غدر حبيبى

الفصل العشرون

فى ذالك المكان المهجور فى الصحراء وداخل تلك الغرفه البشعه التى يوجد بها بعض الكراكيب القديمه
فقد استعادت مريم وعيها بعد ساعتان من تواجدها فى هذا المكان ومنذ ان استيقظت لم ترى احد من الرجال ولم تغلق فمها حتى هذه اللحظه
مريم بصوت عالى...... ياجماعه يالى هنااااا.... انتوا مين طيب... حد يرد علياااا... يووووو انا زهقت.... اى ياربى العصابه الى مش بتسمع دى.... طب انا جعانه وعطشانه هتولى اكل طيب..... انتوا يا عصااااابه
دخل احدى الرجال الملثمين...... اى الصويت دا كله صدعتينا الله يحرقك
مريم...... الحمد الله انت كنت فين ياراجل دا انا قلت انا جيت هنا غلط ولا اى مش انا مخطوفه برضوا
الرجل..... ايوه مخطوفه
مريم...... طيب مش بتيجو تسالوا عليا ليه انا زهقت
بالله عليك يا اخ انا عطشانه وجعانه اوى قول لرئيس العصابه انى عايزه اكل انا مكلتش من الصبح
الرجل...... طيب اسكتى هجبلك اى حاجه تكليها وتسكتى خالص
مريم...... انشاء الله يخليك هاتلى بقى وجبه من كنتاكى ولا حاجه نفسى فيها
الرجل..... لااحنا مش خاطفينك عشان نحققلك احلامك انتى تكلى اى حاجه وتسكتى خالص سامعه

اهتزت مريم بداخله من صراخه عليها نظرت تجاه الباب فوجدت رجلا اخر يدخل
الرجل الاخر..... اى انت هتفضل ترغى معاها سيبها وتعالى
الرجل الاول..... دى وجعت مخى يا راجل  مش عايزه تبطل صويت وكلام
الرجل الاخر.... انا هخليها متنطقش خالص
اقترب الرجل منها عدده خطوات ووضع على فمها لاصق كبير يمنعها من الكلام
الرجل الاخر...... اهى سهله اهى يلا احنا
خرجا الرجلان واغلقى الباب خلفهم بقوه بينما مريم تنهدت بحزن ومالت براسه مستنده على الجدار بحزن
مريم لنفسها....... فينك يا مراد.... تعالى بقى قبل ما اعيط
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
فى فيلا احمد سلطان هبط احمد سريعا من اعلى الدرج متجها الى بابا المنزل يفتحه لمن يطرق عليه باستمرار
احمد..... اى دا دكتور اسر... مايا اتفضلوا
اسر...... نور فين يا احمد
احمد..... نور...... نايمه  فوق فى حاجه ولا اى
مايا....... ارجوك يا احمد صحيها بسرعه فى مصيبه حصلت
احمد بقلق..... مصيبه اى
اسر..... مريم مختفيه من بدرى ومش لاقينها. وكنا عايزين نشوف نور لو تعرف حاجه
احمد...... طيب اهدو انا هطلع اصحيها بس يارب تكون فايقه
اتجه احمد الى الاعلى بينما وقف اسر ومايا يتطلعان للمكان المزين بالورود الحمراء
فى الاعلى.فى غرفه نور بدا احمد فى ايقاظها
استيقظت نور بتكاسل وعقل غير واعى للحظات حتى استعادت وعيها واين هى وماذا تفعل
نور بتمثيل..... اى دا انا فين انا اى الى جابنى هنا
احمد..... اهدى اهدى متخافيش هشرحلك كل حاجه بس مش واقته
نور...... انا نمت هنا ازاى وانت بتعمل اى هنا
احمد..... اهدى احنا كنا بنتفرج على فيلم وانتى نمتى فجأه فشيتلك وطلعتك فوق... اهدى بقى... صحيح مايا واسر تحت عايزينك فى حاجه مهمه
نور..... مايا واسر خير  الساعه كام اصلا
احمد..... الساعه داخله على خمسه الصبح
نور..... خمسه الصبح لا كدا فى حاجه اوعى انا نازلالهم
احمد..... طيب غيرى الاول هتنزلى كدا بالفستان دا
نور...... مش وقته بعدين
القت كلمتها وهى تغادر الغرفه تهبط سريعا الدرج وهو خلفها
نور..... فى اى يا اسر حصل حاجه.... خير