بسم الله الرحمن الرحيم
الروايه بقلمي. "الحردان"
"" "" "" "" "" "" "" "" ""
أضمَك وين ؟
مَن يا عّين؟
هوه المثَلك شينضَم
يلچنَك بخَور هنود
مَن سابِع سلف ينشَم .
؛ "" "" "" "" "" "" "" "" "" ""
لتواصل @gdyrl_y19
سيف : صح اني كتلهه روحي حاجيهه
بس كلبي ما مرتاح ما اريد تبتعد
عني بقيت الوب بمكاني احوس
عفت قامجي مال نركيله وكمت
طلعت اباب الكهوه مختنك هسه
هيه ليش. ترفض وتخلينه ماكلين
وحل ما ترضه خرب انه لو يمي
الا الزكهه ابوسه تنسيهه كلمه لا
طول عمرهه صافن بالفراغ و اجت أبالي وكفتهه
اباب الكلودور وهيه لابسه
الأحمر اشتعلووو اهلج بنار
ونفط ع هل طركاعه اني
مشايفهه حبيت روحهه بس
من شفتهه بقت مطبوعه أبالي
وما اريد اكلهه اريد صورتج
لان هل شي حرام دائما اريد امنع
نفسي افكر بمنضرهه هذيج
المره وهيه لابسه الأحمر بس ما
كدرت وحت بيومهه ما رحت
وكتلهه شفتج وهيه هم غلست
ع الموضوع. كل هاذ يدور براسي
رفعت راسي مؤمل مقابيلي
نزلت عيني ع بيده اثنين قواطي ولافهن بعلاكه سوده ويركصلي بحواجبه.
_ هاي شنو بله
_ التفت يمين يسار ودنكت اهمس. هاذ عرك
_ فلا بيك خير
_ أجيت كعدت يمه نزلت القواطي الولح بيدي وغنيت. شباب مكبسله وشياب سكرانه ولمايشرب عرك لا يمشي ويانه ولما يشرب عرك لا يمشي ويانه
_خايب تسكر بقوطيه عمت عين الزلم
_ تسكر بقوطيه هلا هلا اطك اصبع وهوه يضحك
_ وخر مني فوسقتني الله يقرضك
_ أنجب يله هواي ضحكتك كومم يله نرجع للبيت
_ لا روح انته للبيت اني عدي شغله اجي وراك
_ رفعت عيني ركصت حواجبي . هاا ابو السوس رايح اشوف ام الجهال دنك ينزع حذاته طفرت اضحك عفته ورجعت للبيت لكيت خالتي ابتسام وامي والبنات يضحكن دخلت كعدت كبالهن كلت الله بلخير محد ردت جنهن ما يشوفني اللله شكد محبوب اني ومحد محترمني. ولجج ابتسااام رجلج وينن
_ اكل تبن وكلهه خاله
_ اسكتي لج هيام لا تخليني احجي واكلج ابوي مصاحب ساره جوارينه لا تخليني احجي.
هيام : يااا دهرر يلمفلوك محد يخلص من حلكك تتبله ع الزلمه.
_ المي يمشي من جوه رجليج. خايبه ابتسامم اضن صبيح مزوج عليج.
_ لا وينه فقير ما عده هيج سوالف.
_ مالج علاقه بسومه بس ادري بي مزوج ازوجج اني جا هيه هيته تهي بهي عباله ما عدج ولد اخت .
