البارحة..
إشتاگيت أحط متني على متنك
ردت اگلك..
ضال بروحي مكان لكلشي منك.
______________________________
حسن : بصياح. يله اطلعو من البيت
جود : اسكت أنجب ما تحجي البيت مو بيتك
_ بعد ما حجينه وجود وأفراح عافونه وراحو وبقينه ساكتين بغصتنه سوينا غده للعمال وكل ما افوت من سهام اخزرهه وزمرد ما تحجي وياهه وهيه عود زينه وتريد وتجي تحاجينه ومن ما نحاجيهه تكلهم
_ شوفو يحقدن عليه حقودااات.
مسك : من طيبه كلبج ويانه وما نحقد عليج.
_ و لليل ضايجين وضامين الي بكلبنه وبقينه مبتعدين عنهم. لحد ما دخلو ابوي والولد. ميتين تعب.
ابو مسك : ها الله يساعدني
ندى : هلا بيك الله يساعدك
_شكو شصاير
موسى : شبيكم صاير شي
سجاد : ما تحجون
_ بقو يباعون بوجوهنه مل يعرفون شصاير واحد يكل لثاني شكو واني مغلسه وساكته وزمرد تباوع ما ترد لحد ما نقذتنه امي.
ندى : ماكو شي شبيكم يله زمرد كومي حضريلهم الحمام خل يسبحون ويسويلهم اكل.
_ بابا كام كعد يم امي تحارش بيهه وضحكهه وبده يحجي وياهه ع البيت وشسوه ويطمنهه وكلساع يرجع ويكلهه شبيج. وهيه ما ترضه تحجي بلموضوع ما تريده يضوج وهوه جاي من الشغل وما بي حيل.
لحد ما تعب منهه وتنهد يحجي بقهر حار وياهه.
ابو مسك: شبيج غير تحجين حت اكلج اني هم ضام غليج شي. ليش ساكته ندى طلعتن روحي شبيجن شصاير.
_ تنهدت امي تحجيله ع الصار ويا كل كلمه يبقه يهز براسه ويطمنهه انو راح تخلص هل فتره واصير سوالف. وهوه اصلا ما يكدر يحجي لان اهله بين قوسين بس هوه يطلع حكنه وزايد إذا اجو وحاجو يبقه يخلي عليهم نقط حت باجر عكبه من يجو ويعاتبو يطلعلهم هذن السوالف ويخليهم همه ال غلطانين وهوه صاحب الحك. يعجبني مخه. اجت زمرد وجايبه الصينيه كعدنا ناكل وبابا يحاول يكسر الضوجه الي بداخلنا وبمجرد خلصنا كل واحد راح لفراشه ونام.
ثاني يوم.
كمت بدلت وكعدت امي وكامت تبدل لختي موج جانت بصف الأول واني واكفه فوك راسهه اعدل بقمصي وهيه تعدل بشعر موج وتوصيني
ندى : ماما انتبهي ع اخواتج اليوم اكيد دوام وينطون ادروس وهسه موج تخاف دير بالج عليهه.
مسك : اي ماما خوش يله.. كالعاده بقيت أتاني هايشه بغداد ( بنين) نزلت همه عازلين فوك خلينه طلعنه وخليهه تركض ورانه دخلنه للمدرسه وجان اصطفاف بساع خليت اخواتي اول وحده كبال عيني. اشوفهن غزل صف رابع وموج اول واني خامس صار الاصطفاف وخلص دخلنه جوه ابنتظام دخلت لصف كعدت اول رحله من جهه الشباك وبقيت اتعرف ع البنات لحد ما دخلت معلمه.
معلمه : صباح الخير بنات شونكم
_ الكل. رد عليهه وبدت تحجي ع الدراسه وشون راح تتعامل ويانه وفجأ دخل( شلعان كلبي)
ابتسام : صباح الخير ست
المعلمه : صباح النور هلا بم سيف شونج شخبارج
ابتسام :الحمدلله تمام انتي شونج
المعلمه : الله يسلمج
ابتسام : بلا زحمه عليج هاذ ابني واهاذ ابن اختي أريدج اديرين بالج عليهم وخليهم اول رحله. لان نضرهم ضعيف.
المعلمه : هلا بيهم ادخلو ماما
_ دخلو اثنين ولد واحد ضخم سمين وابيض وحلو واحد ضعيف واسمر. دخلو وبقو واكفين
المعلمه : كومن ماما رجعن لل اخير حت الولد يكعدون هنا
_ كامن البنات ورجعن وهمه اجو كعدو اول رحله. ويتلفتون ويضحكون ما اعرف شنو الي يضحك.
