غدر حبيبى

الفصل الحادى عشر

فى قصر ال ثابت فى غرفه شيرين كانت تجلس على الكرسى وفى يدها الهاتف مفتوح على صوره شخص وتتحدث مع نفسها
شيرين.... سنين وانا بحبك وانت مفكرتش فيا حتى لما عمى طلب منك زمان انك تتجوزنى رفضت وقلت انك بتحب زميلتك الخواجايه وهتتجوزها وعمى طبعا لانه كان ضعيف قدام اى طلب ليك وافق وانت اتجوزت الى حبيتها وانا اتجوزت امير ابن عمك مقدرتش اكرهك بعد كل دا فضلت احبك برضوا حتى بعد ما موت ومبقاش ليك وجود فى الدنيا برضوا لسه بحبك عارف يا كمال انا كنت مستعده ابيع الدنيا كلها وأخسر كل حاجه ملكى بس انت كنت تبقى ملكى انا.... وابنك دا كان يبقى ابنى انا انت السبب فى الى انا فيه كرهتنى فى نفسى من رفضك ليا وكرهت اخويا عشان كان بيعلق دايما على تصرفاتى وانه عشان صاحبك وافقك على رفضك ليا وكمان هو الى شاهد على عقد جوازك من حبيبته القلب دلوقتى انا هعمل اى حاجه عشان اشوف بنته بتتعذب ومش هسيباه ابدا
(نسيبها بقى فى شرها وقلبها البلاك دا ونيجى للاخت التانيه)
ــــــــــــــــــــــــــــــــــــــــــــــــــــــــــــ
فى غرفه مروه وعزيز
كانت تجلس على الاريكه شارده الزهن حتى نهضت من مكانها واتجهت الى غرفه ملابسها وفتحت درج سرى يوجد به بعض الصور احضرت الصور وجلست على الكرسى
مروه لنفسها..... الله يرحمك يامنصور اه متستغرفش مهما كان برضوا انت حبيبى الاول طبيعى انى اترحم عليك حتى بعد الى حصل بس عارف انا مقهوره اووى زمانك انت و نهى دلوقتى مع بعضكم كل ما كنت بحاول ابعدكم عن بعض كنتوا بتقربوا اكتر انا عايزه اعرف انت كنت متحكم فينا وانت عايش فا مكتفتش عملت وصيه قبل ما تموت عشان تتحكم فينا برضوا وانت ميت دا اى  الجبروت دا اديت كل حاجه لحبيبه. قلبك بنتك عشان تتحكم فينا بس اوعدك بكره ابعتهالك عشان انتوا واحشينها اوى بقت مجنونه وبتتخيلكم فى كل مكان..... لو كنت اتجوزتنى انا زمان مكنش كل دا حصل يلا ربنا يرحمك
(نسيبها دى كمان فى شرها وحقدها على اى نملتين بيحبوا بعض الله يحرقك ياريا انتى وسكينه الى فوق 👆دى)
ـــــــــــــــــــــــــــــــــــــــــــــــــــــــــــــــــــــــــــ
فى شقه المعادى كان يجلس كل من نور ومريم واسر يتحدثان
اسربضحك.... لا بجد ناويه تعملى اى تانى معاه
نور..... هعمل كتير هخليه يلف كدا حوالين نفسه وفى الاخر هدخلوا بايدى المستشفى الى دخلهانى بس بعد ما جننه بجد
مريم بخبث..... يعنى هتقدرى يا نور تنتقمى منه اى مبقاش فى قلبك اى حب ليه
نور بتوتر..... اى الى انتى بتقوليه دا معقول افضل احبه بعد الى عملوا دا...... غيرى الموضوع صحيح هو مراد اتاخر لحد دلوقتى ليه
اسر..... انا كلمته قالى انه فى مشوار وهيجى لما يخلص
اه نسيت اقلكم انى خلاص هفتح العياده بتاعتى كمان يومين
نور بفرحه.... بجد مبروك يا اسر
اسر.... الله يبارك فيكى يانور
مريم..... ايوه ياعم هتفتح العياده اخيرا وتروق دماغك من مجانين المستشفيات
اسر.... يخربيت عينك اهدى شويه المهم مش ناوين تشرفونى فى العياده يعنى كام جلسه كدا
نور بضحك...... هوانت عايز اى حد يجى العياده عندك فى اى يا اسر
مريم.... جلسات اى ما كفايا دا احنا من ساعت ما شفناك وانت هارينا جلسات كأن مفيش مجنين غيرنا شوف حد غيرنا بقى احنا استوينا
اسر..... انتى بالذات مش بس تروحى لدكتور لا دا انتى تدخلى السرايا الصفرا
يضحك الجميع حتى سمع صوت جرس الشقه توجه اسر، يفتح الباب وجد مراد ودخل مراد وجلس معهم وعلى وجهه علامات الضيق والسرحان
مريم..... مالك يامراد فى اى
مراد.... لا ابدا مفيش حاجه انا كويس المهم نور انتى لازم تبقى فايقه بكرا وتروحى المجموعه معلش الفتره الجايه عايزك تبعدى عن الى انتى بتعمليه دا عشان تفوقى للمجموعه شويه
نور.... من غير ما تقول انا كنت ناويه اعمل كدا وكمان انا مش عيزاك تظهر فى الصوره يامراد عيزاك تحضر بكرا على انك ليك اسهم فى المجموعه وبس ماشى
مراد.... ماشى بس اى السبب
نور.... هقولك السبب لو حد عرف انك المستثمر الى هتم معاه الصفقه هيبقوا متاكدين ميه فى الميه انها هتم لانهم عارفين علاقتنا ببعض كويس اما بقى لما انت متكونش فى الصوره وحد تانى يبقى هو الى عامل نفسه المستثمر كدا اقدر العب بيهم براحتى
مريم..... يابنت الايه حلوه الفكره دى بس انا فى حاجه عايزه اعرفها انا هبقى مع مين معاكى ولا مع مراد
نور ومراد فى صوت واحد..... معايا طبعا
اسر.... اى دا انتوا الاتنين عايزينها
نور.... مراد بعد اذنك انا عايزه مريم معايا
مراد.... معلش يانور خدى اى حاجه الا مريم... مريم هتبقى معايا
نور.... لا هتبقى معايا انا
ظل يتحدثان هكذا على من سياخذ مريم مساعده له ومريم تنظر لهم فقط واسر يكتم ضحكاته على مشداتهم
اسر بضحك..... والله ما حد واخدها منكم اخدها انا تبقى المساعده بتاعتى 😂😂😂
مريم بغيظ..... حتى انت اسكت
مريم..... باس ممكن اتكلم بصوا انا اسفه يامراد انا هبقى مع نور الفتره دى وكمان عشان اول ما جينا هنا وانا معروفه انى بشتغل مع نور
مراد بغيظ.... ماااشى خليكى مع نور
مريم بخوف.... لا ونبى انا عارفه البصه دى كويس اهدى كدا بالله عليك هى مجرد فتره بسيطه مش اكتر
مراد.... خلاص يامريم انا موافق ويلا بقى عشان نمشى احسن حد يحس بغيابنا وخصوصا انتى يا نور
نور.... عندك حق يلا
فتح اسر ومريم بابا الشقه وغادروا وكانت تتبعهم نور الا انا اوقفها صوت مراد
مراد.... نور
نور وهى تلتفت اليه.... نعم
مراد بغموض.... بتصقى فيا وفى كلامى
نور... اكيد طبعا يا مراد بتقول كدا ليه
مراد.... هقولك حاجه ومتسالينيش عنها بس صقى فيها كويس
نور.... ماشى قول
مراد.... خليكى مع احمد الفتره دى من غير اى جنان ماشى
نور باستغراب.... ليه مش فاهمه
مراد بابتسامه.... مش انا قولتلك متسالينيش يلا ننزل عشان مريم واسر زمانهم نزلوا يلا
غادر نور ومراد وكان عقل نور يفكر فى كلام مراد وما سببه وما هو تفسيره حتى وصلت الى المنزل وصعدت الى الاعلى حيث لم يكن احمد متواجد فى المنزل فذهبت الى المرحاض وابدلت ثيابها باخرى للنوم واتجهت الى الفراش ونامت نوما عميقا
ـــــــــــــــــــــــــــــــــــــــــــــــــــــــــــــــــــــــــ
فى مكان اخر نذهب اليه لأول مره فيلا توجد فى مدينه البحر الابيض التوسط (الاسكندريه) فى غرفه يوجد بها فتاه تستلقى على الفراش يوصل بها اجهزه طبيه تجعلها على قيد الحياه هى مثل الورده النائمه رقيقه وجميله وناعمه دخل الى الغرفه شخص ياتى دائما للاطمئنان عليها وقف ينظر اليها لوقت كبير حتى جاء الطبيب الخاص بها يتحدث اليه
الدكتور .....مروان بيه كويس ان حضرتك جيت كنت عايز اكلم حضرتك فى موضوع
مروان ....اتفضل يا دكتور بس الاول عايز اعرف حالتها اى دلوقتى طمنى عليها
الدكتور .....للاسف الحاله زى ماهى مفيش اى تقدم وتقريبا هتفضل كدا على طول ودا الموضوع الى كنت عاز اكلم حضرتك فيه
مروان ....موضوع اى
الدكتور ....حضرتك هى بقلها اكتر من سنتين محطوطه على الاجهزه ومافيش اى فايده ولا حتى اشاره تخلى عندنا امل عشان كدا انا كنت بقترح على حضرتك ان كفايا كدا واشيلها من على الاجهزه
مروان بغضب ......انت بتقول اى إياك اسمعك تقول كدا تانى انت فاهم وبعدين هو انت بتصرف عليها من جيبك ملكش فيه حتى لو فضلت كدا ١٠٠سنه انت تنفذ المطلوب منك وبس انت فااااهم
الدكتور بخوف ....فاهم فاهم يا فندم انا اسف
مروان بغضب ....يلا امشى من قدامى
الدكتور .....حاضر بعد اذنك
غادر الدكتور سريعا من امامه وجلس هو بجانبها على الكرسى ينظر لها ويتحدث معها
مروان .....انا مش عارف انتى طلعتيلى منين بس ولا عارف انتى مين بقالى اكتر من سنتين مستنيكى تفوقى بس عشان اعرف انتى مين. ياترى لون عنيكى اى طب بلاش عنيكى ياترى اسمك اى..... انتى الوحيده الى بتكلم معاها ومش عارف اسمها. اقلك انا عندى فكره انا اسميكى لحد ما تفوقى واعرف اسمك الحقيقي اى... بس اسميكى اى... اسميكى اى... اه اى رايك فى شمس حلو على فكره هو لايق عليكى يارب تفوقى بقى
يتنهد بقوه ويرجع راسه الى الوراء،ويتذكر اول مره قابلها
فلاش بااااااك
كان يسير بسيارته على الطريق مابين اسكندريه والقاهرة أوقف السياره فجاه عندما راى سياره منقلبه على الطريق ومن الواضح انها حادثه كبيره اقترب من السياره ليرى ان كان بها احد يساعده ام لا اقترب اكثر حتى وجد فتاتين فى السياره اسرع اليهم يخرجهم وقد انتبه ان البنزين قد تسرب من  السياره واوشكت السياره على الانفجار اسرع فى حمل فتاه واخذها الى سيارته وبعدها عاد الى الآخرى لينقذها ولاكن لم يلحق بها فقد اشتعلت النار وانفجرت السياره لم يستطيع التفكير كثير فقد ركب سيارته وقرر ان ياخذ الآخرى الى المشفى لينقذها قبل أن تموت فقد احس بوجود نبضها ولاكن كان ضعيف وصل بأقصى سرعه الى اقرب مشفى وحملها الى الداخل حتى اخذوها منه الممرضين والأطباء وتوجه سريعا الى غرفه العمليات
بعد ساعات عديده من الزمن وهو يقف امام غرفه العمليات خرج الطيب واخبره ان حالتها سيئه للغايه كان يوجد بعض الكسور فى زراعها ورجلها اليسرى والخدوش والاصابات فى الوجه والكتف وكان النصيب الاكبر هو نزيف المخ اخبره الطبيب ان الله كتب لها عمرا جديدا فقط الان سيضعوها فى العنايه المشدده وينتظرون لمرور ٢٤ساعه لتكون بأمان غادر الطبيب بعد ان تحدث بعمليه شديده عن الحاله وتركه ينظرلها وهم يخرجوها من غرفه العمليات متوجهين بها الى العنايه المشدده
باااااااك

عاد من ذكرياته مره اخرى وهو ينظر اليها
مروان ....هتفضلى نايمه كدا مش هتقومى بقى عشان اعرف انتى مين...... طيب براحتك  انا هقوم امشى دلوقتى وابقى اجيلك بعدين تصبحى على خير يا شمس
ليغادر مروان وتركها كما اعتاد على ذالك طوال عامين
ـــــــــــــــــــــــــــــــــــــــــــــــــــــــــــــــــــــــــــ
فى صباح يوم جديد فى فيلا احمد سلطان
استيقظت نور مبكرا وجهزت نفسها وارتدت ثيابا مناسبه وانيقه وقفت امام المرأه تنظر لنفسها برضا على مظهرها ثم سحبت حقيبتها وارتدتها وغادرت
فى الاسفل كان يجلس فى غرفه المكتب بعدما عاد متأخر فى الليل ونام فى غرفه المكتب دون الشعور بذالك خرج من مكتبه وجدها امامه تستعد للخروج

احمد .....صباح الخير اى الشياكه دى على فين كدا
نور ....صباح النور...... رايحه الشركه فى مانع
احمد وهو يقترب منها .....لا مفيش مانع بس بشرط
نور بتوتر من اقترابه لها .....شرط اى
احمد .....الحراسه متفارئكيش ثانيه وكدا كدا انا هكون هناك كمان مش هسيبك
نور بغضب مكتوم ....ماشى ممكن امشى بقى
احمد ....اتفضلى يلا بينا
نور ...بينا على فين انت هتروح معايا كدا مش هتغير لبسك دا
احمد ....عندك حق انا هروح اغير هدومى واجى على طول استنينى ٥دقايق بس
نور بتفكير .....ماشى يلا
صعد احمد سريعا يبدل ملابسه بينما وقفت تنظر لاثره وابتسمت ابتسامه على خداعها له ارتدت نظراتها وغادرت بثبات وثقه بينما احمد كان يبدل ثيابه ثم توقف بصدمه عندما سمع صوت اطارات السياره وهى تغادر فعلم انها خدعته وغادرت استكمل ملابسه سريعا واستلقى سيارته وغادر
ــــــــــــــــــــــــــــــــــــــــــــــــــــــــــــــــــــــــــــــ
فى مجموعه ثابت
فى مكتب نور كانت تجلس بكل ثقه حتى جاء اليها
عزيز ....اهلا ببنت اخويا
نور....اهلا يا عمى  ها جهزتوا لاستقبال المستثمر الاجنبى
امير ....جهزنا كل حاجه ونتمنى أن الاجتماع دا يعدى على خير
نور.....انشاء الله هيعدي
ثوانى ودخلت اليها السكرتيره الخاصه بها تخبرها ان المستثمر الاجنبى وصل وغرفه الاجتماعات جاهزه
نور ....طيب يلا بينا البهوات كلهم وصلوا يامنى
منى السكرتيره .....اه يا فندم كلهم فى غرفه الاجتماعات
نور وهى تغادر .....طيب كويس يلا بينا
تدخل نور غرفه الاجتماعات ومعها امير وعزيز

ماذا ستفعل ياترى؟.......
ومن تلك الفتاه التى تدعى شمس؟!.......
للحديث بقيه.... ❤