بسم الله الرحمن الرحيم
الروايه بقلمي
"ختامهه مسك"
________________________________
تلاشت شواطي الروح بين الناس والعندي
شاكر السماوي
"" "" "" "" "" "" "" "" "" "" "" "" "" "" ""
سجاد : مسك منو سيف
_ تلعثمت وكمت ما اعرف احجي. وكلبي دكاته زادن بشكل مو طبيعي . بقيت صافنه بوجهه وهوه من عين لعين يتنقل خانسه وروحي رايحه احس عقلي وكف عن التفكير وما عرفت حت اجذب بلعت ريك وهمست.
_ ها
_ تعالي بحضني.
_ وين تليفوني انطيني يا.
_ تعالي بحضني خل احاجيج لا تخافين مني ما اسوي شي بس فهميني منو هاذ وشلون تواصل وياج ودازتله صور لو لا فهميني لا تخليني اتخبل عليج ولا اجذبين عليه.
_ يحجي وياي وفاتح الغطه ويسحب بيدي يريدني انام يضمني بحضنه واني رافضه اريد بس اتهرب منه خفت خفت كلي كمت ارجف.
_ وخر كتلك ما اريد كلشي اريد تليفوني وينه.
_ انتي ليش تخليني اطلع من ديني احجيلي كتلج والله ما اسوي شي.
_ رجفت كلي وكعت دمعه من عيني مسحته بسرعه وهمست. وياي جان طالب بل ابتدائيه وكلي احبج بعدين افتركنه وهسه رحعنه.
_ صارلج شكد تحجين ويا.
_ دموعي بعيني ما اريدهه توكع وكلبي يرجف وهوه ماسك أيدي ويمسد عليهه يريد يهدي بيه. تلعثمت وحجيت بنبره ترجف.
. شهر ما صارلي هواي.
سجاد :كضيت ايدهه اريدهه تهدئ وهيه ماكو ترجف حت جسمهه كام يرجف حاولت اخليهه بحضني ما تقبل احجي وياهه بهدوئ وأريد اطمنهه ما احاجيهه اني روحي من الدنيا هيه. دازتله صور مسك؟
_ لا والله ابد ما دازتله وهوه هم ما طالب هل شي.
_ باعي مسك هل شي غلط بابا انتي شمدريج هاذ راخ يستدرجج اله ويخليج تحبينه و تئمنين بي وتنطي صورج وبعدين يهددج.
_ لا والله هوه حباب وما عده هل سوالف ويحبني وحت راد يخطبني وما قبلت خفت من بابا خاف يذبحني.
_ زين تعاي خل احاجي ع ساس انتي واسحب كم شي منه واتفق ويا ع مكان واروحله واشوف صدك يحبج لو لا.
_ فزيت ساحبه ايدي منه وهزيت براسي لا لا ما اريد اغدره بهل طريقه احجي وكله اني اخو مسك كله. عافني وسحب تليفوني من جوا وصعد فوك ركضت وره روحي رايحه احس راح ينتهي كلشي الكل راح يعرف ويبعدوني منه ما هامني إذا أحد كتلني او عذبني او زعل ابوي الهمني هوه ما اريد ابتعد عنه صعدت ورا دخل لغرفتي كعد ع جربايتي وطرد غزل وموج من الغرفه وسد الباب كعد وكض التليفون فتحه وحاجا اول ما راسله جاوب
