غدر حبيبى

الفصل الرابع عشر

ماان انتهى كل منهم من ذكرياته فكانت نور تجلس كما هى ولاكن اصبحت عيناها تملئها الدموع وتنزل على خديها
اما احمد فكان الحزن يملى وجهه على ما وصلوا اليه فى النهايه
فقد ارهق كل منهم من افكاره وقرروا ان يأخذون قسط من الراحه ويذهبون الى النوم دون التفكير فى اى شى
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
فى مكان اخر فى الاسكندريه فيلا مروان
مروان بلهفه..... خير يا دكتور
الدكتور....... خير يا مروان بيه المريضه فاقت اخيرا من الغيبوبه
مراون..... بجد... طب هى فين
الدكتور..... اتفضل حضرتك
دخل مروان والدكتور الى غرفه الفتاه ليراها تجلس على الفراش وتضع راسها بين يداها
مروان..... حمد الله على سلامتك
الفتاه وهى تنظر له....... الله يسلمك انت مين وانا فين
مروان بهدوء.... انا مروان ثابت الى انقذتك وانتى هنا فى الفيلا بتاعتى
الفتاه..... انقذتنى من اى انا مش فاكره حاجه.... طب انا بقالى قد اى هنا
مروان وهو ينظر الى الطبيب...... انتى بقالك سنتين فى غيبوبه
الفتاه بصدمه..... اى سنتين
مروان.... اه ممكن بقى تقوللنا انتى مين واهلك مين عشان نوصلهم لاننا منعرفش عنك اى حاجه من ساعت ما شفتك
الفتاه تضع يدها على راسها وتحاول ان تتذكر شى وترد بحزن...... مش عارفه انا مين ومش فاكره اى حاجه
مروان..... صلاه النبى احسن بقى انا استنى سنتين عشان تفوق ولما تفوق تبقى فاقده  الذاكره طب اعمل اى بس ياربى ثم اكمل بصوت مسموع..... طيب اهدى ومتتغطيش على نفسك انشاء الله هتفتكرى كل حاجه المهم انك تاخدى العلاج فى مواعيده
الفتاه..... شكرا يا استاذ مروان
مروان..... العفو ياااا صحيح انا هختارلك اسم بقى عشان اعرف. اتكلم معاكى... اى رايك فى شمس على فكره انا كنت بكلمك بيه وانتى فى الغيبوبه عشان مكنتش اعرف عنك حاجه
الفتاه..... حلو شمس شكرا لحضرتك
مروان..... طيب يا شمس انا همشى دلوقتى وهاجى تانى
شمس بخوف..... هتمش فين وانا هقعد لوحدى هنا
مروان وقد احس بخوفها..... متخافيش انا هاجى تانى هجيب بس حجات وجاى على طول ومتقلقيش فى هنا واحده هتجيلك دلوقتى عشان تشوفك لو احتاجتى حاجه
شمس..... ماشى
ذهب مروان واخذ معه الطبيب الذى اخبره انها من المؤاكد ستستعيد ذاكرتها بشكل تدريجى او لم تستعيدها ابدا شكرا مروان الطبيب على مجهوده طوال هذه الفتره وغادر الطبيب واستدعى مروان الخادمه واخبرها ان تبقى مع شمس ولا تتركها وايضا تعد لها طعاما وتطعمها وافقت الخادمه ونفذت اوامره اما هو فقد ذهب الى احدى المولات ليشترى لها بعض الثياب وكل ما تحتاجه وما ان انتهى عاد مره اخرى وصعد اليها
مروان...... السلام عليكم ها عامله اى دلوقتى حاسه انك احسن
شمس.... اه الحمد الله
مروان..... طيب اتفضلى الشنط دى فيها كل حاجه تحتاجيها ولو احتاجتى اى حاجه بلغينى
شمس..... تعبت نفسك والله على العموم شكرا
مروان.... العفوا انا همشى بقى لازم ارجع القاهره وانتى هتفضلى هنا وفاطمه هتبقى معاكى
شمس..... هو انت مش عايش هنا
مروان...... لا انا مش عايش هنا انا عايش فى القاهره ومتقلقيش مش هتقعدى هنا كتير الاول بس  خليكى هنا لحد ماتبقى كويسه وبعدها اخدك القاهره
شمس باستسلام..... ماشى
عاد مروان الى القاهره مره اخرى وطوال الطريق كان يفكر بها من هى من تكون عيونها العسليه صوتها الهادى يفكر فى كل شى بها حتى وصل الى القصر وصعد غرفته ونام نوما عميقا وتمنى ان يراها فى احلامه
ـــــــــــــــــــــــــــــــــــــــــــــــــــــــــــــــــــــــــــــــــــــــ
فى صباح يوم جديد على الجميع........