بسم الله الرحمن الرحيم
الروايه بقلمي "الحردان"
"" "" "" "" "" "" "" "" "" "" "" "
لتواصل الكاتبه؛ @gdyrl_y19
" "" "" "" "" "" "" "" "" "" "" "" "
بَعدك
ما بنيت لغيرك أحلام
و لا لعيونهم مَشيت الأيام
وكف ميلي برحيلك
صارله أعوام
و يُلوموني
و أنا بيا حَال و أنلام .
____________________________
زمرد : ركض علي يتهدد ويتوعد ما لحكت
ادافع ع نفسي بحركه سريعه حط
راسي بتنور شاغت روحي من الحراره
حميت وجهي بيدي ماتت روحي الف
مره وهوه ولا جنه الحقد عمه عيونه
ومعياد الحقيره واكفه وشايله قبق التنور
ولا همهه شي ولا دافعت ولا وخرتني
منه تريد تشفي غليلهه بيه وهوه
ع كد ايدهن يجيبنه هيج ويودنه
هيج دفرته وخرت راسي متتتتت
من الوجع أيدي وكصتي طككت
شاغت روحييي واني اصيح واغلط
علي وع اهله واخته وهوه ما كف عني
من حقده جرني من شعري ورجع
يضربني بوحشيه ليكول زلمه كدامه
نهانيي بيده ضخم اوصل لبطنه اني
ما اكدرله جان اكلته بيدي لحد ما وكعت
من ايده يله عافني وهوه يفشر
بأنواع الافشار والغلط والادعاوي
اباوع ع معياد ولا جنه صاير شي
كملت خبز بكامل هدوء واني ع كعدتي
رايحه روحي ايديي نملت والحراره
تاكل بروحي اكل وجهي احسه بعده
بتنور روحي تنازع الموت واني بره
مثل الجلب محد كلبني يا بويه
ع الوجع الياكل بكلبي اجت إسراء
مرت حماي تركض اخذتني بحضنهه
وهيه تبجي واتكول "حسبي الله ونعم الوكيل عليهم" اخذتني جوه رجلهه
بس شافني شهك َاجه يركض علي
حت ما سئل شصاير لان يعرف
اخو اغم صعدتني فوك لغرفتهه وهيه
ع فرد بجيه واني لا روحي ولا عقلي
ولا وجهي قابل يسكت كلهن التمن
علي إسراء كالت لرجلهه يروح يجيب
شي لديه ركض خطيه وهيه تحير
شلون تلزمني لو تسكتني كل هاذ
بقيت
افرفح من الوجع بس تلزمني وهيه
تشيل روحهه وادكهه وهوه ولا همه
اباوع علي يطب للغرفه ويبدل ويعطر
وطلع ولا اجه ولا جنه مسوي شي
دخل ارشد جايب عصاره تحسب
وطلع سدت الباب واجت كعدت
ع اركبهه كدامي واني كاعده
ع الجربايه لزمت أيدي لو روحي راحت
بجت أكثر مني تحط العصارة
وينكمش وجهه ليكول هيه الي
تتوجع ودوموعهه ما سكتت من
البجي نزلت جوه واسمع بس
صياحهم واني مالي خلك روحي
ابجي عليمن ع يا وجع وجع كلبي
وجع أيدي كلبي كام يدك بعقلي دخلت إسراء وكالت شفيت كلبج بيهن طشرتهن والله
أخذت التليفون ورجعت تخابر بأرشد
وره شويه دخل جايب لفات كباب
الي اني بعمري ما شفتههن من رجلي
وحرمات يسمه رجلي ما قبلت اكلهن
وهيه تشيل بروحه وادكهه بلكاع
وجسمهه يرجف رجف وكلساع
تروح تشرب حب كئابه وترجع
وتفتر بالغرفه مثل المسودنه كتلهه اريد
اروح لجهالي ما قبلت كالت اجيبهم
واجي هنا اليوم انتي يمي وخلي ارشد
يحير بروحه هوه واخو وفعلا بقيت
يمهه لا يوم ولا يومين ولا اسبوع واحنه
ما نازلين بس فوك بمجرد تنزل اجيب اكل وتصعد وهنه خانسات عنه
ما يحجن
