بسم الله الرحمن الرحيم
لتواصل حساب الكاتبه؛ @gdyrl_y19
__________________________________
لا تحتقر الذين ينظرون إليك طويلاً ' قد تكون تشبه أحبابهم البعيدين أو تملك شيئا من ذكرياتهم '
فقط إبتسم فالأربعون لم يخلقوا عبثاً .!
- محمود درويش
"" "" "" "" "" "" "" "" "" "" "" "" "" "
فيروزه : فزيت ع صوت المنبهه رفعت راسي التليفون يدك وعلي نايم ما يدري بي مديت ايدي سحبت التليفون من يمه طفيته وشفت ساعه ب٤ الفجر عفته ورجعت لحضنه ضامه وجهي بصدره تحرشت بي حت يكعد
_ علي علي
_ هممم
_ كوم صاير تنبمل
_ عديتيني انتي. فيروزه كومي فتحي الشباك حاره
_ تره اني ميته برد وين الحر الكاك
_ والله حران كومي ورجعي بحضني
_ والدوام
_ يولي
_ اريد الفلوس
_ مصلحجيه
_اهم شي الفلوس شلون نعيش
_ع البوس نعيش
_ ما يصير
_ ليش
_ شلون ناكل
_ اكلي شفايفي
_ ويامن تمشي هل ايام صاير افيسد
. ضحك وحضني أكثر لصدره وهوه
يشم بشعري وبدت تجرئه لمساته كرصته
من خصره كام يضحك دخل للحمام
واني لبست ونزلت اسويله ريوك
شفت جعفر مبدل وكاعد منتضر
علي ما يطلع وحده يخاف منهد
الكتله الكلهه حللل سويت ريوك
ردت اصعد وهوه نزل كال اتريك
ويا جعفر نزلت ويا دخلت للغرفه
خليت الصينيه ع الصفحه ورحت
جبت مي وكعدت كدامهم بدون
ما يحجي جعفر تقدم ياكل بهدوء
وعلي يحجي وياي ويتغزل بيه
ع عناده واني ويا اضحك اسولف
ولا جنه موجود صدمنه من كال
اني اقبل بكلشي بس المهم اخذهه
. يحجي وهوه مدنك ما رفع راسه
من سكتنه اثنينه رفع راسه يباوع بتسأول تنهدت احجي.
_ وانته منوو منطيك
_ فيروزه رحمه لهلج هاي اني كدامج حت إذا تردين ترجعين اضربيني اني قابل بس. المهم اخذهه تعبت اريدهه يمي احبهه شنو ما تفتهمين انتي
_ لا ما افتهم اني الي افتهمه انته واحد نذل وما أثق بكلامك لان مو زلمه
_ انته راضي بمرتك هيج تحاجيني
_ اي انته ما مخلي احترام لنفسك
. كام كلب الصينيه ويصيح
_ شتردوووون كلولي شتردوون واني أنفذ بس لا تحرمونيي منهه احبهه يا ناس احبهه
_ تعال انته اشو تمضرط من شوكت حبيتهه
_ من حانت صغيره من تاهت واني
رجعتهه لبيتكم من حانت تجي لبيتنه
وتنتضر اخوانهه ياخذونهه من جانت
تاكل واني اباوعلهه من هيه وطفله
اني احبههه
_ نزلت راسي وحجيت واني الم بلكزاز
ما اكدر اصدكك تعذرني. بس حجيتهه
تسودن حت بجي بحه وهوه يصيح
ويشمر شكو شي كدامه عفته وكمت
اخذت الصينيه كام وراي وهوه دموعه
بخده ويحجي واني ما اريد اخلي
عيني بعينه حسيت ضلمته. اني صح
اصيح واضرب بس لو هستونه صايره
بينه بسلاح واجه ضحك بوجهي
انسه كلشي من شفت دموعه بعينه ويحجي وصوته بي بحه
_ فيروزه والله احبهه والله ما اخليهه بيوم تبجي وخليهه تكمل دراسه وتتعين واني اعينهه بيدي. صاح مناك علي وهوه يضحك ويكول
علي : اي مو انته العبادي وتعين بكيفك
_ رحمه لهلك اسكت. فيروزه وداعت امي وداعت ابوي اخليهه بعيوني اني اوديهه واني اجيبهه واخليلهه خط تروح وترجع وادللهه وما اخليهه بيوم تحتاج شي واذا اجتج بيوم تبجي وتشتكي اني شاربي مو عليه
_ هوه انته منيلك شوارب.
_ عدي عدي بس وافقي وخل انروح نخطبهه اليوم حت دوام ما اروح بس وافقي
_ اريدلهه بيت وحدهه
_ يجرالهه
_ اسمعني زين جعيفر. مسك خط احمر ان حاجيتهه او مسيتهه بكلمه والله والسمه الله ما اخليك دقيقه تعيش اذبحك واشرب من دمك
_ ما تسوينهه
_ اسويهه اسويهه اني كلشي ولا اخواتي اشرب من دمه ليمسهن بكلمه
_ هاهيه عمي حت دمي يجرالج بس وافقي
_ هزيت راسي اي. اشو هاذ أخذه
الواهس وباس راسي طفر مناك علي
واخذه كفخات وهوه احس الكاع
ما شايلته واني مدري شمالني
فرحت ع فرحته صعدت فوك شفتهه
صايره ب٦ بعد ما بيه حت انام طلعت
الغرفه كلهه غسلت الفرشات وشريتهن
ع السطح وطبيت لكيت جهالي
كاعدين سبحتههم وريكتهم نزلو
واني بقيت لحد ما خلصت الغرفه
سبحت ونزلت بديت احضر بلغده
ورحت عجنت عفته ع صفحه ورحت
انضف واسمع عمتي تخابر هستوني
ردت اطلع للكراج وطلعت عمتي
وهيه تهلهل وتدبج. كتلهه. جا مو ما بيج حيل
