غدر حبيبى

الفصل الخامس عشر

اسر..... يا نهار اسود يعنى مش كانوا عايزين يجننوها وبس لا ويقتلوها كمان زى ما قتلوا باباها ومامتها ووالدك
مراد.... اه يا اسر كل ما افتكر انهم قتلوهم ابقى عايز اقوم من مكانى واروح اولع فيهم واحد واحد
اسر..... انت قلت ان احمد معاه تسجيل بصوتهم ليه ميبلغش ويدى  التسحيلات دى للبوليس ويخلص
مراد.... انت فاكر ان البوليس هيقدر يعملهم حاجه وحتى لو عملهم وقبض عليهم تعرف ان اصغر محامى هيطلعهم بكفاله على الاقل مؤقت واول ما يخرجوا اول حاجه هيعملوا هو السفر برا مصر وساعتها مش هنبقى استفدنا حاجه انا عايزهم تحت عينى عشان اعرف اخد حقى منهم كويس وبراحه
اسر..... طب انا عايز اسالك سؤال هما الشباب والبنات يعرفوا كل دا ولا لا
مراد.... مش عارف بس انت بتسال ليه
اسر..... لا ابدا عادى يعنى
مراد..... طيب انا همشى بقى اروح الشركه عايز حاجه
اسر.... خدنى معاك انا كمان نازل يلا
خرج الاثنان وكل منهم توجه الى وجهته فمراد اتجه الى الشركه اما اسر اتجه الى عيادته الخاصه وكان مايشغل باله هل مايا تعلم بما فعلته عائلتها ام لا وايضا كان يفكر لو انها تعلم كيف سيتعامل معها لاكنه قرر انه يتاكد بنفسه
ـــــــــــــــــــــــــــــــــــــــــــــــــــــــــــــــــــــــــــــــــــــ
فى قصر ال ثابت
كان يجلسان مروه وشيرين مع بعضهم يتحدثون فى بعض امورهم التافه حتى جائت اليهم نور
نور بابتسامه خبيثه..... مساء الخير عليكوا يا حلوين
شيرين...... اهلا يابنت اخويا
نور.... عسل يا عمتى.. بنت اخويا طلعه منك زى السكر
ولا اى يا مرات عمى
مروه..... اه طبعا ازيك يانور عامله اى
نور..... احسن منك يا مرات عمى ولا اقولك ياام مالك
مروه. بغضب.... بلا مرات عمى بلا ام مالك ان اسمى مروه هانم
نور باستفزاز ..... ماشى يامروه هانم يامرات عمى ياام مالك وداليا ها كدا حلو
مروه بغضب.... انا قايمه قبل ما اتشل
نور بضحكه..... عن قريب انشاء الله متقطعيش
غادرت مروه الى غرفتها وظلت شيرين جالسه
نور..... ما تحكيلى يا عمتى بتعملى اى فى حياتك غير، انك بتاذى الناس وتخرجى وتتفسحى وتعملى شوبنج

شيرين.... هعمل اى يعنى ما انتى قولتى بخرج واتفسح واعمل شوبنج فى حاجه تانى بتتعمل
نور..... اه فى مفكرتيش تشتغلى... اه صح انا نسيت هتشتغلى ازاى وانتى اصلا كنتى فاشله فى الدراسه وجدو الله يرحمه اشترالك الشهاده بالفلوس... طب انا هقولك حاجه تعمليها مثلا انك تربى ولادك توتو.. بس هتربيهم ازاى وانتى اصلا متربتيش عشان تربيهم ما عالينا........ اه خلاص انا لاقيت حاجه كويسه تعمليها انك تجوزى ولادك ويجبولك احفاد وتبقى جده وتقعدى بقى تربيهم بس تربيه صح مش زى تربيتك ولا تربيت ولادك
شيرين. وقد استشاطت من الغضب وقررت ان تغادر افضل من ان ترتكب جريمه الان
نور بضحكه...... ولسه انا كدا بسخن بس اما وريتك انتى وهى مبقاش انا نور ثابت
ـــــــــــــــــــــــــــــــــــــــــــــــــــــــــــــــــــــــــــــــــــ
فى مكان اخر وهو عياده الطبيه الخاصه بـــ اسر
تدخل مايا وهى تحمل باقه من الزهور البنفسجي والابيض
مايا..... مساء الخير لو سمحتى دكتور اسر، موجود
المساعده..... مساء النور يا فندم اه حضرتك الدكتور موجود
مايا..... طيب ممكن اقابله
المساعده..... اقوله مين حضرتك
مايا.... قليله مايا ثابت
المساعده.... ثوانى وهبلغه
دخلت المساعده الى مكتب اسر واخبرته ان مايا بالخارج فاخبرها ان تدخلها على الفور خرجت المساعده واخبرت مايا ان اسر ينتظرها شكرتها مايا ودخلت الى مكتب اسر لتجده فى انتظارها
مايا..... مبروك يا دكتور اتفضل... اعطت له باقه الزهور
اسر.... الله يبارك فيكى شكرا.... حلو اووى الورد
مايا..... بجد عجبك
اسر..... جدا.... اى رايك تعالى افرجك على العياده
مايا بابتسامه.... ماشى يلا
بدا اسر يريها كل شى فى عيادته وهى كانت مستمتعه بذالك واعجبت كثيرا بها وبالوانها الفاتحه المبهجه
اسر.... ها يا ستى اى رايك
مايا..... حلوه جدا والالوان تحفه بس فى سوال فين الشيزلونج بتاع المرضى
اسر..... لا هو انا مش عامل شيزلونج للمرضى انا عامله ليا انا عشان لو حبيت انام شويه ولا حاجه 😂
مايا بضحك.... طب وهتعالج المرضى ازاى
اسر.... بالالعاب هنلعب مع بعض 😂تعالى اوريكى
سحب يدها واجلسها على الاريكه واعطى لها  زراع للبلايستيشن ليبدا معها فى لعب جوله
بعد ان انتهى بمكسب ساحق لاسر
مايا..... خسرت
اسر.... معلش اتمرنى وعوضى المره الجايه
مايا...... المره الجايه لا بجد انت ناوى تلعب بس مش هتشتغل
اسر...... ما انا بشتغل اهو انتى طول ما انتى بتلعبى مسكتيش لحظه وحكيتيلى عن كل حاجه انتى بتحبى اى  وبتكرهى اى وبتعملى اى فى حياتك من غير ما اسأل 
هو دا اسلوبى فى العلاج
مايا..... يعنى انا كدا كنت بتعالج
اسر..... انتى وعدتينى انك تبقى اول مريضه بس انا مش هعتبر دا علاج انا هعتبر ان دى دردشه صحاب
مايا..... تصدق انا غلطانه اصلا انى سمعت كلامك وجيت انا ماشيه... قامت واخذت حقيبتها وفتحت الباب للخروج ولاكن التفتت اليه مره اخرى وقالت.... اه على فكره انا مش مريضه يا دكتور اسر سلام 👋
بعد ان غادرت اسر فى نفسه...... مالها البت دى هى زعلت ولا اى بس انا عرفت حاجه مهمه اووى ان قلبها طيب ومهما كانت قوتها هى ضعيفه
ـــــــــــــــــــــــــــــــــــــــــــــــــــــــــــــــــــــــــ