم بنفسها بتعمل فطار
نور... صباح الخير ... اه طبعا يلا خد الاطباق دى على السفره وتعالى نفطر
اسر... ماشى واخذ بعض الاطباق وتوجه الى السفره وخلفه فايزه  تحمل بعض الاطباق وبعدها نور تحمل العصير وجلسا سويا لتناول الفطور
اسر وقد بدا فى تناول الافطار يقول.... عندى ليكى خبر حلو
نور... خبر حلو مفتكرش
اسر... ياساتر يارب ليه التشاؤم دا على الصبح فكى كدا وبعدين انا متاكد انك هتفرحى لما تسمعيه
نور... طيب قول الخبر
اسر... مراد ابن عمك كلمنى امبارح بعد ما روحت البيت
نور... اى وساكت من الصبح يابارد وكمان قاعد وبتفطر
اسر بضحك... طب اعمل اى ما انا جعان على العموم انا قلته انك موجوده معايا وشرحتله كل حاجه وقلتله ان اول مااجيلك هقلك تكلميه
نور... بجد طب يلا قوم نكلمه
اسر... طب استنى طيب اكمل فطار
نور... لا يلا قوم اعمل سندوتشات يلا بقى
اسر... طيب امرى لله
جلسا فى الليفنج ثم اخرج اسر هاتفه واتصل على مراد ثوانى وجاء الرد من مراد قائلا.... الو ايوه يادكتور اسر
اسر... ايوه يامراد بيه انا عندها دلوقتى اتفضل كلمها
ثم يعطى الهاتف الى نور لتتحدث معه
نور بلهفه.... مراد شوفت الى حصلى انا اتغدر بيا ياريتنى كنت سمعت كلامك يامراد انت وبابا وانكل كمال انا اتبهدلت اووى يا مراد
مراد بحزن والم... معلش يا نور اهدى المهم انك دلوقتى كويسه وبعيده عنهم انا مش هسيبك يانور متقلقيش
نور... ياريت يامراد انا تعبانه اووى
مراد... متقلقيش انا قلقت عليكى لما بعت رجالتى عشان
يخرجوكى لاكن راحوا ملقوكيش خفت اووى يكونوا عملوا فيكى حاجه بس الحمد الله انك بخير
نور.... اى انت الى بعت الناس دول عشان ياخدونى
مراد... ايوه يانور انا عرفت الى عملوه فيكى وكنت بحارب عشان اعرف اوصلك وبعد ما الرجاله وصلوا انتى اختفيتى ومعرفوش مكانك بصى اسمعنى انتى لازم تيجى هنا وتبقى قدامى انا هرتب كل حاجه
نور... ياريت يا مراد بس ازاى انت عارف انهم اكيد مبلغين حد فى المطار وكمان دول قايلين للصحافه والناس انى مسافره اصلا
مراد... متقلقيش انا هرتب كل حاجه بصى افتحى الاسبيكر واسمعينى كويس انتى والدكتور اسر
نور... حاضر.. اسر مراد عايز يقلنا حاجه
انتبه اسر اليه وتحدث مراد وشكر اسر كثيرا على ما فعله مع نور واخبره بما يجب ان يفعله حتى تاتى نور الى مراد
مراد... عرفتوا كدا هتعملوا اى وانا هكلم الرجاله الى تابعى وهما مظبطين كل حاجه وانتوا اجهزوا لان بكرا بالكتير لازم تكون نور هنا مش ضامن لو قعدت اكتر من كدا اى الى هيحصل
اسر.... تمام انا مع حضرتك فى كدا وانا هكلم مساعد حضرتك دلوقتى واعرف منه كل حاجه ونور هتجهز نفسها
مراد... طيب كويس وانا هتواصل معاكم لحد مانور تبقى بخير انشاء الله
انتهى الحديث بينهم وقد اطمان جميع الافراد بعض الشئ وبعدها تحدث اسر مع رجال مراد كما اخبره مراد واعطاه رقم هاتف احد رجاله تحدث معه اسر واخبره اين هم وبما حدث فاخبره المساعد( محمود) انهم مجهزين كل شئ وساعات وسياتون لياخذوا نور لسفرها فقد تجهز نفسها وتنتظرهم انتهى الاتصال وكان بداخل اسر يشعر بالحزن هل انتهى الان كل شى هل ستغادر لماذا شعر بهذا هل هذا حزننا على حاله ام انها ستغادر ولن يراها هو حقا كان بداخله شعور بالحزن من فراقها لانها ذكرته باخته المتوفيه فى حادث  منذ اربع اشهر نهض اسر من مقعده قائلا..
اسر... طيب يانور اسيبك انا بقى تجهزى نفسك وشويه كدا وهجيلك تانى
نور... ماشى يا اسر وبجد شكرا ليك على كل الى عملته معايا انا مديونالك بحياتى
اسر... متقليش كدا مش احنا خلاص بقينا صحاب
نور... اكيد طبعا صحاب
اسر... بس لاسف انا مبقيش بحس انك صحبتى وبس
نور بقلق... امال اى
اسر... بقيتى اختى كمان
ابتسمت له نور وفرحت كثيرا من هذا وبعدها استاذن اسر وغادر وتوجهت نور الى غرفه نومها وجاءت اليها فايزه  بعد ما طلبت منها نور
نور... فايزه  انا بشكرك على وقفتك جمبى ومساعدتك ليا فى تعبنى شكرا ليكى يا فايزه
فاطمه... لاشكر على واجب يانور هانم حضرتك احسن حد انا اتعاملت معاه متتخيريش عن ملك هانم الله يرحمها
نور... مين ملك دى
فايزه .... ملك هانم تبقى اخت الدكتور اسر الله يرحمها ماتت فى عز شبابها فى حادثه من اربع شهور
نور... الله يرحمها وتكمل بخفوت.. عشان كدا اسر حس انى زى اختوا شكله كان متعلق بيها
فايزه ... بتقولى حاجه يا هانم
نور... لا يا فايزه  انا خلاص هسافر انشاء الله النهارده وانتى هترجعى لحياتك 
فايزه ... بالف سلامه يا نور هانم ...تحبى اساعدك فى حاجه
نور .....شكرا يا فايزه انا هجهز كل حاجه ....غادرت فايزه. الغرفه وتركت نور تجهز نفسها لرحله امانها الوحيده
تم كل شى سريعا وكيف لا وهم يتعاملون مع اشخاص كبار فى هذا الامر ويتمنى كل واحد منهم خدمه مراد ثابت رجل الاعمال المعروف
مرت ساعات كثيره على فعل كل هذا وبعدها جاءالرجال لياخذوا نور لتبدا رحلتهم
توجهوا الى المطار وكانت هذه الرحله فى طائره خاصه ملك لمراد وايضا هذه الرحله سريه وهذا طلب مراد من المسئولين صعدت نور الى سلم الطائره وهى تتذكر الأمها وحزنها وفرحها وكل شى حدث فى هذه البلد الحبيبه واخيرا قد انتهى امر معاناتها فهى لن تعانى بعد الان واقسمت من هذه اللحظه انها ستكون فتاه اخرى عن ما كانت فى السابق طيبه وبريئه ومسامحه كفا كل هذا لا وجود للطيبه والبرائه بعد الان