بسم الله الرحمن الرحيم
________________________________
"لا شيء يُضاهي رائحة مَن نُحب، ولو اعتصرت فرنسا بأكملها في قِنينةِ عطر."
"" "" "" "" "" "" "" "" "" "" "" "" "" "" "" "
لتواصل حساب الكاتبه؛ @gdyrl_y19
=============================
زمرد : لججج ايلاففف احجييي شكو و شبيججح
مسك : بس فهميلنه عوفي البجي ايلاففف هاي شبيهه لج احجييي
. بلعت ريك وبلكوه تحجي وصدرهه مزلغ رفعت راسهه وتحاول تفهمنه بعيونهه قبل لا يحجي حلكههه كالت
_ موسى موسى اخذو لسجن بتكريت
_ وحده بقت صافنه بوجهه الثانيه مساع جان هنا شودا شوكت راح
غزل : اي صدك والله جان هنا مساع
إيلاف : روحي رايحه وبطني بيهه وجع مو طبيعي من الهبطه وهنه يسحلن بيه سحل يردني افهممهن بلعت ريك حلكي يابس. ولج هستوه طلع هستوه هوه وصحبانه كالي كلي ديري بالج ع ابنا ولجج يمه اخخخ بطنيي ولج يمه وينج
مسك : كلنه ع بجيهه نبجي اني عفتهن ونزلت ع امي وابوي اركض لكيت ابوي يحجي بتليفون وادي ع راسه وامي دموعهه تنزل يعني كلهه تدري كعدت يمهن اسمع ابوي شنو يحجي.
_ اي وهسه شنو. تره هوه ماله دخل هوه مجرد مندوب اي شعليييييي غير تكلولي انعل والدي ابو الشغل اي حاجي وكله اني طلابتي وياك ابني إذا ما طلع خلال هل ايام اكعدكم ع الحديده اي هيج كله.
_ هوه يحجي ويصيح ونزلت إيلاف والبنات كاضتاهه كعدت بصاله مقابيل الغرفه مال امي وابوي تسمع وتبجي والبنات فوك راسهه يبجن. التفت ع بابا سد التليفون وعصر راسه بيده ويلوم موسى ع هاذ الشغل رفع راسه وشاف إيلاف كام يمشي وصل يمهه وكال
_ عليمن هل بجي يا بابا هسه يطلع لا تخافين. بنات خلن عينجن عليهه
_ اجا اتصال خله وطلع لشارع واحنه نسكت بيلاف لما راضيه تسكت. لحضات والبيت انترس نسوان وزلم كلهه جوارينه وأصدقاء بابا وزوجاتهم واحنه كوه ع روحنه نكوم ونسويلهم ضيافه ومي وجاي للديوان ولزلم البره وكلساع نسمع صوت صياح بعدين يسكتون ولل٢ وموسى ماكو والناس بدت اتخف ما عدا فاضل يصير صديق بابا واحنه نعتبره عمنه لان ما معتبرين اخوان بابا عمامنه جهزو سياره وبقو منتضرين عمو فاضل بس يوصل مرته ويرجع يروح وياهم. واكفين كلنه نباوع من الشباك والمح مؤمل وسيف واكفين وكم زلمه ما عرفتهم وسجاد وابوي ولا واحد من عمامي ولا اخوالي جيره ونعال ع كصتكم هم معتبرين روحكم اخوان ابوي فززني ونين إيلاف التفت زمرد وراحتلهه شربتهه مي ورجعتهه نومتهه ودمعتهه ع خدهه دقايق واجه فاضل وطلعو لتكريت سديت الشباك ورجعت صافنه بسكف لحد ما غفيت وكعدنا ع هوسه الصبح عرفتهم اجو كمت ع امل اشوف موسى بس خاب أملي من سمعت صياح وعرك ويا ابو الشغل مال موسى عرفتهم ما كدرو يجيبو وياهم. ع نفس الروتين نضفنا بس هل مره بدون ضحك وبدون وحده اسخت بسرعه كفينا البيت لأن نسوان وزلم يجون وامي كاعده ويا النسوان واني صافنه خاله أيدي ع خدي والبنات يشتغلن كدامي يسون غدا لناس الموجودة التفت فازه ع تليفون امي يدك شفته فيروزه مالي خلك احاجيهه والله ردت عليهه غزل
