بسم الله الرحمن الرحيم
الروايه بقلمي. "الحردان"
"" "" "" "" "" "" "" "" "" "" "" "" "
اذا غيـري لگيـت وغيابك تـرتاح
روح يحرسـك اللـه وبخيـر داعيـلك
وإذا وي غيـري تلگـه إلمـا لگيتـه وياي
يحقـلك لـو رحـت شتريد سويلك
" "" "" "" "" "" "" "" "" "" "" "" "" ""
_بقيت مصدوم توسعت عيوني
واني اشوف امي واكعه بلكاع
والدم مغطي راسهه ركضت مروعوب
_ يمه يمه حنينتي رويحتي كومي
فدوه اروحلج يمه لا تخليني
وحدي شعدي غيرجج يمههه
ولجج يمه كومي. ابد ما اجه
أبالي اخذهه للمستشفى كل بالي
اريدهه اتكوم وهيه ما تحرك
لا ايد ولا رجل شلتهه خليتهه
بحضني اجت وصله دم بيدي
لو تكهربت. نزلت دموعي وبقيت اصيح
ع امي اريدهه تكعد لامره ثانيه
حسيت نفسي ضعيف. ولججج يمه
يا رب يا رب لا تفجعني بيهه
احبهه اني احبهه ما عدي
غيرهه يا رب. لحد ما فززني صوت.
.
مؤمل : كرصني سيف حت انكوم
عيب من الاوادم ساعه ب٣ كمت
ويا تسلامت وياهم والولد دره
من الله وكفنه بلحوش وسيف
صار شيخ وشتردون اني حاضر
وما يكون خاطركم الا طيب اجيب
الساده واجي. اهوو صار شيخ
شلندخ غير يفضهه فركت وجهي
بنفاذ صبر رفعت عيني واشوف
وحده واكفه بلباب بس بياض
مبين كل ضني جني صغرت عيني
اتمعن وجهه ماسكه الباب منا ومنا
مو كلش صغيره وعدهه اخدود ومن البرد
صايرات دمم حت خشمهه. دخليك
يا علي مو مره كطعه بيضه وخدود
ورديات. ما حسيت الا ايد فوك
جتفي التفت سيف يسحبني .
طلعنه صعدنه بسيارته هوه يحجي
ويسوق واني كل بالي ويا الكمر
الي شفته مساع وصلنه نزل
كال هسه اجيك بقيت واكف بلباب.
رفعت راسي ليفوك اشوف القمر.
يأبه اعتزل اعتزل انته قمر وهيه قمر.
بطني كامت تقرقر من الجوع هيه هاي
حت ما ماره ع المعده ماكو بعشيرتنه
هيج مره بس مو جنهه بيضه
حيل خاف بل مستقبل تلم وصخ.
كل هاذ يدور براسي لحد ما سمعت
صريخ دخلت اركض وكفت بلباب واشوف سيف
حاضن خالتي ع كلبه ويصيح والكاع كلهه دم
ركضت ادفعه منهه ما يندفع جنه
تريله ضامهه لكلبه ليكول راح
اخطفهه منه ضربته بوكس
ارتد ليوره حاضن ايده الكلهه
دم ركضت اشيل خالتي.
خرب عرضج ماخذه عافيت
صبيح يرادلج كرين. شلتهه
وركضت وهوه كوه يمشي وراي
صعدتهه متمدده ليوره سديت الباب و التفت علي واكف بلباب
يباوع لدم الي بيده
. هسه هاذ اذا ادفره احد يلومني
صعدته وافتريت اصعد سقت
بكل سرعتي وصلنه للمستشفى
حت ما طبكت السياره عدل
شهالهه سيف وركض بيهه
رجعت أصف السياره عدل حت
لا يغرمونه ونزلت اركض ادور
بل مستشفى سئلت عليهه ويكلولي
ماكو مريضه بهل اسم . خرب
أهلكم مستشفى زرب*انتم
