غدر حبيبى

الفصل السابع

امير بسخريه... وتحضريه بقى بصفتك اى انشاء الله
نور وهى تبعد عزيز عن مقعده وتجلس عليه.... بصفتى مديره الشركه ورئيسه مجلس الاداره
امير وعزيز.... نااااعم
عزيز... انتى اتجننتى يابت انتى قومى من هنا واطلعى برا
نور ببرود.... مش هرد عليك يا عمو ردى انتى يامريم

مريم.... نور هانم بتملك فى مجموعه ثابت النسبه الاكبر عن باقى الشركاء  من حقها انها تبقى رئيسة مجلس ادراه المجموعه
امير وعزيز وهم ينظرون لها بغضب وبعدها نظروا الى عبد الرحمن المحامى
امير.... الكلام دا صحيح يا استاذ عبد الرحمن
نور بنفاذ صبر.... رد عليهم يا استاذ عبد الرحمن عايزين نخلص
المحامى عبد الرحمن سعد.... الكلام دا مظبوط فعلا نور هانم من حقها تبقى رئيسة مجلس الاداره لانها تملك النصيب الاكبر فى مجموعه ثابت
نور... الحمد الله خلصنا اقعدوا بقى عشان نبدا الاجتماع
جلس الجميع مره اخرى ولاكن البعض فى حاله غضب واستسلام للموقف وبعد وقت كثير من الاجتماع وطرح الصفقات وبعض الاعمال عليها قالت
نور.... اه تمام بس احنا بقى هنأجل الصفقه الكبيره  دى
نظر الجميع لها بصدمه.... اى
نور... اى انا المسئوله هنا وقول ايه الى يتنفذ واى الى ميتنفذش وبعدين فين المستثمر دا الى المفروض نعمل معاه الصفقه مش لازم يبقى حاضر ولا اى
مريم بجانبها كانت تنظر فى الاوراق حتى صدمت من رايت شئ فى الاوراق ومالت على نور وحدثتها بخفوت حتى اتسعت اعين نور من الدهشه واكملت حديثها
نور... طيب لحد ما المستثمر الاجنبى دا يجى هنشتغل على الصفقات التانيه الى قلت عليهم وكمان المشاريع المتعطله تخلص فى اسرع وقت ثم نهضت لتغادر ولكن وقفت مره اخرى والتفت اليهم قائله
نور.... اه على فكره المدير المالى الاستاذ حسن انت مرفود
وغادرت من امامهم وتركتهم فى حاله من الغضب واتجه الى مكتب المدير الذى كان فى السابق مكتب والدها وبعد والدها كان مكتب عزيز ولاكنها طلبت منهم ان يجهزوا المكتب لها  بالفعل تم تجهيز المكتب لها وكانت اعين عزيز تشع نار 🔥وغضب من رؤايتها وهى تجلس على المكتب وتبتسم له ابتسامه انتصار

فى شركه احمدسلطان كان يجلس فى مكتبه حتى جاء، اليه يوسف
احمد بلهفه.... ها يايوسف عملت اى كلمت المحامى
يوسف..... كلمته وهينفذ النهارده
احمد.... كويس قولى هيا فين دلوقتى
يوسف بتوتر.... هى هى فى
احمد... اى يابنى ماطنطق هى فين دلوقتى
يوسف... دلوقتى حالا هى فى مجموعه ثابت ومش بس كدا تحديدا فى مكتب رئيس مجلس الاداره
احمد... اى واى الى وداها هناك وليه اصلا راحت
يوسف.... راحت الصبح كانوا عاملين اجتماع دخلت عليهم واعلنت انها من النهارده هتبقى رئيسه مجلس الاداره وحضرت الاجتماع وبعدها دخلت المكتب
احمد... طب وهما عملوا اى
يوسف... ولا اى حاجه مقدروش يتكلموا بس البت منى السكرتيره بتقلى انهم عنيهم كان باين فيها الشر ومكنوش طايقين نفسهم
احمد.... يا نهار اسود دى مصيبه اكيد مش هيسبوها بقلك اى خلى المحامى دا يستعجل بسرعه انت فاهم
يوسف... فاهم
فى قصر ال ثابت كانت تجلس الفتايات والسيدات حتى
جاء اليهم مالك ومروان
مالك.... عرفتوا الى حصل النهارده فى الشركه
مروه... اى الى حصل
مروان.... نور هانم بقت رئيسه مجلس ادراه المجموعه
شيرين.... اى البت دى بقت رئيسه المجوعه ازاى وابوك وخالك كانوا فين
مالك.... كانوا موجودين ومحدش فيهم عمل حاجه لان هى ليها النسبه الاكبر من حقها تدير المجموعه
داليا... كسر حقها البنت دى ملهاش حق خالص دى لازم تطلع من حياتنا فى اقرب وقت
شيرين.... هيحصل والله لايحصل بس استنوا عليا ماشى بابنت منصور
مروان.... مش بس كدا دى كمان اجلت صفقه المكسب فيها مش اقل من 200مليون جنيه
مايا.... لا دى فعلا جايه تنتقم صح
مروان.... وكمان رفدت المدير المالى للمجموعه
مروه..... اه زمان ابوك هيتجنن دلوقتى مش عارف هيخنصر ازاى من غيره بعد كدا
شيرين.... هو دا وقته يا مروه خلينا نفكر هنخلص من البت دى ازاى
مروه.... على رايك خلينا نفكر
بعد وقت جاء اليهم عزيز وامير وجلسوا معهم
داليا بسرعه خضت الجميع.... بس لاقيتها
عزيز وهو يخلع حذائه ليصوبه باتجاهها.... هى اى دى الى لقيتيها يابنت الجزمه هو انا ناقص
مروه وهى تنظر له.... عزيز
عزيز.... معلش سورى قولى يا حبيبتى اى دى الى لاقتيها
داليا... لاقيت فكره تريحنا من نور شويه
شيرين.... اى هى يابت يا داليا قولى
داليا.... مش نور عيانه ومجنونه فى دماغه وبتتخيل ناس ميتين فى شكل ناس تانيه وتفضل تتكلم معاهم
الجميع... ااه
داليا وهى تكمل.... حلو وانها لو مخدتش العلاج بتجيلها الحاله دى مظبوط
الجميع... مظبوط
داليا.... احنا بقى نمنعها تاخد العلاج دا وبكدا هى هتبقى مجنونه وتروح بقى تعيش مع تخيلتها دى
مروه.... ودى بقى هنمنعها ازاى يا فالحه هنمسك بقها عشان متخادش الدوا انتى عبيطه يابت
امير بتفكير... لا هى مش عبيطه برافوا يا دودو يا حبيبتى
داليا بفرحه.... مرسى يا خالوا
مروان.... هو اى الى برافوا ازاى هنعمل كدا هنمسك بقها على راى عمتى
مالك بسرحان.... ياريت
مروان.... لم نفسك انا فاهم تقصد اى ركز فى الى بنقوله
مالك.... ما انا مركز اهو
امير... اسكت انت وهو لا مش هنعمل كدا كل الى هنعمله اننا نبدل الدوا بتاعها  باى دواء برشام صداع مثلا تاخد هي منه صداعها يخف بس عقلها يطير شويه
شيرين... فكره حلوه انا موافقه
عزيز.... تمام اعملوا كدا على الاقل دا حل مؤقت اهى تبعد عن الشركه شويه لحد ما الصفقه تتم وبعدين نفضلها بقى