بسم الله الرحمن الرحيم.
لتواصل حساب الكاتبه؛ @gdyrl_y19
*******************************
سيف لزمو الولد الدعم فيروزه.
_ اي
_ وينه هسه.
_ بسجن
_ ليش.
_لان الافندي مدفعوله فلوس من هاذ الصكط حت يدعموهه.
_ عكدت حاجبي. منوه الصكط.
_ هاذ الخره اخو رجل فيروزه.
_ جعفرررر.
_لا تكولين اسمه.
_ احس اذاني صفرت لا ارداياََ نزلن دموعي وكعدت ابجي كله من وراي اختي جاي تتعذب جان ماتت لو ماخذته ومنجبه ولا هاي العيشه هسه.
. كام سيف متنرفز من كلامي يفتر بعصبيه وكل ما يريد يحجي يسد حلكه بيده حسيت نفسي جفصت هواي سكتت هادئه. سيف.
_ هاااا هاااا.
_ بس صيح عليه رجعت ابجي وهوه كعد كدامي حاير ويتعذر ما يعرف شيسوي.
_ بلعباس مو قصدي بس تره انتي دستي ابطني شنو تكولين لو ماخذته اني خلصت عمري أتانيج وهسه انتي كاعده كدامي تندبين بحضج والله لو مااخذته مصار هيج هذا أمر ربج ليش تكونين ضعيفه وتكومين تليصين.
_ شهكت ابجي. بس.. انته.. صيحت عليه.
_ ما تنعاد وابو الفضل ما تنعاد بس لا تبجين كافي يله دموعج يخلني اشيل روحي وادكهه بلكاع.
_ سكتت اشهك راح طفه الضوه واجه تمدد يمي واخذ راسي بحضنه يلعب بشعري بس هلمره بحنيه ما يعت بي مثل مساع.
. تنهد يحجي بحسره.
_ با اول يوم شفتج عيوني بقت تراقبج اتمنه ما ارجع للبيت وما يخلص الدوام تمنيت بسادس ارسب واعيد سنه حت اكابلج وأكعد.
. باوعت يوم من الايام لكيت نفسي معجب بيج كلت إعجاب يوم يومين وانساهه.
. جنت معجب بشغفج بعفويتج بلطافتج وين مترحين عيوني تتبع خطواتج شجاعتج تذكرين من مره ردت بس اسحبج من بين الهوسه كل ضني كتلنج بس طلعتي انتي الكاتلتهن وبيومهه اجن واشتكن عليج بل اداره وصيت امي تتدخل وما حجن وراحن في سبيل لا توصلج مشكله.
. حت عنادج جنت احبه شكد افتريت وراج لو من اكلج كومي اريد اكعد هنا وانتي تعاندين وما تقبلين ادورين حقوق تكولين حقي هذا.
. شكد حاولت وشكد عانيت حت ما أحول هذا الاعجاب للحب بس ما كدرت كل ما اصفن تردد أبالي ضحكاتج سوالفج صوتج لينزل نسمه ع كلبي اني هايم بيج وكعت بحبج وما اعرف شوكت.
. يجوز عرفيتني احبج ومن دكات كلبي مبين ومعروف فاضحاتني شسويله هوه الوحيد لما كدرت اسيطر عليه.
. اني وكعت بحبج وعرفت بيج وصلتي بعمق كلبي وصرتي تمشين ويا دمي كلت بعد ما بيهه اروح وارجعهه من خليتو قطعه ع بابكم كلت راح يشيلون وبعد وين الكاهه.
_ رفعت راسي بستغراب. شمدريك احنه مخلين قطعه.
_ ليش اني عايفج كل يوم بليل اجيكم واذا ما أجيت احس اكو نقص بيومي تعودت.
