غدر حبيبى

الفصل الثامن

دقائق وجائت اليهم نور وهى تقول وعلى وجهها ابتسامه مشرقه.... صباح الخير
التفت الجميع ونظروا اليها حتى اتسعت عيونهم من رائيتهم اليها وهى ترتدى فستانا وردى جميلا ولكن ما صدم منه هو ان بطنها منتفخه وعلى وجهها ابتسامه 
عزيز..... اى دا هى ملها بطنها منفوخه كدا ليه
امير.... مش عارف يمكن كلت كتير ولا حاجه
مروه.... دى لو كلت خروف مش هيبقى كدا
شيرين... احسن يكون العلاج الى حطنهولها اثر عليها ولاا يا مراون انت جبت علاج بيعمل كرش ولا اى
مروان..... علاج اى الى هيعمل كرش دا علاج ملوش مفعول يعنى زى الحلاوه كدا من غير طعم
جلست نور على مقعدها وبدات فى الفطار حتى قالت موجها حديثها الى الخادمه
نور.... لوسمحتى يا سعديه ممكن زيتون اخضر اصلى نفسى فى اووى
الخادمه سعديه .... حاضر يا هانم
مريم.... ما شاء الله يا نور شكلك نفسك مفتوحه اووى للاكل
نور وهى تاكل.... اوى اوى يامريم حاسه انى جعانه اووى ومهما اكل مش بشبع
مريم بترقب.... وياترى دا سببه اى
نور.... اكيد طبعا سببه ابنى حبيبى الى عايزنى اكل كل حاجه
الجميع بصدمه..... ابنك
نور.... اه ابنى مالكوا  انتوا اول مره تعرفوا انى باكل كتير بسبب ابنى على العموم خلاص هانت فاضل شهرين وحبيب امه يشرف بالسلامه
مالك..... حلاوه دا الفولت المرادى عالى  اوى
عزيز بغضب وقد نسى كل شى.... ابن مين يا  بت انتى انتى اتجننتى نظرت نور اليه بتعجب ثم نظر الجميع اليه بتحزير ثوانى وقد استعاد عقله وانتبه لما قاله
عزيز... اقصد يعنى ربنا يجيبه بالسلامه
نور.... يارب ياعمو اه صحيح امال احمد فين انا مشفتوش من الصبح هو فطر وخرج على طول ولا اى
مراد.... احمد وينظر الى مريم التى تنظره له بتحزير ثم يكمل.... اه هو خرج قال انه عنده شغل ضرور وهيجى على طول
مايا.... لا دى شكلها المسرحيه المرادى كبيره وهطول ثم تتابع بصوت مسموع... بعد اذنكم انا بقى هروح النادى سلام
الجميع.... سلام
وتغادر مايا وبعد دقائق نهض الجميع من على السفره وغادر عزيز وامير الى الشركه مما رفض الشباب المغادره لانهم يريدون ان يجلسون ويشاهدون ماذا سيحدث  وذهبوا يجلسون فى الحديقه حتى جاء اليهم احمد وهو يقول.... صباح الخير يا جماعه اى دا مراد ازيك عامل اى حمدالله علي السلامه
مراد بكره خفى.... الله يسلمك
نور... حمدالله على السلامة يا حبيبي كويس انك جيت دلوقتى انا كنت عايزه اروح اشترى شويه حجات للبيبى
توجه نظر احمد اليها ولم بنتبه فى او نظره اليها ....الله يسلمك ماشى نروح نشترى حجات للبيبى انتبه لما قاله .....اى بيبى مين ...ولاكن سرعان  ما صدم من رايته لها بهذا الشكل
احمد بصدمه... اى دا الكرش دا طلعلك امتى
نور بزعل طفولى.... كرش كدا برضوا انا عارفه انى تختنت شويه بس اعمل اى كله بسبب ابنك الى فى بطنى يلا انا هروح اجهز بقى عشان نروح نشترى حجات اليبى ثم تغادر نور وتتركه فى صدمته
احمد وهو ينظر اليهم.... دى بتقولى ابنك ازاى
مريم.... للاسف الحاله جاتلها تانى
مراد... مش عارف ازاى جتلها مع انها اخدت العلاج بتعها قدامنا امبارح ازاى دا حصل
مريم... مش عارفه يمكن مبقاش يجيب معاها نتيجه على العموم انا هكلم الدكتوره بتاعتها وقلها ان العلاج مش جايب نتيجه اخليها تغيره
مراد.... ياريت احسن كدا الحاله بقت صعبه
احمد بحزن.... طب وبعدين هى محبكتش تفوق الا وهى بالكرش دا وكمان تقول انها حامل طب اعمل اى انا دلوقتى
مالك بضحك..... تقوم تروح معاه تجيبوا لبس البيبى وحاجته واهم حاجه متنساش البمبيرز
احمد بغيظ.... بس يلا انت
مروان بضحك.... لا مش لما الاول نعرف هى هتجيب اى ولد ولا بنت عشان لو ولد نلون الاوضه بيبى بلو ولو بنت نلونها بينك
داليا.... ولد اى وبنت اى دى شكلها كدا لما تيجى تولد هطلعلنا  كوره بلاستيك
ليتعالى ضحكات الجميع واحمد يجلس يفكر فى هذا وكان يتمنى لو انه حقيقه
دقائق وجائت اليهم نور وعلى وجهها ابتسامه
نور.... يلا ياحبيبى انا جاهزه
احمد باستسلام.... حبيبى.... يلا ياحبيبتى امرى لله
غادرت نور واحمد الى المول لشراء كل متعلقات الجنين
شيرين باستهزاء.... ياعينى البنت شكلها اتجننت خالص
مروه..... عندك حق يا شيرين ربنا يسترها علينا
مراد بغضب.... نور ست العالقلين واظن الى حصلها مكنش قليل برضوا على الى هى فيه دلوقتى ولا اى
داليا بخوف.... اه اه طبعا يا مراد عندك حق ربنا يشفيها
كانت تنظر لها مريم بغضب تريد ان تضرب هذه الفتاه الغليظه حتى سمعت صوت مالك يقول
مالك.... انسه مريم بعد اذنك ممكن اتكلم معاكى على انفراد
مراد بغضب.... انفراد ليه انشاء الله انت اصلا ملكش كلام معاها
مريم بتحدى... انا موافقه اتفضل يا استاذ مالك نتمشى فى الجنينه ونتكلم
نظر لها مراد بغضب بينما هى تجاهلته وذهبت مع مالك يتحدثان 
فى المول كانت نور تقوم بشراء كل شى يحتاجه الاطفال واحمد يسير معها وينظر لها بحب وهى تبتسم وتختار افضل الاشياء وللحظه اندمج معها احمد وقد نسى ان هذا ليس حقيقى وبدا يختار معها كل شى وكان ابنه سيولد قريبا حتى انتهوا من الشراء وغادروا سريعا يعودون الى القصر والسعاده والفرحه تملا قلب احمد وتمنى انه لايفيق من هذا الحلم ابدا
فى السياره....... جلس احمد. يقود السياره وهى بجانبه
احمد.... صحيح يا حبيبتى ليه كنتى بتختارى من كل حاجه لونين
نور.... البيبى بلو لو طلع ولد والبينك لو طلعت بنت
احمد بمكر... اه طب وانتى بقى نفسك البيبى يبقى اى ولد ولا بنت
نور.... طبعا كل الى يجيبه ربنا كويس بس انا نفسى فى ولد ويكون شبهك
احمد... شبهى شبهى ازاى يعنى
نور... يعنى يكون عيونه زى عنيك سوده وواسعه وتكون ضحكته نفس ضحكتك وقلبه زى قلبك والاهم انه يكون حنين زيك ويحبنى زى ما انت بتحبنى وانا احبه زى ما بحبك
احمد بالم داخلى.... كل دا انا ثم يمسك كف يداها ويقبله ويقول... بحبك ❤بحبك يانور
نوروهى تسحب يداها وترد بتوتر.... وانا كمان بحبك ❤
احمد فى نفسه.... اجمل لحظه فى حياتى وانا بسمعها منك بس كان نفسى تقوليها وانتى فى واعيك مش مريضه وبعد ما تبقى كويسه هتنسيها بس انا كفايا عليا انك قدامى وبسمعها منك فى اى حاله انتى فيها اااااه