غدر حبيبى

الفصل الثالث والعشرين (الاخير )

بعد مرور اسبوع تلقوا فيهم  واجب العزاء وتم تشييع الجثمان الى مثواه الاخير الجميع بجانب بمايا يواسوها على فقدان والدتها خاصه بعدما رات الحادثه امام عيناها وتاثرت بشكل نفسى فكان من الداعم لها هو اسر الذى كان يحاول دائما ان يبقى معها ويحسن من حالتها النفسيه كذالك كانت تفعل ملك مع مروان تواسيه فى محنته وتظل دائما تتحدث معه اكبر وقت ممكن حتى لايشعر بالحزن والفراغ والاخر كان يستجيب لها دائما ليخرج نفسه من حاله الحزن ولا تتملك منه

والان فى حديقه القصر تجلس مايا بزيها الاسود وعيونها الباكيه امام اسر يتحدث معها

اسر..... عشان خاطري يا حبيبتى لازم تاكلى اى حاجه انت بقالك يومين مكلتيش
مايا بحزن.... مش قادره يا اسر صدقنى
اسر..... يا حبيبتى لازم تاكلى حتى لو حاجه بسيطه عارف ان حزنك على والدتك الله يرحمها مخيلكى مش قادره تعملى حاجه بس دا ملوش علاقه بالاكل لازم تاكلى عشان يبقى عندك طاقه تقدرى بيها تخرجى حزنك
مايا..... انا مش عارفه حزنى عليها بسبب انها ماتت قصداد عينى ولا انا حزينه لانى كان نفسى احس معاها بحجات كتير كان نفسى تفضل معايا شويه... شويه بس تعوضنى فيهم انا واخويا عن كل السنين الى فاتت وهى بعيده عننا... كانت عايزه تسافر كنت بترجاها عشان تفضل معايا ومتسيبنيش ولما رفضت ومشيت جريت وراها انادى عليها عشان بس الحق احضناها قبل ما تسافر دا الى عشت عمرى كله اتمناه حضن منها.... واهى سابتنى من غير ما احضنها.. غصب عنى مهما كبرت هى امى وانا محتاجه لحضنها
اسر..... ربنا يرحمها.. دموعك دى مش هتفيدها بحاجه الى هيفدها هو الدعاء دايما لازم كل ما تفتكريها تفتكريها بالدعاء وبس... ماشى يا حبيبتى يلا تعالى ناكل بقى انا بصراحه جعان وبتلكك عشان اكل اعندكم
مايا..... ماشى يا اسر..
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
فى شركه ال ثابت وفى مكتب نور تجلس على الاريكه وبجانبها مهندس الكترونى وامامها مراد واحمد
نور...... ها يا بشمهندس كرم. وصلت لايه
البشمهندس كرم..... خلاص يا نور هانم حالا هيوصلك رسالها بتحويل المبلغ لحسابك
انتظرت بضع دقائق حتى تم ارسال رساله على الهاتف بان تم تحويل الى حسابك البنكى عشره مليون دولار من الحساب البنكى لامير فى لندن
نور..... كدا تمام شكرا يا بشمهندس. اتفضل حضرتك وياريت تعدى على الحسابات ليك مكافاه كبيره
غادر كرم متوجها الى الحسابات لكى يحصل على مكافأته مقابل تلك المهمه التى قضاها لنور
احمد..... زمانه هيتتجن لما يعرف ان الفلوس اتسحبت من حسابه
مراد..... اكيد دا مش بعيد يقتل نفسه كمان..... صحيح يا نور احنا هنسيبه كدا فى لندن مش هنبعت حد يجيبه عشان يتحاسب على الى عمله
نور.... هيتحاسب بس مش هرجعه مصر
احمد..... طب هنحاسبه ازاى
نور....... انافكرت ازاى احاسبهم وابعدعم عننا نهائى عشان كدا انا قررت انى.... قاطعها فى تلك الاثناء اتصالا على الهاتف يخبرها به مالك انه وجد ابيه وهو الان فى القصر.... لم تنتظر فقد اغلقت الاتصال واخبرت احمد ومراد بسرعه المغادره والتوجه الى القصر،
ــــــــــــــــــــــــــــــــــــــــــــــــــــــــــــــــــــــــــــــــــــــ
وفى قصر ال ثابت الوضع كان كارثى وصادم الى حد ما
فقد كان  يقف الجميع وقد استولت عليهم حاله من الصدمه والذهول عندما رآه عزيز فى تلك الحاله فقد كانت حالته لا يرسى لها ملابسه متسخه للغايه شعر راسه وذقنه طويل للغايه على عكس عادته وهيئته المثاليه وما ذاد صدمتهم انه يحدث نفسه ولا يعرف من الذين امامه حتى ابنه الذى وجده فى احدى الشوارع يجلس على الرصيف يحدث نفسه فاخذه على الفور وجاء به الى القصر،...