غدر حبيبى

الفصل الثانى وعشرين

فى الخارج وصل عدد من الرجال لا بأس به والجميع معهم احمد الذى كان فى سيارته لم ينتظر احد واخرج سلاحه فورا يطلق على كل ما يصادفه امامه
مراد ...الذى كان يبحث فى كل مكان عن مريم ويطلق رصاصه على كل من قابله
مروان ومالك ....الذين جائوا خلفهم ممسكين باسلحتهم يحموهم من الخلف
يوسف واسر..الذين تركوا الفتايات فى سياره تبعد بخطوات عن المكان كحمايه لهم
يوسف .....خليكم هنا اوعوا تنزلوا من العربيه مهما حصل مفهوم
ساره ..... ماشى خلى بالك من نفسك
يوسف .... ماشى
اسر. .....نص ساعه لو مخرجناش بلغوا البوليس
مايا بخوف  ....طب ما نبلغوا من دلوقتى
اسر ....لا اسمعوا الكلام بعد نص ساعه بس ...لا اله الا الله
مايا ....محمد رسول الله..خلى بالك من نفسك
تركوهم وذهبوا سريعا خلف اصدقائهم يساندوهم فى هذا الامر والانتهاء منه ...
فى الداخل ...اقتحم احمد ومراد الغرفه التى يوجد بها مريم ونور ..
مريم .....مراااااد
داليا ....يا اهلا بالسوبر هيروا الى جاين ينقذوا العصافير ويبقوا أبطال
لم يتفاجى احمد ومراد كثيرا من هذا فهم كان على يقين ان هذا الامر لن يخرج من بينهم ...
مراد .....انتى كويسه يابت ..
اومأت له مريم بانها بخير ...
داليا .... نزل سلاحك انت وهو بدل ما خلص عليهم هما الاتنين ويبقوا شهداء الحب
احمد ..... قبل ما تعملى كدا هكون قاتلك بايدى
كادت ان تتحدث داليا الا ان اقتحم الغرفه مالك ومروان ومن خلفهم يوسف واسر ...
مالك بصدمه .....داليا انتى الى عملتى كدا
داليا ....اى يا فلانتينوا مالك مصدوم ليه ما دا الى كنا عايزينوا من الاول.... الفلوس ولا انت ناسى
مالك ....لا مش ناسى زى برضوا ما انا مش ناسى انى مكنتش عايز الفلوس دى ولا السكه دى وانتى وابوكى آلى جبرتونى على كدا ...فاكره لما هدتتينى بالفيديو الى كنت بضرب فيه الواد بالنار وقلتيلى لو مبقتش معانا هبلغ عنك البوليس
داليا ....مش زنبى انكم ضعاف وانا أقوى منكم ..
احمد .....خلاص يا داليا الحكايه خلصت ...نزل ياض انت وهو السلاح وسيبوا البنات لو خايفين على عمركم ولسه عايزين تعيشوا
مراد ...... نزل يلا السلاح انت وهو واحنا هنسيبكم تعيشوا وتخرجوا من هنا كمان
نظر الرجلان الى بعضهم ثم تركوا الفتايات من يدهم فاسرعوا يحتمون خلف مراد واحمد .. والقوا السلاح على الارض باتجاه يوسف واسر الذين التقطوا على الفور
داليا بصراخ وخوف ....انتوا بتعمل اى انت وهوا
الرجل .....العمر مش بعزقه يا حلوه كفايه الرجاله الى ماتت ...احنا نفذنا الى طلبتوا ياباشا خرجنا بقى احنا من هنا
احمد ....يوسف خد العيال دى من هنا وظبطهم انت والرجاله كويس وخليهم يمشوا من هنا على اديهم

فهم يوسف ما يعنيه صديقه فابتسم له واخذ الرجال امامه للخارج .. وما هى الا دقائق واستمعوا  صراخهم العالى من الالم الذين حصلوا عليه من رجال احمد

احمد ....مش قلتلك خلصت يلا يابت امشى قدامى ...هاتها يا مراد
انصت اليه مراد وكاد ان يتحرك لياتى بها الا ان اوقفته تلك المجنونه
مريم بغيره ....هو اى الى هاتها يامراد انت ما صدقت رايح تمسكها طب امسكنى انا الاول خلى عندك دم دا انا بقالى يومين غايبه عنك وتعبانه ...
حاول الجميع أن يكتم ضحكاته الا انهم فشلوا فى ذالك
مراد ....اعمل اى فيكى بس فضحانى كدا فى كل حته  ...روح هاتها انت يا مالك
جذبها مالك من يدها وسار بها الى الخارج تحت صراخها والجميع يتحرك خلفهم ...
مريم ....مراد
مراد ....نعم يا حبيبتى مالك فيكى حاجه
مريم ....جعانه يامراد هموت من الجوع بقالى يومين مكلتش
مراد  بياس ....حاضر يا حبيبتى من عنيا هجبلك اكل....صحيح يا مريم ابقى فكريني اعملك لانش بوكس عشان لو اتخطافتى تانى متجوعيش يا حبيبتى ..يلا امشى
وصلوا الى خارج المكان امام السيارات فلاحظ احمد ببرود نور وعلامات الجمود تظهر على وجهها ..
احمد .....مالك يا نور انتى كويسه
نور .....هبقى. كويسه ازاى وانا عارفه ان ابويا اتقتل
احمد ....انتى عرفتى
نور .....ليه مقولتليش ليه خلتنى زى الأعمى فى الغابه
احمد .....صدقينى كنت خايف عليكى ...كان كل هدفى انى  احميكى باى طريقه وبس نور سامحينى على كل حاجه حصلت مكنش قدامى حل تانى
نور.... خلاص يا احمد بس مش هسيب حق ابويا.. اوكى
قالت هذا دليلا على توعدها لهم وغادرت من امامه حتى لا تنهار بين يديه...
فى السياره التى يوجد بها ساره ومايا.. نزلت ساره من السياره وخلفها مايا
مايا.... يابنتى استنى بس.. لو مخرجوش هنبلغ البوليس
ساره.... لا مش قادره استنى يا مايا افرضى حصلهم حاجه لا يلا بينا
مايا.... دا على اساس اننا سوبر مان وهننقذهم.. اهدى خلينا نساعدهم من برا
ساره.... لا يلا بينا
مايا.... امرى لله كدا كدا مش فارقه يلا
اتجهت الفتاتان بحزر يلتفتون حول انفسهم من الخوف حتى ظهر امامهم يوسف واسر
مايا وساره..... اعاااااااا
اسر.... انتوا بتعملوا اى هنا احنا مش قلنالكم متنزلوش من العربيه ابدا لحد ما نرجع
يوسف..... انتوا مبتسمعوش الكلام ليه... اى الى جابكم اصلا معانا 
ساره بكدب وخوف ..... والله ما انا مايا هى السبب فضلت تزن وتقولى لا انا مش قادره استنى لازم نروح نشوفهم
مايا برفض.... ابدا محصلش..
يوسف.... طب يلا ارجعى انتى وهى على العربيه خلاص الحكايه خلصت
ساره.... طيب بس متزوقش
عادوا مره اخرى الى السياره مع اسر بينما توجه يوسف الى احمد...
احمد.... عايزك تاخد داليا معاك وتحطها فى مخزن الفيلا بتاعتى
يوسف..... تمام
اتجه يوسف الى السياره التى وضعت بها داليا ومعه احدى الرجال وصعد بالسياره وغادر متجها الى منزل احمد