بسم الله الرحمن الرحيم.
لتواصل حساب الكاتبه؛ @gdyrl_y19
_________________________________
********************
زمرد :حساسي ما يخيب ولا كلبي ليسكت من دكته وخوفه.
. شي بيه خايف وكل أحلامي بخواتي ما ارتاحيت توسلت بالاغم ياخذني لهلي حت لو ساعه اريد اعرف شصاير حت مسك من يوم الزوجت واني ما ادري عنهه شي.
. كتله بس انطيني تليفونك اخابر ما قبل كال آخذج ساعه وارجعلج واقفت من لا جاره كمت اركض بدلت وبدلت لجهال بسرعه بسرعه وكفت ع الدرج البس بعباتي واسمعه يصيح .
_ يلله يمعوده فضيهه.
ميعاد : وين رايحين.
_ ها بس اخذهه لهلهه ساعه ونرجع ما نطول.
. سكتت تباوعله صفح وهوه احسه يتوسلهه يكلهه هاا اوديهه هزت ايدهه وغمته بكصته ترس ودخلت لغرفتهه نزلت اغلط ع روحي وع حضي ونوب ارجع احمد ربي واشكره.
. صعدنه بسياره طول الطريق ساكت بس صوت الاغاني موجود بسياره واني استغفر وارجع ليوره وصلنه نزلت ونزلت الجهال وهوه يوصي ساعه واجي حت ما تلحكن اسون سحر.
. الحمد لله والشكر ع نعمه العقل. عفته ودخلت البيت ما بي هوسه مدري لان مسك ماكو صحت. وينكممم يهل الدار.
. دخلت لديوانيا محد رحت لهول وانصدم فاتحه عيني واني اشوف اختي متمتدده ع الجربايه وملفلفه ايدهه ورجلهه وراسهه وجهه مزلغ لطمت ع صدري ودموعي نزلت.
فيروزه : اهوو عوزهه انتي وتكمل بلعباس إذا بجيتي اموتج. بعدني محاجيه وهيه بجت واجت يمي كعدت يم الجربايه وحضنتني حيلل صحححت متوجعه.
. لجججج اخخخخ مطيه مطيه كسرتني انتي وغزل.
_ اختي يا روحي سوده بوجهي وعمت عيني عليج شلون ولج شلون ليش محدكايلي ليشش. ابجي واشهك واحجي وهيه تضحك ليكول منضرهه يضحك.
_ وسم حتينه سم اندعمت صارلي سبع تيام وين جنتي.
_ شهكت ضاربه ع صدري. سبع تيام وين وشلون وليش محد كلي ليشش. ورجعت ابجي.
_ كافي مطي كافي اول شي انتي منيلج تليفون حت نكلج ثاني شي اني ما بيه شي بس كسر بيدي وكسر برجلي ورضوض بكل جسمي وشك بسيط براسي وكلشي ما بيه شوفي.
_ لا لا ولا بيج ابد كل هاذ وتكولين كلشي ما بيه امداج اي والله وامده ليخاف عليج.
_ ديله اسكتي شهرتينه إيلاف راح تكعد.
إيلاف : كاعده..
زمرد : التفت عليهه بطنهه كبرانه وخشمهه هم كبران ع الواهس كمت بواستهه وامسح بوجهي دموعي كلساع تنزل ع اختي ينمرد كلبي من اشوفهه تتوجع.
