غدر حبيبى

الفصل العاشر

يوسف.... مين دا
احمد.... دا يبقى......
فى قصر ال ثابت
كان يجلس مراد ومريم فى الحديقه يتحدثان
مريم... مراد هو احنا هنسيب نور كدا مع احمد
مراد.... اكيد لا بس هنعمل اى يعنى دلوقتى كان لازم ترفع القضيه عليه فى اسرع وقت
مريم بتوتر.... ماهى كانت مشغوله
مراد بحده.... وهى الى كانت هترفع القضيه بنفسها مش فى حاجه اسمها محامى وهو الى هيعمل كل دا ثم اكمل بخبث... الا قوليلى يامريم هى ليه اتاخرت ومرفعتش القضيه ومتقوليش مكنتش فاضيه.... ماشى
مريم فى سرها.... يارب دا مش بيخيل عليه الكدب بتاعى... اعمل اى بقى دلوقتى
مريم.... بصراحه هى
مراد وهو يقاطعها.... كدابه
مريم بغضب... هو انا لسه قلت حاجه
مراد.... طلامه قلتى بصراحه يبقى كدابه.... انجزى يامريم انا عارفك كويس
مريم بخفوت.... اتقفشت كلعاده ثم تكمل بصوت مسموع نور قالت انها مش عايزه تتطلق دلوقتى لحد ما تاخد حقها منه وتندمه على الى عمله معاها وبعدين تطلق بس هى مجاش فى بالها انه هيعمل كدا
مراد.... اه ما دا طبيعى انه يعمل كدا هو انتوا اصلا بيجى فى دماغكوا حاجه..... على العموم انا هتصرف اكيد مش هسيبها كدا
ظل يتحدثان سويا حتى جاء اليهم اسر
اسر..... السلام عليكم
مراد ومريم... وعليكم السلام
مراد.... تعالى يا اسر اقعد
اسر.... اى قاعدين كدا ليه....... امال نور فين
مريم بضحكه.... نور فى بيت الطاعه
اسر.... اى
مريم بضحك.... اه والله زى ما بقلك كدا جوزها طلبها فى بيت الطاعه بتفكرنى بالفنانه شاديه لما جوزها برضوا طلبها فى بيت الطاعه.... كان اسمه اى الفيلم..... اسمه اى
مرادبغضب.... مريم خلاص
مريم.... اه كان اسمه نحن لا نزرع الشوك فيلم حلو اووى......... يلا اسيبكوا بقى مع بعض واروح اتفرج عليه
ثم تغادر مريم وهى تغنى وتضحك وتقول... والله يازمن لا بأيدينا زرعنا الشوك ولا راوينا يازمن
اسر بصدمه... الكلام الى بتقوله مريم دا صح
مراد وهو ينظر لاثرها بدهشه.... شوف المجنونه....... ايوه يا اسر صح نور فعلا فى بيت الطاعه اقصد فى بيت احمد
اسر.... طب وهنعمل اى هنسيبها
مراد.... لا مش هنسيبها اكيد هكلم المحامى واشوف ممكن نعمل اى ثم ارتفع رنين هاتف مراد يعلن عن اتصال من رقم مجهول
مراد.... اى الرقم دا..... ثوانى يا اسر هرد على التليفون واجيلك
غادر مراد بعيدا عن اسر ليرد على اتصاله فى حين جائت مايا ولم تنتبه اولا الى وجود اسر لاكنها سرعا ما انتبهت لوجوده وذهبت اليه
مايا..... اى دا هو انت...... بتعمل اى هنا
اسر وهو بينظر لها.... اهلا اذيك يا انسه مايا عامله اى يارب تكونى بخير
مايا... بخير قلى انت بتعمل اى هنا
اسر.... جاى اشوف صاحبى
مايا.... صاحبك...... مين دا
كان سيرد اسر حتى جاء مراد ونظر اليهم
مراد.... اى فى اى واقفين كدا ليه...... انتوا تعرفوا بعض
توتر مايا من هذا السوال حتى اجاب اسر.... اه
توتر اكثر ظنت انه سيخبره عن ماحدث فى الامس
الا انه اكمل
اسر.... اه اصل انا خبط العربيه بتاعتها امبارح واعتذرتلها
تنفست مايا باريحيه ونظرت له نظره اعجاب لما قاله الان وانه لم يفصح عن ما حدث بالامس
مراد.... طيب انا هطلع اجهز عشان نروح انا وانت مشوار
اسر.... ماشى غادر مراد فى حين مازالت مايا تقف امامه
مايا.... شكرا
اسر.... شكرا.!.... على اى
مايا.... شكرا لانك مقلتلوش على الى حصل امبارح
اسر... لا شكر ولا حاجه والحمد الله انك كويسه دلوقتى بس موضوع امبارح دا مينفعش يحصل تانى لو فى عندك اى مشكله او بتمرى بازمه نفسيه لازم تروحى لدكتور
مايا بغضب.... انا مش مجنونه
اسر.... اهدى مين قال انك مجنونه او ان المرض النفسى معناه انك مجنونه..... على فكره احنا كلنا مرضا نفسيين هل دا معناه اننا كلنا مجانين
مايا... لا
اسر.... طلما لا يبقى اسمحيلى ارشحلك دكتور شاطر جدا هيقدر يساعدك تتغلبى على الازمه الى عندك
مايا.... مين
اسر... دكتور اسر صالح اشطر دكتور للعلاج النفسى
مايا..... فين دا
اسر وهو يشير على نفسه.... اهو
مايا... فين
اسر.... انا
مايا... اى انت ازاى يعنى
اسر.... ازاى اى ما انا لسه معرفك بنفسى انى الدكتور اسر صالح اشطر دكتور للعلاج النفسى
مايا.... دا بجد يعنى ولا انت بتقول كدا وخلاص
اسر.... لا طبعا بجد انا فعلا دكتور ولسه راجع قريب من لندن وانشاء الله هفتح العياده بتاعتى قريب.... اهو يبقى انتى اول مريضه اى رايك
مايا وهى تضحك..... اه قول كدا بقى انك بتعمل دعايه للعياده بتاعتك 😂
اسر.... يعنى.... اول ما افتح العياده هبلغك عشان تبقى اول المرضى بتوعى ماشى
مايا بضحك.... ماشى موافقه
ابتسم لضحكتها ونظر اليها طويلا باعجاب وهى ايضا بادلته النظره باعجاب ايضا ودهشه من نفسها انها تضحك بهذا الشكل فى حين انها لم تراه سوا مرتين فقط وانها ايضا وافقت على انها مريضه وستذهب اليه فى عيادته وستكون اول مريضه له
فى فيلا احمد سلطان
عاد من الشركه وذهب اليها سريعا فى غرفه النوم فتحها وجدها نائمه فى ثبات عميق تنفس بهدوء وذهب الى المرحاض وابدل ملابسه وبعد. الانتهاء ذهب اليها ونام بجانبها فى هدوء تام
فى الصباح استيقظت نور ونظرت بجانبها وجددت احمد ما زال نائم نظرت اليه وبعد ذالك توجهت الى المرحاض سريعا دقائق وخرجت منه وابدلت ملابسها حتى احس بها احمد وبدا واستيقظ ونظر لها نظره ترقب يريد ان يعرف ما حالتها الان حتى لاحظت استيقاظه فبتسمت وتوجهت اليه قائلا
نور..... صباح النور يا حبيبي
احمد فى نفسه..... اه كدا الحاله جات طلما قالت حبيبى استر يارب
احمد.... صباح الخير يا حبيبتى
نور.... يلا ياحبيبى قوم خد شاور واجهز لحد ما انزل اجهز الفطار
احمد بقلق.... حاضر ثم نهض وتوجه الى المرحاض اما هى كانت تنظر له وبعد ذالك هبطت الى الاسفل لتجهز الفطار وبعد مرور بعض الوقت اعدت الطعام على الطاوله وكان احمد قد نزل وتوجه الى السفره جلسا الاثنان يتناولون الفطور فى هدوء حتى تحدثت قائله
نور وهى تاكل.... احمد حبيبى ياريت متروحش الشركه النهارده
احمد بهدوء..... ليه يا حبيبتى
نور..... اصل ماما عزمانا نروح نقضى اليوم معاها النهارده اى رايك
احمد بعدم تركيز.... وماله يا حبيبتى نروح لماما ثم سكت فجاه عندما ادرك ما قاله ونظر اليها قائلا
احمد بدهشه.... ماما مين
نور..... اى يا حبيبى مامتى مالك
احمد.... مامتك ازاى..... طب احنا هنزورها فين
نور.... اى يا احمد مالك هنزورها فى بيتها طبعا
احمد بترقب ..... دا الى هو فين بالظبط
نور..... احمد انت كويس مانت عارف ان ماما عايشه فى بيت جدو بعد ما بابا مات الله يرحمه لانها بتحب البيت دا جدا
احمد بتوتر..... اه اه طبعا عارف خلاص روحى اجهزى انتى وانا مستنيكى
نور..... ماشى وغادرت اما هو كان يجلس يتحدث مع نفسه
احمد..... يا نهار اسود ازاى حماتى الى انا عمرى ما شفتها عايشه وكمان هروح ازورها فى بيتها اه يا دماغى انا يوم كمان وهتجنن قال ازورها قال دا انا يوم ما زورتها كانت فى المقابر..... خلاص انا دماغى هتنفجر من اللغبطه دى ربنا يستر
بعد قليل نزلت نور وقالت
نور.... يلا انا جاهزه
احمد فى نفسه.... انا مش جاهز ثم اكمل بصوت مسموع... يلا يا حبيبتى
خرج الاثنان وركبوا السياره وتوجه الى فيلا والدتها
فى قصر ال ثابت استيقظ الجميع وتوجه ليتناون الفطور جميها جائت اليهم داليا
داليا... صباح الخير
الجميع... صباح النور
داليا وهو تجلس على مقعدها.... ازيك يامراد
مراد... الحمد الله
داليا بدلع.... ممكن اطلب منك طلب يا مراد
مراد.... اتفضلى
داليا.... ممكن توصنلى فى طريقك للنادى
نظرت لها مريم بغيره وغضب لاحظ هذا مراد وابتسم
مراد.... ملش يا داليا ورايا حجات كتير وبعدين طريقى غير طريقك
ابتسمت مريم لانه لم يوافق لاكن اختفت ابتسامتها حين رأت داليا تذهب باتجاه مراد وتضع يدها على كتفه
داليا.... عشان خاطرى يا مراد
مريم فى نفسها... اه يابنت اللزقه ثم امسكت هاتفها وكتبت رساله لمراد
نظر مراد الى الهاتف الذى اعلن عن رساله واتس اب من مريم فتحها وقرائها كانت تقول...
مريم فى نص الرساله.... عارف لو مبعدش اديها عنك هقوم اجيبها من شعرها دلوقتى بنت اللزقه دى
ضحك مراد بشده ثم ابعد يد داليا عنه وقال بغضب
خلاص يا داليا قلت مش فاضى مره تانى ووجه نظره الى مريم قائلا يلا يا مريم عشان. منتاخرش
ذهبت مريم وهى على وجهها ابتسامه انتصار
داليا بغضب لنفسها.... ماشى يامراد مستحيل اسيبك فى الاخر هتكون ليا انا
اما مايا انهت فطورها وغادرت دون ان تحدث احد لتذهب الى النادى وشيرين ومروه غادروا ايضا ليرفهن عن انفسهن فى شراء الملابس والاحذيه اماعزيز وامير ذهبوا سريعا قبل الفطور لم تواجدوا معهم على السفره
مروان... اى كلهم مشيوا احنا مش هنمش ولا اى احنا كمان
مالك وهو ياكل..... شويه اخلص ونمشى
مروان.... تخلص اى يابنى انت لحد. دلوقتى مخلص على نص الاكل هتخلص اى تانى
مالك. ببساطه. ..... هخلص على النص تانى
مروان.... يارب صبرنى انجز انا مستنيك فى العربيه
مالك..... ماشى
فى سياره مايا كانت تقودها حتى جائت من جانبها سياره وتسير فى نفس معدل سرعتها تفاجات مايا من هذا فى سياره مايا كانت تقودها حتى جائت من جانبها سياره وتسير فى نفس معدل سرعتها تفاجات مايا من هذا
مايا.... اى دا انت يا استاذ انت بتعمل اى
اسر فى سيارته..... صباح الخير
مايا بتفاجى.... اى دا انت..... صباح النور
اسر.... على فين كدا
مايا.... هروح النادى وانت
اسر بتفكير.... النادى برضوا
مايا.... خلاص يبقا نتقابل هناك ودلوقتى بقى حاول تحصلنى يا دكتور وفجاه زادت من سرعت السياره
اسر وهو يضحك..... وماله هسابق بس عمرى ما هوصل متاخر وازاد هو الاخر من سرعه سيارته وكانوا الاثنان فى مستوى واحد حتى وصلا الاثنان الى النادى ونزلوا من سيارتهم
مايا.... برافوا يا دكتور حصلتينى اهو
اسر... اوعدك انى هحصلك دايما مش هتاخر ابدا
توتر مايا من هذا الحديث ولم تفهم معناه حتى اكمل اسر.... اقصد يعنى فى سباق العربيات
مايا.... اه طيب تحب نروح نجرى شويه فى التراك
اسر.... ماشى هغير هدومى ونجرى مع بعض
مايا.... ماشى ذهب الاثنان ليبدلان ملابسهم وبعد الانتهاء ذهبوا للركض سويا حتى انتهوا وابدلوا ملابسهم مره اخرى
اسر.... ممكن نقعد مع بعض نشرب حاجه
مايا... اوكى معنديش مانع
اسر.... اتفضلى ذهب الاثنان وجلسا على طاوله وطلبا عصير وفنجان من القهوه
اسر.... احكيلى شويه عنك يا مايا
مايا... اى يا دكتور انت هتشوف شغلك هنا ولا اى
اسر بضحك... لا ابدا انا بس قلت نتكلم فى حاجه واتعرف عليكى
ثم اكمل ليطمائنها.... خلاص اتكلم انا واحكيلك عن نفسى.... اى رايك
مايا.... ماشى
اسر.... بصى ياسيتى انا اسر صالح دكتور امراض نفسيه عايش لوحدى اهلى ماتوا والدى توفى وانا عندى 19سنه وبعده امى من 6سنين وبعدها اختى الوحيده ملك من سنتين فى حادثه ومن ساعتها وبقيت لوحدى وعمرى مكان ليا اصحاب مؤخرا اتعرفت على مراد وبقى صحبى الوحيد.... واهو عايش مابين شغلى وبيتى بس كدا
مايا.بشرود وصوت مسموع.... يعنى انت وحيد زى
اسر... زيك ازاى انتى حواليكى عيلتك كلها
مايا.... ها اه..... دى مجرد مظاهر مش اكتر
اسر.... مظاهر ازاى يعنى
مايا.... هقولك بعدين
اسر... ماشى.. اه نسيت اقولك انى هفتح العياده بتاعتى اليومين الجاين اتمنى اشوفك وتباركيلى
مايا بابتسامة.... انشاء الله

على. الجانب الاخر تقف سياره احمد ونور داخل فيلا جد نور والد مامتها
نور.... يلا يا حبيبي ماما مستنيانا
احمد وهو ينزل من السياره..... يلا اما اشوف مين الى بقى حماتى الله يرحمها
دخلوا الى الفيلا ليجدوا سيده جميله تنتظرهم رحبت بهم بشده ولاكن كانت صدمه. وعدم الكلام من قبل احمد جلسوا سويا وكان الصمت من قبل احمد فقط
السيده..... اى رايك يا حبيبتى تعمليلنا قهوه من اديكى الحلوين دى
نور.... حاضر يا ماما
ذهبت نور باتجاه المطبخ
احمد وهو ينظر الى السيده..... ممكن اعرف انتى مين بقى
السيده.... طبعا من حقك.... انا ابقى دكتوره سلوى شاهين دكتوره علاج نفسى وانا الى بعالج نور من الحاله النفسيه الى عندها
احمد باحترام.... اهلا يا دكتوره.. بعد اذن حضرتك ممكن تشرحيلى حاله نور بالظبط وهل هتخف منها نهائى ولا الحاله دى ملهاش علاج
سلوى..... اولا مفيش حاجه فى الدنيا ملهاش علاج ثانيا الحاله الى عند نور مش مرتبطه ارتباط كلى بالادويه خالص دى حاله نفسيه لو قدرت انها تتغلب عليها ترجع تانى طبيعيه جدا.... اما بالنسبه لحالتها فهى عدم الاحساس بالامان نور بتحس دايما بالوحده والغدر عشان كدا هى بتحاول تخلق الامان من عقلها الباطن لان فى حالتها دى هو الى بيحركها ومن عقلها الاواعى بتجسد الشخصيات الى بتحس معاهم بالامان او الى كانت بتحس معاهم بالامان ومبقوش موجودين على ارض الواقع دى حاله نور بالتفصيل
احمد بحزن.... طب الحل اى يا دكتوره عشان تبقى كويسه
سلوى..... الحل الوحيده انها تحس بالامان فى الى حواليها تحس بحنيتهم وحبهم ليها تبقى حياتها مشغوله دايما. بيهم عشان متحسش بالوحده هو دا الحل
فى حين كان يتحدث احمد مع الدكتوره كانت توجد اعين تراقبهم وتبتسم ابتسامه انتصار على رؤيت هذا المشهد
نور.بابتسامة انتصار.... ولسه ياما هتشوف اما خليتك تلف حوالين نفسك مبقاش انا نور ثابت
انتهى يومهم عند الدكتور سلوى شاهين ودعوها بشده واتجهوا الى منزلهم مره اخرى وصلوا الى المنزل
احمد.... ادخلى انتى يا حبيبتى انا عندى شويه شغل هخلصوا واجى مش هتاخر
نوربابتسامه مزيفه.....اوكى ياحبيبى باى
احمد..... باى نزلت من السياره وهى تقول.... حبك برص قال حبيبتى قال.... اما هو فغادر من المنزل سريعا
دخلت المنزل ووقفت فى منتصف المنزل
نور.... اكلم البت مريم بعد ثوانى من الاتصال اجابت مريم
مريم..... اهلا بنور هانم قليلى عامله اى فى بيت الطاعه 😂😂
نور.... عامله كويسه ياختى انتى عامله اى
مريم.... اهو ماشيه صحيح عملتى اى مع احمد من امبارح للنهارده احكيلى عمل معاكى حاجه
نور.... ملحقش امبارح كنت هفتحله دماغه والنهارده اتجننت عليه واخدتوا وذورنا ماما
مريم بغباء.... ماما مين مش انتى امك ميته الله يرحمها اه ذورتيها فى المقابر يعنى
نور.... انتى غبيه يابت بقلك اتجننت عليه خليت دكتوره سلوى شاهين هى الى تبقى مامتى وكمان قلتلها تكلموا عن الحاله بتاعتى عشان ميفكرش يعرضنى على دكتور او حاجه فهمتى
مريم.... ااااه طب بقلك اى احنا محتاجين قاعده ماتيجى نتقابق فى شقه المعادى
نور.... اوكى وكلمى اسر ومراد عشان عيزاكوا فى حاجه مهمه
مريم..... ماشى يلا سلام 👋
نور..... سلام 👋
فوت بلييييييز ❤❤