غدر حبيبى

الفصل الثانى عشر

نور وهى تغادر .....طيب كويس يلا بينا
تدخل نور غرفه الاجتماعات ومعها امير وعزيز
نور وهى ترحب بالمستثمر.....اهلا مستر دانى
دانى ......اهلا نور هانم
نور ..... اتفضلوا نبدأ الاجتماع
وبعد وقت من المناقشات المتبادله بين نور ودانى
نور .....والله يا مستر دانى  الى حضرتك بتقوله دا كويس بس انا مش موافقه على إتمام الصفقه دى
صدمه للجميع كيف ترفض صفقه كهذا
عزيز ....اى الى انتى بتقوليه دا
نور بحده  ....الى بقوله واضح وانا المسئوله الوحيده عن إتمام اى صفقه او لا وبقلكوا اهو انا مش موافقه على الصفقه دى
احمد .....ممكن نعرف اى وجه نظرك فى كدا
نور باستفزاز.....والله انا حره شركتى وفلوسى واعمل الى انا عيزاه
عزيز .....اللهم  طولك ياروح
نور .....شكرا مستر دانى  شرفتنا
دانى  ....العفو نور هانم انا اتشرفت بمعرفتك واتمنى نتقابل فى صفقه اخرى
نور .....انشاء الله ... باى دانى
دانى  ....باى
غادر دانى غرفه الاجتماعات والمجموعه باكملها
نور وهى تجلس مره اخرى على الكرسى .  ..... اتفضلوا قولوا الى عندكم
امير .....انتى اى الى انتى عملتيه دا ازاى تبوظى صفقه مكسبها ملايين انتى اتجننتى
نور ......اه اتجننت هو مش انا برضوا كنت فى مستشفى للمجانين ولا اى..... وسبق وقلت انا حره
مالك .....يعنى اى حره تبوظى صفقه كبيره زى دى وتقولى حره
نور ....والله الى يملك نص الى انا بملكه  ويقدر على مواجهتى يواجهني ويتمم الصفقه هو....
نظر الجميع الى بعضهم فهم يعلمون جيدا انا نور تملك اضعافهم جميعا ولا يستطيعون منافستها
نور ....يعنى سكتوا يبقى عندى حق وعشان كدا بقى من هنا ورايح الى اقوله يتنفذ من غير،نقاش ولا اعتراض من حد انتوا هنا مجرد شركاء  بنسب بسيطه انا الى بملك وانا الى بتحكم..... ماشى ....يلا كل واحد يروح على مكتبه ويشوف شغله
نظروا الى بعضهم وخرجوا جميعا ما عدا احمد كان ينظر لها
نور ....انت مسمعتنيش ولا اى
احمد  .......سمعتك عشان كدا مستغرب من الى سمعته
نور . ......ليه بقى مستغرب
احمد ......انتى مين ....مستحيل تكونى نور انتى واحده تانيه معرفهاش ازاى بقيتى كدا نور عمرها ما كانت كدا فين نور بتاعت زمان
ضحكت نور بشده على سؤاله هذا وكيف تغيرت
نور بضحك .....انا فعلا مش،نور بتاعت زمان ...نور،بتاعت زمان دى ماتت وانت عارف كويس مين الى موتها ولا يمكن ترجع تانى الى قدامك دلوقتى نور الى معندهاش قلب نور الى هتندم كل واحد فكر انه يأذيها ويخدعها
احمد .....ماشى يانور لو عايزه تنتقمى انا قدامك اهو اعملى الى انتى عيزاه حتى لو هتموتينى انا موافق بس بلاش تبقى كدا بلاش تعملى كدا مع الناس دى امشى يا نور وابعدى عنهم
نور وهى تقترب منه ......انت عارف لو انتقمت منك هعمل اى مش هقتلك لا...... انا هخلع قلبك دا وقطعه ١٠٠ حته مش هقولك عملت فيا كدا ليه لانه واضح انك كل دى كانت لعبه واتفاق مابينك وبينهم بس كل الى هقولهولك انك تستعد عشان زى ما دخلتنى المستشفى بايدك انا كمان هدخلهالك بايدى
احمد ......كل دا فعلا كانت لعبه بس مش عليكى بكرا تعرفى اما بقى قلبى الى عايزه تقطعيه ١٠٠ حته فهوا مع كل دقه منه مبينطقش غير حاجه واحده انه بيحبك
توترت نور من حديثه وخفق قلبها فجاه لا تعلم لماذا ماذا يقول هل هو صادق هل يتلاعب بى مره اخرى ام يقول الحقيقه
ولاكن قلبى يصدقه بشده ويميل له وعقلى لا يستوعب ما يقوله ويرفض حديثه
ابتعدت عنه وغادرت من امامه سريعا حتى لا تضعف اكثر من ذالك
وقف احمد وكان على وجهه ابتسامه بعد ان راى مدى تاثيره عليها
احمد بابتسامه .....لسه بتحبينى يانور اوعدك يا حبيبتى انى هخلص من اى حاجه عايزه تأذيكى وافضى بقى لقلبك الى لسه زى ما هو
ــــــــــــــــــــــــــــــــــــــــــــــــــــــــــــــــــــــ
فى مكتب نور ..... كانت تقف توبخ نفسها على ضعفها امامه وان ما زال قلبها يخفق له
نورلنفسها ....... لا لا مستحيل انا مش بحبه انا بكرهه لا يمكن آلى حصل دا يكون لسه بحبه ابدا
سمعت طرقات الباب فاذنت للطارق بالدخول وكانوا مراد ومريم
نور ....تعالى يا مريم تعالى يا مراد
مراد وهو يجلس ....اى الى انتى عملتيه دا معاهم انتى كدا بتلعبى بالنار وهما مش هيسكتوا
نور .....عارفه انهم هيفكروا ازاى يخلصوا منى بس انا بقى فيقالهم كويس متقلقش
مريم .....طيب دول فيقالهم وبالنسبه لأحمد هتعملى معاه اى
نور .....مش عارفه يا مريم بس حاسه ان فى حاجه غلط احمد وراه حاجه
مراد بتوتر ....حاجه زى اى يعنى
نور ....مش عارفه كنت بتكلم انا وهو بعد ما خرجتوا وكان كلامه كلها الغاز مش عارفه تفسيرها اى
مريم ....مش يمكن دى تكون لعبه جديده منه
نور بتفكير .....ممكن بس الشاطر الى ميوقعش فى الغلط مرتين وانا مهما حصل ومهما قال عمرى ما هصدقوا تانى ابدا
مراد بحزن وتوتر ... طيب بقلكوا اى ما تيجوا نكلم اسر ونروح كلنا نتغدا مع بعض برا
مريم بفرحه .....انا موافقه
نور ....وانا كمان يلا بينا
مراد .....يلا
تحدث مراد مع اسر واخبره ان يلتقون فى مكان ما ليتناولون الغداء جميعا مع بعضهم
ــــــــــــــــــــــــــــــــــــــــــــــــــــــــــــــــــــــــــــــــ
فى مكتب عزيز كان يجلس ومعه امير ومالك ومروان
عزيز بغضب .....بينت ال.. ضيعت مننا الصفقه ومش،بس كدا دى بتتحكم فينا كمان
امير .....اهدى يا عزيز عشان نفكر ونشوف هنعمل اى
مروان ....بس هنعمل اى منقدرش نعمل حاجه هى المتحكمه فى كل حاجه انا من رأى اننا نحاول نكسبها الفتره الجايه وتبقى معانا احسن ما تبقى علينا
عزيز ....انت عبيط هى مين دى الى تبقى معانا بنت صفوان لا مستحيل وكل الى هى فرحانه بيه دا  هيبقى ملكى ومش هسيبها ابدا تتحكم فى حاجه
امير ....خلاص يبقى نخلص منها وكل فلوسها دى تبقى بتاعتنا
مالك ....اى الى انت بتقوله دا يا خالوا مانتوا حاولتوا قبل كدا ودخلتوها المستشفى عايزين اى تانى ومتنسوش انكوا حتى لو عملتوا كدا تانى هتخدوا حاجه لا هى برضوا هترفض تمضى على التنازل زى ما حصل قبل كدا
انا مع مروان كفايا كدا ونحاول نكسبها عشان منخسرش كل حاجه
عزيز وامير وهم ينظرون لبعضهم نظرات غامضه
عزيز .....ماشى يا مالك ومالوا الى انتوا شايفينوا
ثوانى وجاء اتصال لمروان
مروان .....الو
المتصل..............
مروان .....اى طيب انا جاى حالا سلام
مالك .....فى اى يا مروان خير
مروان باستعجال......لا مفيش حاجه يا مالك انا بس همشى دلوقتى سلام
مالك باستغراب من استعجاله......سلام
غادر مروان سريعا من امامهم حتى نهض ايضا مالك واستأذن منهم ليغادر هو الاخر
عزيز .....اسمع العيال دى مش لازم تبقى معنا فى الى جاى والى هيحصل مش لازم يعرفوا خليهم يتفاجؤا
امير ......ماشى وبالنسبه للباقي احمد ومروه وشيرين والبنات
عزيز .....هنعرف برضوا هما ناوين على اى بس لما نروح ونقعد مع بعض ونشوف
امير .....ماشى يلا سلام
عزيز .....سلام
ـــــــــــــــــــــــــــــــــــــــــــــــــــــــــــــــــــــــــ
فى شركه احمد سلطان
كان يجلس فى مكتبه شارد الذهن يستعيد ذكريات
الماضى
وفى نفس الوقت بعد ان انتهت نور من الغداء مع مراد واسر ومريم غادرت سريعا وتوجهت الى المنزل صعدت الى غرفتها واستلقت على الفراش دون ان تبدل ملابسها وتستعيد ايضا ذكريات الماضى
ـــــــــــــــــــــــــــــــــــــــــــــــــــــــــــــ
فلاش باااااااك
فى يوم من الايام وبعد مرور عاما  على لقائهم وصداقتهم ومعرفتهم ببعض
كانت تجلس مع بعض صديقاتها فى مقهى الجامعه يتحدثون حتى جائت اليها صديقه تقول
صديقتها . .......نور تعالى معايا عيزاكى
نور ......اجى معاكى فين
صديقتها بتوتر ......اصل ...بصراحه كدا احمد اغمى عليه وهو فى المسرح
نور بصدمه وخوف ......اى
تذهب سريعا تجاه المسرح تبحث عنه وتطمئن عليه
دخلت الى المسرح لتفاجأ مما رأته
كان يقف فى منتصف المسرح يحمل باقه من الزهور باللون الأحمر بدات تتقدم اليه فى خطوات ملخبطه مابين المفاجاه والفرحه حتى وقفت امامه
نور . .......اى دا ازاى انت كويس
احمد بابتسامه.......انا كويس متقلقيش واسف انى جبتك هنا بالطريقه دى.... معلش مقلب صغير كدا على الماشى
نور ........على طول بتحب المقالب تمام المهم انك كويس
احمد ......نور عايز اقولك حاجه مهمه اووى
نور .....اتفضل
احمد ........ بصى مش عارفه ابدا منين بس ...... اول ما عينى تشوفك بتلمع من النظره ليكى اول مابسمع صوتك بحس وكأنوا لحن جميل اول ما بشوف ضحكتك وابتسامتك الجميله قلبى بيدق من الفرحه اول دقه حب فى قلبى كانت اسمك واول صوره اتسجلت فى عقلى كانت صورتك من اول يوم شوفتك فيه أعجبت بيكى بس دلوقتى مبقاش مجرد اعجاب
نور انا بحبك ❤️❤️❤️
نور بصدمه وفرحه من ما سمعته .......اى
احمد وهو يهمس لها برقه ......بحبك
ابتسمت نور بسعاده على تأكيده لكلمته لطالما كانت تحلم كثيرا بهذا الحب ظلت صامته كثيرا فالفرحه قد نستها انت تتحدث وتجيب عليه
احمد بترقب .... وانتى يا نور
نور بابتسامه خجل وقد اومأت براسها عده مرات
ليطير احمد من السعاده على اجابتها الخجوله
احمد .......بجد يعنى انتى كمان بتحبينى....ردى عليا
نور .......انا كمان بحبك ❤️❤️
احمد ......واخيراااااا بحبك يا نور
ثم هدا بعض الشى وقدم لها باقه الزهور
نور مزاح ......لسه فاكر تديهانى دلوقتى
احمد .....لا ما انا كنت هديهالك لو وافقتى لاكن لو ماوفقتيش كنت هضربك بيها 🤣🤣🤣
نور ......والله وبعدين اى المقلب الى انت عملته دا قلقتنى عليك
احمد بابتسامه.......بجد قلقتى عليا
نور بخجل ......اه
احمد .......يالهوى على القمر الى خدوده بتحمر
يوسف من خلفهم ......انجز يا روميوا احنا معطلين الفرقه عن البروفات بتاعتها عشان سياتك
احمد وهو ينظر له بشر .....عيل رخم خلاص يا خويا كملوا بروفات قال يعنى هياخدوا الجايزه الاوله فى التمثيل
يوسف ......مش عيب عليك تبقى المخرج وبتسخر من الفرقه بتاعتك يرضيكى كدا يا استاذه نور عاملنا إحباط
نور بضحك ......لا ميرضنيش
يوسف ....اهى كلمه الحق ظهرت
احمد .....والله ماشى تعالى انتى بقى كدا انزلى اقعدى هنا واتفرجى على الى هيحصل
يوسف بخوف مصطنع ......لا انا بقول احنا نمشى وعادى انت براحتك يابرنس مش مهم بروفات هما يعنى هياخدوا الجايزه الأولى فى التمثيل
احمد .......خد تعالى بس يلا نبدأ بروفات وعارف لو شفت حاجه غلط همل فيكوا اى
يوسف ..... لا يارب ما تشوف
احمد .....اى
يوسف ......اقصد ماتشوفش حاجه غلط
بدات بروفات الفرقه وكانت لا تخلوا من مزاح يوسف واحمد دائما ولا ضحك نور عليهم بعد وقت طويل أعطاهم احمد استراحه وذهب ليجلس بجانب نور
احمد .....ياااا اخيرا اى رايك فى إخراجى
نور بضحك ........لا بجد حاجه تحفه دا إخراج ولا خناقه بتعملها مع الفرقه
احمد بضحك .....لا طبعا خناقه انا كمخرج لازم اخانق فيهم
نور ..... انا عايزه اعرف انت عايز تبقى مخرج ولا مهندس
احمد .....لا انا مش  هبقى مخرج انا بس بعمل كدا وانا لسه فى الجامعه انما انا بحب الهندسه جدا وعندى كمان شركه  والدى الله يرحمه صحيح معايا شريك بس انا الى بدير الشركه
نور .......الله يرحمه حاجه حلوه جدا انك بتنفذ الى بتدرسه عملى ياريت لو اقدر اعمل ذيك
احمد ....بس كدا تقدري طبعا اى رايك تبقى معايا فى الشركه
نور ......اممممم ماشى موافقه بس بشرط مش هلتزم بحاجه يعنى عشان الدراسه رقم واحد
احمد بابتسامه.....طبعا انتى تيجى وتمشى براحتك