بسم الله الرحمن الرحيم.
"" "" "" "" "" "" "" "" "" "" "" ""
لتواصل حساب الكاتبه. @gdyrl_y19
__::::::::::::::::::::::::::::::::::::::::::::::::::::
مسك : نزلت اكرص بيهه وهيه طفرت ع ابوي لزمت ايده ولا جنهه مسويه شي ومؤمل من اباوع علي هايم بيهه ومن يشوفني منتبهتله ينزل راسه. اتقدم سيف عليه رايد يلزم أيدي واجه بابا بحركه سريعه سحبني منه ولزم أيدي من جهه اليمنه وغزل من جهه اليسره ودخلنه جوه مبتسمه رفعت عيني ع سيف واشوف وجهه ما يكصه السيف ويباوع ع غير جهه التفت واشوف جعفر مضمط من فوك ليجوه وما احس والا ع أمه اجت هاده عليه تريد تاكلني خلاني بابا وره ضهره وهيه ما سكتت تغلط واصيح بنص المستشفى حت فشار فشرت لحد ما ابوي عاط بيهه.
_ هوووب هوبب حدج لهنا وكافي صارلج ساعه تغلطين وتفشرين غير اعرف شمسويتلج.
الحجيه : اييي حقككك حقكك ما تعرف نايم ورجليك بشمس بتك تمعشك وانته ما تدري.
سيف : اني اكول تحترمين نفسج واسكتين عيب عليج واحد بكدي يهينج.
مؤمل : اخذي ما تبقا من كرامتج واطلعي لا وحق هوه علي هسه فوك ما هوه مضمد اخلي يرجع للنعاش.
غزل : إذا جايه تريدين عركه تعاي بره المستشفى اشلع كصابيج ام خيسسه.
ام سجاد : اتجاوزتي حدودج ام علي ساكتيلج لخاطر كبرتج والا...
الحجيه : ايييي والا شنوو حجايه منيي اطلك بتج واخلي سالفتهه العرب كلهه يحجون بيهه لا تندكين بيه يم سجاد تره اني مو جليله شر .
ابو سجاد : ام علي محترمج لخاطر شيباتج لا وحق من خلقج امدج هنا وأريد زلم تطلع وراج حيل ثخنتيهه وحجيي مو وياج ويا الزلم انتي مره ومالي كل حجي وياج وهسه...
_ قاطعه الضابط الاجه ع الصريخ مالهه.
_ عفواََ بلا زحمه عدكم مشكله حلوهه بره المستشفى مو ديوان هنا وجاين تكملون عركتكم..
_ بقه الضابط يحجي وياهم اخذنه مؤمل وطلعنه ردنا مكان نكعد بي ماكو كل حايط نوكف يمه كاتبين لافته ( ممنوع الوقوف) رحنه شويه لبعيد هم كاتبين لافته ( ممنوع الجلوس) التفت مؤمل وكال.
_ جا شنسوي هسه ننبطح.
عفتهم ورحت بحديقه بل مستشفى كعدت ضامه وجهي بيدي ابجي وغزل هم تبجي ولا تكول مساع جانت وياهم هاده. وامي تلوب وأم سيف وخالته يهدن بينه ومؤمل يفتر فوكانا.
مؤمل : خويه عليمن تبجين ما تكليلي لا تخليني هسه ارحع اطلع روحه.
مسك : لا ءءء عووفه عفيه والله اني ما سويتله شي بس هوه رادني ولزك بيه. بشهكات.
