غدر حبيبى

الفصل الخامس

مرت الايام سريعا وبعد مرور سنه
فى قصر ال ثابت كان الجميع يجلس على طاوله الطعام يتناولون الغداء
عزيز.... اى اخبار حفله النهارده يا امير التجهيزات تمام
امير.... كل حاجه تمام انا شفتها بنفسى وكمان الشباب اشرفوا على دا
داليا... فعلا يابابى انا شفت كل حاجه هتبقى حفله تحفه
عزيز... طيب كويس وبالنسبه للمدعوين داعيتوا كل رجال الاعمال وكمان الصحفيبن والمصورين
مالك... متقلقش يابابا كله تمام وقائمه المدعوين احنا مرجعنها اهم ناس فى مصر هتكون موجوده فى الحفله
عزيز... طيب تمام الحفله دى مهمه جدا عشان الصفقه الجديده الى بنحلم بيها تتم يلا انا هروح اجهز وانتوا كمان
شيرين.... احنا كمان هنقوم نجهز يلا يا بنات يلا يامروه
مروه.... يلا ياشيرين
مروان.... طيب ياريت يعنى تجهزوا بسرعه وتخلصوا قبل ما الحفله تنتهى معاكوا من دلوقتى 5ساعات اكتر من كدا مش هينفع
شيرين... انت بتتريق يلا على العموم متقلقوش هنكون جاهزين فى الميعاد يلا يا بنات
البنات.... يلا
مالك لمروان.... عارف لو اتاخرنا نص ساعه بس يبقى تحمد ربنا انهم خلصوا كدا بدرى
مروان... عندك حق يلا احنا كمان نجهز
مالك.... يلا
فى فيلا احمد سلطان كان يقف امام المرأه يرتدى بدلته وساعته الغاليه ويضع من عطره المفضل ثم نظر نظره اخيره لنفسه فى المرأه فوقع نظره على صوره توجد اعلى الكومود ذهب باتجاهها وحملها وكانت صوره تجمعه مع نور فى عرسهم ملس على وجه نور بيديه ويقول
احمد... بقالى سنه مش عارف انتى فين وحشتيني
ثم يضع الصوره مره اخرى مكانها ويغادر الغرفه وايضا المنزل مع بعض رجاله وحرسه الخاص الى الحفل

فى مكان الحفل الذى كان فى اكبر فندق فى القاهره
كان قد بدات الحفل وتوافد جميع الحضور من كبار رجال الاعمال والمسئولين والصحافيين والمصورين والشخصيات الهامه فى المجتمع
جاء عزيز الى احمد الذى كان يقف على احدى الطاولات ليتحدث معه
عزيز... احمد طبعا انت عارف هتقول اى لو الصحافين سألوك عن نور
احمد بضيق... عارف هقول لسه مسافره
عزيز... كويس مش عايز اى غلط عشان الصفقه دى لازم تتم
جاء اليه امير يخبره عن وصول بعض رجال الاعمال ويجب ان يستقبلهم ذهب معه وترك احمد يقف حتى جاءت اليه صحفيه وقفت جانبه تتحدث معه فى بعض الاشياء حتى القت سوالها التى كان يدعى الله بداخله ان لا ياتى على بالها ابدا وهو
الصحفيه.... امال نور هانم فين يا بشمهندس احمد
دقائق مرت عليه وكان قد حسم امره وسيجيب فجاه سمع صوت من خلفه يقول باعلى صوت
......انا هنا
التفت احمد الى مصدر الصوت وايضا كل الحضور حتى وجدوها تقف امامهم بكامل حيويتها ونشاطها وجمالها ايضا فكانت ترتدى فستانا انيقا وجذاب من اللون الابيض المطرز ببعض من منطقه الوسط وتطلق لشعرها العنان خلفها كان النصيب الاكبر من الصدمه والدهشه هم ال ثابت وايضا احمد الذى رائها فى اجمل صوره لها
شعر الجميع بالخوف الشديد من وجودها الان ويبدوا انها اصبحت اقوى من الاول بكثير وكانوا يظنون ان نهايه امرهم اليوم وانها ستفضحم وسط الحضور وقف مروان بجانب احمد يهمس فى اذنه قائلا... شكلها ظهرت النهارده مخصوص عشان تنتقم فرصه قدام الناس لاكن انت اول واحد هتمسك فى رقبته
لم ينصت له احمد فهو ينظر لتلك الجميله الذى امامه فهى اصبحت جميله اكثر من السابق ظل ينظر لها ويتامل جمالها حتى بدات ان تتحرك باتجاهه حتى وقفت امامه وطبعت قبله جميله على خديه مما صدم من هذا وليس هو فقط بل كل ال ثابت لايصدقون ما يحدث ولاكن تظاهروا بالهدوء والصمت حتى تنتهى هذه
الحفله بعد انا وضعت قبله على خديه وقفت امامه بابتسامه قائله.... وحشتنى....... هذه الكلمه صدمته اكثر من القبله وظن انه لم يسمع شى حتى كررتاها مره اخرى وها قد اطلق  السراح للسانه متحدثا ويقول... وانتى كمان وحشتيني..... ما ان قال هذا حتى التفتت الى الصحفيه تنظر لها حتى سالتها الصحفيه اين كانت طوال هذه الفتره
نور... انا هقولك الحقيقه واى هو سر اختفائى الفتره دى كلها
وقع هذا الحديث على مستمعيه وازداد الخوف بداخلهم
لانها هتقول الحقيقه ستفضح الامر امام الجميع
الصحفيه.... اتفضلى يانور هانم ماهو سر اختفائك طوال هذه الفتره وما سر سفرك وخصوصا بعد حفل زفافك بيوم واحد وبمفردك
نور بابتسامه.... الحقيقه بعد حفل زفافى مباشره تعتب تعب شديد جدا وقتها احمد طلب الدكاتره و كل الدكاتره اجمعوا انى لازم اسافر فى اسرع وقت لان حالتى كانت سيئه جدا
الصحفيه.... الف سلامه على حضرتك بس اى سبب عدم سفر زوجك معاكي
نور وهى تنظر الى احمد.... لان وقتها السفر جه بسرعه جدا وكان فى هنا بعض الامور الخاصه الى كانت لازم تخلص واول ما خلصت سافر واطمن عليا واهو انا دلوقتى قدامك الحمدالله بقيت كويسه ورجعت تانى لجوزى حبيبى
الصحفيه.... معلش اخر سوال لازم اعرف راى حضرتك فى الصفقه الكبيره الى تمت  مابين شركات ثابت ومبين شركه اوروبه كبيره  
نور.... اصدقك  الى ماتمتش
الصحفيه... بمعنى
نور.... بمعنى ان مفيش اى صفقه ممكن تتم من غير توقيعى عليها وانا لسه موقعتش فا هى لسه ما تمتش
الصحفيه.... افهم من حضرتك ان الصفقه مش هتم
نور.... خالص ازاى بس اكيد مش هتم الا بامضتى... انا بملك النصيب الاكبر فى مجموعه ثابت فا دا الطبيعى ان مفيش اى حاجه تتم الا بامضتى انا وموافقتى وانشاء الله الصفقه تتم فى اقرب وقت بعد اذنك
كانت تقول هذا وهى تنظر الى ال ثابت جميعا وبعد ان انتهت وقفت بجانب احمد واضعه يدها على كتفه وتبتسم الى المصورين لالتقاط بعض الصور حتى انه لا  يخلوا وجهه من الدهشه والصدمه ولاكن تلاشى كل هذا سريعا ووضعه يده حول خصرها وابتسم لالتقاط الصور
بعد مرور بعض الوقت قد انتهت الحفله ولم يتبقى من الحضور سوى ال ثابت واحمد ونور ومريم التى كانت بجانب نور من اول الظهور فى الحفل وبعض الحرس الخاص بها توجه اليها عزيز بغضب قائلا
عزيز.... انتى كنتى مختفيه فين كل دا واشمعنا جايه دلوقتي وتظهرى اى جايه تنتقمى
كان واقف امامه حراسها الخاصه
نور.... سيبوه. عيب كدا يا عمو مينفعش الكلام دا هنا يلا نمشى من هنا الاول ونرجع القصر
كان سيتحدث عزيز حتى منعه امير من ذالك وقال
امير... انا بقول كدا برضوا يلا بينا
ليذهب الجميع فى صمت ويتوجهون جميعا الى سياراتهم
فى قصر ال ثابت
وصل الجميع الى قصر وجلسوا سويا والجميع يرد ان يعرف ماسبب ظهورها الان واين اختفت وما هذا الحال الذى عليه اما نور فقد دخلت الى القصر وفى قلبها حزنا واشتيقا له ولكل مكان كان يجلس به والدها وكل ركن بهذا القصر يوجد لها ذكرى مع والدها ولاكن اخفت كل هذا وجلست بكل هدوء وتصنعت البرود على ملامح وجهها وهذا ما كان يغضبهم جميعا
عزيز.... ها انطقى جايه دلوقتى ليه وكنتى فين كل المده دى قولى صمتا طويل وهى تنظر لهم دون اجابه حتى قال امير.... ما تنطقى كنتى فين كل دا
نور ببرود.... كنت فين.. كنت فين بصراحه مش عايزه اتكلم دلوقتى انا تعبانه ونعسانه عايزه اطلع اوضتى انام وارتاح... يلا تصبحوا على خير
وتغادر بكل ثقه تاركه خلفها اعين غاضبه
شيرين.... مش ممكن برود البت دى اكيد ناويه على حاجه صح
مروه... صح اكيد جايه تنتقم مننا وشكلها كدا هتخلص علينا واحد واحد
داليا... اى يامامى الى انتى بتقوليه دا متقدرش تعمل كدا احنا كلنا مع بعض وهى لوحدها
مروان.... داليا معاها حق هى متقدرش تعمل حاجه
مالك... دا لو فعلا مش معاها حد بيساعدها انتوا مش شايفين هى عامله ازاى والحرس الى كان معاها
مايا.... دى بقت واحده تانيه خالص غير الى كانت فى المستشفى او حتى الى قبل المستشفى اتغيرت كتير
مالك بابتسامه مكر.... فعلا هى اتغيرت اووى بس دا ما يمنعش انها طول عمرها كدا حتى وهى فى المستشفى برضوا قمر
عند سماع هذا تحولت ملامح احمد الى الغضب وقبض على يداه يحاول التحكم باعصابه وفجاه وقف عن مقعده وقال. احمد.... احترم نفسك ومتنساش انها لسه مراتى
مالك بسخريه.... ها مراتك من امتى دى بقالها سنه محدش يعرف عنها حاجه ويعالم هى كانت مع مين وبتعمل اى
بدا الدم يغلى فى عروقه وكاد ان ينزل عليه بقبضه يده حتى منه امير ومروان من هذا
عزيز بصوت عالى.... باس احنا فى ايه ولا فى اى لم نفسك انت وهو ويلا كل واحد على اوضته وانت يا احمد اطلع شوفها وخليك معاها النهارده وحاول تعرف منها اى حاجه
أومأ الجميع بالموافقه ثم ذهبوا جميعا الى غرفهم