غدر حبيبى

الفصل السادس

السلام عليكم ورحمة الله وبركاته
الفصل السادس بقلمى Ghadaragap
اول مره انشر روايه ياريت اعرف رايكم

بسم الله نبدا الفصل السادس
فى قصر ال ثابت........... فى غرفه نور
كانت نائمه فى ثبات عميق اما هو يجلس امامها على الاريكه وينظر حتى جائت اليه ذكرى من الماضى
فلاش بااااااك
فى غرفه احدى اكبر اوتيلات القاهره كان يستعد لاجمل يوم فى حياته وهو عرسه على حبيبته وبعد الانتهاء ذهب اليها فى غرفتها وعندما دخل الغرفه راها تنتظره فى ثوبها الملائكى الجميل الذى خطف قلبه تقدم اليها وقبل جبينها قائلا... مبروك ياحبيبتى مبروك عليا هديه ربنا ليا
نور بكسوف.... الله يبارك فيك ياحبيبى ثم تدمع عيناها وتكمل قائله... كان نفسى بابا يكون جمبى النهارده ويشوفنى وانا فرحانه ومبسوطه ويفرح بيا
احمد وهو يمسح دموعها.... ربنا يرحمه يا حبيبتى وبعدين هو اكيد مبسوط وفرحان دلوقتى امسحى دموعك بقى كدا الناس هيقولوا انى بغصبك على الجواز ولا خاطفك تبتسم نور وتمسح دموعها وتقول... خلاص اهو يلا ننزل
احمد... مابلاش فرح وخلينا هنا احسن
نور بابتسامه... احمد يلا بينا
احمد... امرى لله يلا ياستى
مسك يدها بشده وكانه خائفا من ان تضيع منه وسط الزحام وتوجها الى قاعه العرس وكان بها اكبر رجال اعمال وشخصيات فى البلد اندهش الجميع من جمالهم فهم حقا خلقا لبعضهم يليقا ببعضهم بشده هنئهم كل الحضور وكان التهانى ما بين الفرحه والسعاده والحزن والكره والحسد لهم استمر الحفل بين رقصات بينهم هادئه ورومانسيه وغناء بعض المطربين حتى انتهى الحفل وغادر الجميع وتوجهوا الى منزلهم
باااااااك
كان يبتسم على هذه اللحظه المميزه فى حياته ثم نهض
وتوجه الى الفراش يجلس عليه ينظر لها ويمرر يده على
خدها الناعم ويقول....
احمد فى نفسه.... مش عارف هتصدقينى ولا لا بس انا مغدرتش بيكى ولا خونتك انا بحبك وعمرى ما حبيت غيرك فى حياتى قلبى وجعنى اووى لانك بعيد عنى بس بعدك عنى وانتى عايشه اهون بكتير ما تبقى بعيده عنى ومايته ااااه ثم اكمل بصوت مسموع... بس الى عايز اعرفه الى حصلك دا بسبب الى عملته فيكى ولا بسبب تاثير العلاج عليكى بس ازاى علاج وانتى اصلا مكنتيش بتاخدى اى حاجه تضر عقلك وانا كنت مانع اى علاج تاخديه من الى كانوا عايزين يدهولك بس ازاى دا حصلك انا هتجنن لازم اعرف الحقيقه
نهض من مكانه سريعا وتوجه الى الخارج كانت نور مستيقظه تسمع كل شى قاله تنهد وهى تجلس على الفراش وتقول....
نور..... اى بقى الى قاله دا ازاى مكنتش باخد حاجه تضرنى وتاثر عليا وهما فى المستشفى كانوا كل يوم بيدونى ادويه وحقن لاوكمان بيقول انه اهو كان مانع علاج كانوا عايزنى اخدوا فى حاجه غلط ياترى وراك اى تانى ياأحمد يا سلطان

فى لندن فى شركه مراد كان يجلس فى مكتبه غاضب بشده حتى جاء اليه اسر يقول
اسر.... شوفت الى حصل يامراد برضوا عملت الى فى دماغها وسافرت
مراد بغضب.... شفت الهوانم نزلوا من غير ما يقولولنا بقى انا اصحى الاقى رساله من مريم تقلى معلش احنا سافرنا النهارده ماشى بس لما اشوفهم
اسر... طب هنعمل اى احنا لازم نرجع مصر مينفعش نسيب نور لوحدها فى مصر
مراد.... لا خد الكبيره بقى دى كمان راحت القصر وقاعده
كمان دلوقتى معاهم
اسر.... اى كمان قاعده معاهم لا احنا لازم ننزل مصر فورا
مراد بمكر.... صحيح يا اسر انا عمرى ما سالتك انت بتساعد نور ليه اى بتحبها
اسر.... بلاش البصه دى واه بحب نور بس مش الحب الى فى دماغك نور ظهرت فى حياتى فى وقت انا كنت وحيد فيه ووقت كمان كان صعب عليا من بعد وفاه اختى الوحيده فى حادثه وهى راجعه من رحله مع صحابها مش عارف اول ما شفت نور شفت فيها اختى عشان كدا انا ساعدتها فى الاول وكمان بساعدها. دلوقتى
مرادبحزن... ربنا يرحمها بص انا مش هقدر استنى اكتر من كدا هنا احنا نجهز وننزل مصر على طول
اسر.... تمام يلا انا هروح اجهز باى
مراد.... باى
فى مصر فى شركه احمد كان يجلس فى مكتبه حتى طرق الباب ودخل يوسف اليه
يوسف.... كنت عايزنى يا احمد
احمد.... تعالى يا يوسف
يوسف.... خير فى اى
احمد.... عايزك تعرفلى كل حاجه عن نور فى السنه الى اختفت فيها هى كانت فى لندن عايز اعرف كانت عند مين وعملت اى طول الفتره دى
يوسف.... تمام بس دا هياخد وقت كبير
احمد.... خد وقتك بس المهم اعرف كل حاجه حصلتلها فى السنه دى
يوسف... تمام بس معلش يعنى ممكن سؤال
احمد.... اسال يايوسف
يوسف.... ليه متقولهاش على الحقيقه بدال ما انت بتتعزب كدا وبتحارب فى كل الجهات
احمد بتنهيده.... اقولها اى يا يوسف اقولها انى عملت كدا عشان ماتموتش وتروح منى ولا اقولها ان ابوها اتقتل ولا اقولها انها هى كمان كانت هتموت اكتر من مره
صعب صعب الاعتراف بالحقيقه لو هتاذى الشخص الى بتحبه انا بحبها اووى انا فضلت بعدها عنى على انها تبقى معايا ويجى اليوم الى الاقيها مقتوله فيه ومقدرش احميها بعدها وهى عايشه اهون بكتير من بعدها وهى ميته
يوسف بحزن.... ربنا يعمل الى فيه الخير وكويس نور دلوقتى موجوده معاك وقدامك
احمد.... اهو دا الى قالقنى عليها ومش عارف اعمل فيه اى عايزها تبقى قدامى وفى نفس الوقت عايزها تبعد انا مش ضامن برضوا هيعملوا فيها اى وخصوصا بعد موضوع مرضها دا اكيد هيحاولوا يخلصوا منها
يوسف.... طيب انا هروح انفذ الى طلبته