بسم الله الرحمن الرحيم
الروايه بقلمي. "الحردان"
"" "" "" "" "" "" "" "" "" "" "" "" "
مامجبور تبقى وياي
جرب ويَغيري تتهنى
واذكرك مِن تعاشر نار
تعُرف قيمِة الجنه .
" "" "" "" "" "" "" "" "" "" "" ""
_ فزيت مخروعه من مكاني وجعتني العمليه رجعت كعدت وامي تهلي بيهم ودكلهن تفضلن تفضلن دخلتهن يمي واني تلبس بيه الخوف همه مو يكولون يتلبس بيه الجني اني اتلبس بيه الخوف متت بكاعي اتقربن عليه يبتسمن ويبوسن بيه واني حت حجي ما عرفت احجي نسيت كل الكلامات وهنه اكلاني بسلامهن وكلساع خالته تلتفتلي وتوزع ابتسامات شككتني بنفسي اخر شي تقربت عليه وهمست وكالت
_ هلكول ليش رايح روحه بيج.
_ متت بدمي واني بس اباوع بالعيون حت ابتسامه ما ابتسم مثل المصدومه خزرت غزل وموج كاعدات ومكابلاتهن وفاتحات حلوكتهن من شافني كامن وجابن عصاير وجاي وكيك وامي مندمجه ويا امه
ويحجن ليكول تعرفهه. خرب انه سيف خربب اهلك شلون توديهم وما تكلي خربب اهلك ياا اني اغلط ع اهله وهيه امه كاعده هنا ابتسمت ع روحي التفتلي امه حجت وهيه مبتسمه
_ شلونج جنته
_ عزززه وكف وكف الدم كام ما يمشي بشريايني. هاي ناويه اجيب آخرتي وياهه. ابتسمت الهه ورديت بتوتر. الحمد لله خاله
_ عاد انه ما احب الوف وادور يام..
_ ام سجاد ام سجاد
_ ايي يبعد حيلي اني طبيت بيتكم واكلت منكم واني صراحه هاويه مسيكه من هيه وصغيره جنت اني ادرسهه والوليد عسكري وهوه الوحيد الي
ومدللاته وما اريد تجي وحده زاعيتهه الدنيا وتخرب لمتنه وانتي تدرين يام سجاد بنات هل وكت مو كلهن راحه وذيج من ذيج الزينه واني جايه ع بت اشيوخ وما ترديني يام سجاد
_ يأبه شصار بروحي ما خليت غلطه وما غلطتتهه ع سيف وهيه تحجي وخالته تباوعلي وتركصلي بحواجبهه يأبه متت متت بمكاني خفت امي تباوع وتنتبهه لتصرفاتهه وامي من النوع تلكفهه وهيه طايره فززني صوت امي وهيه تكلهه
_ يبعد حيلي ما تغلى عليج وهاي كدامج هيه انجان ترضه كبعيهه واخذيهه
_ التفتن عليه وهنه يبحلقن بيه. يأبه روحي احتركت حرك من الخوف. باوعت عليه بسرعه ونزلت عيني بلعت ريك وهمست. ان اني خاله ولله ما اريد اني اريد اكمل دراسه. عيوني انترست دموع بقيت مدنكه حت لا يشوفن دموعي
ابتسام : جا يمه منو كلج انبطلج من مدرستج الوليد كال اني اخذهه واجيبهه واني بعدني هنا ادرس نجي سوه ونرجع سوه بخط واني حت مو من هذن لي يلفحن ويزامطن بولدهن اني اكلج اكلج ابني عصبي بس انتي تعرفين اطباعه ما حاجه
