الروايه بقلمي.
"" "" "" "" "" "" "" "" "" "" "" ""
تره الماينحجن ،مرات مرات "
" "" "" "" "" "" "" "" "" "" "" "" "" "" "" ""
مسك : واكفه مبتسمتله وهوه واكف ع السياره منتجي ع باب السايق وخال ايده بجيوبه فززني صوت قوي التفت ع هورن وما حسيت الا واندفعت حيل طرت وانركعت بلكاع حسيت الدنيا ضلمت بعيني وطعم الدم بحلكي واحس شي ينزل من راسي فاتحه عيني بس ما واعيه عيوني كمت افتحهن بثكل شفت سيف حاضني راسي ع رجله وهوه رفع راسه ويصيح ع الزلمه. والزلمه كاعد مقابيلي وخال ايده ع راسه.
.
سيف : روحي راحت من شفتهه طارت ركضتلهه ما اهتميت للشارع واحد راد يدعمني عكس ودخل بل محل لميتهه لحضني ملابسه كلهه دم وحجابيهه البيض تلوث بلدم اجه الولد الدعمهه وكعد كدامي كمتله روحي رايحه فاقد شلته وركعته ع البيند.
_ ابن الكلبببببببب انعل حت الخلفك يا كوااااااااااد اطلعععععع روحككككك إذا صار بيهههه شيييي حقيررررر. التمو عليه يردون يخلصونه من ايدي ماكو سمعت شهكاتهه ركضت شلتهه وطلعت بسيارت الولد
_ عمي اني حاضر انته بس ائشر بس مروتك اني مالي دخل هيه تمشي ع كيف.
_ وانته مطييييي اريد اعرف منو انطاك اجازه سوق
_ هواي غلطت علي واني كوه ع روحي متحملك
_ كم لكككككككك كلك خلك جاهل لا تهوبس براسي.يابه شصار بحالي من شفتهه تناشغ منو يعيني وين اروح مفرفح اصيح ع الولد حضتنهه ضامهه بكلبي خايف اضيع مني خايف بعد ما اشوفهه. كلساع التفت عليهه خايف اني الزلمه البطول وعرض هيه الوحيده الطولهه يحد حيلي.
روحي ترجف عليهه والطريق صار شطوله كلساع التفت عليهه وهيه تهلوس بكلام ما مفهوم. وملابسي كلهه ادمرت دمهه احس النفس ضاك بصدري لحد ما وصلنه شلتهه ونزلت بيهه اركض وأصيح ع الدكاتره وهمه من شافو هيج حالتهه اجو يركضون عليه جايبين السديه وطببوهه جوه بقيت كاعد بلباب شويه وطلعوهه عليه وكالت الدكتوره الوياهه.
_ ما نستقبلهه عيني
_ شني ما تستقبليههه انعل حت الخلفجج لا تخليني اهجم المستشفى ع راسج إذا ما رحتي هسه وتشوفيها اشكتي عليججج واخليج تحملين تلبسين هاذ البيض بس من يجفنونج. كامت طفرت صاحت ع الدكاتره البقيه ورجعو اخذوهه مني خلوهه يلسديه ثانيه. اديهه واكعات منا ومنا حسيت نفسي ضعيف لأول مره بحياتي حرت شسوي طلعت بل حديقه البره بعيد عن الناس يأبه روحي تنازع الموت احس اوصل لكطع النفس وارجع ع ايد انمدت ع كتفي رفعت راسي شفت سجاد عيونه دم كعد يمي بهدوء مقهورحيل بلكوه يحجي.
_ ليش ما خابرتني.
_ سجاد اني بيا حال وانته جاي تحاجيني رحمه لوالديك. دك تليفونه عافني ملتفت و يرد بحسره وجهه مفحم من القهر.
