غدر حبيبى

الفصل الثامن عشر

ـ
أسر..... لا مش سامع.... شكرا ليك انك وقفت جمبها الفتره الى فاتت بس انا هاخد اختى وهمشى كفايا كدا
مروان..... كفايا اى شمس مش هتخرج من هنا ابدا انت فاهم
اسر..... بصفتك اى بتمنعنى اخد اختى
مروان..... بصفتى حبيبها وخطيبها وهنتجوز انا وهى قريب
اسر.... اى.... الى انت بتقوله هو الى مستحيل يحصل

نور بمقاطعه..... باااااس... خلاص انت وهو البنت لسه
تعبانه ومش مركزه كويس ممكن تهدوا انتوا الاتنين اسر... انت مينفعش تاخد ملك دلوقتى هى لسه تعبانه لازم تستريح... وانت يامروان اهدى للازم ملك تفوق الاول ونشوف هى فاكره اى بالظبط عشان نعرف نتعامل معاها وبعدين نبقى نشوف الى انتوا بتقولوا دا

اسر.... اوكى يا نور انا هبقى هادى وهستنى بس مش هتنازل عن اى كلمه قلتها
مروان..... انا كمان مش هتنازل عن كلامى وبالنسبالى الى فوق دى شمس مش ملك

قال اخر كلماته وغادر المنزل كان يظن انها ستبقى هاكذا الى الابد له هو فقط لا احد يشاركه بها لاتعرف غيره ولم يفكر ابدا انها ستستعيد ذاكرتها وان استعادتها لن يتخيل ان يكون لها احد غيره حقا لقد احب وعشق والان يستخدم انانيه الحب

اسر.... طيب انا هسيبها النهارده وهمشى بس خالوا بالكم منها ماشى
مايا..... متخافش عليها اطمن
اسر.... اوكى..... نور النهارده بس ماشى
نور بتنهيده.... اوكى يا اسر
غادر اسر بعد ان القى تحذيره هذا الذى علمه الجميع
نور..... يلا انا هطلع ارتاح تصبحوا على خير
احمد.... تعالى هنا تطلعى فين احنا هنروح البيت
نور بخبث..... وماله نروح بس خليها بكرا انا تعبانه دلوقتى..... يلا ياجماعه تصبحوا على خير
غادرت نور سريعا دون الانتظار لحديث اى شخص ومن بعدها تابعها الجميع فى صمت فهم فقط  كانوا  يقفون وكانهم يشاهدون عرض مسرحى وبعضهم يخطط

مريم.... انا كمان هطلع انام تصبحوا على خير
مراد.... وانتى من اهل الخير
صعدت مريم ايضا بينما تبقى احمد ومراد ينظران لبعضهم وكان كل شخص يريد التحدث مع الاخر

مراد.... اى مش عايز تقول حاجه بالمناسبه دى
احمد.... عايز اخلص فى اقرب وقت تعبت من لعبه القط والفار دى معها انا عايز نور ترجع تانى نور حبيبتى الى اعرفها
مراد..... انشاء الله كل دا يحصل وفى اقرب وقت
احمد.... يارب
ــــــــــــــــــــــــــــــــــــــــــــــــــــــــــــــــــــــــــــــــــــ
فى اليوم التالى
فى احدى مطاعم القاهره الرائعه كانت تجلس نور ومريم وساره ياكلون ويتحدثون سويا وكلعاده كان يامر دائما احمد بمراقبتها
الحارس..... ايوه يا يوسف بيه اه موجوده دلوقتى فى مطعم هى وصاحبتها الى اسمها مريم ومعاهم واحده كمان بس انا معرفهاش
يوسف.... طيب صورهم وبعتلى الصوره وخلى عينك عليها وعلى كل حاجه حواليها انت فاهم
الحارس.... فاهم ياباشا
اغلق معه الهاتف وبدا فى التقاط العديد من الصور لهم وارسالها اليه سريعا ليتاكد منها