بسم الله الرحمن الرحيم.
لتواصل حساب الكاتبه؛ @gdyrl_y19
!!!!!!!!!!!!!!!!!!!!!!!!!!!!!!!!!!!!!!!!!!!!!!!!
زمرد : طلعنه بسياره والطريق كله غزل مدلغمه ما تحجي ويانه واني وموج ناصبين عليهه وامي كلساع تصجم بيهه بحيث طلعنه روحهه.
_ همس. شكد حر. أجيت اكول حرام عليجن بس اذكرت إذا حجيت راح يوكفلي ع الحرام. ولن ولن.
. رجعت خليت راسي ع الجامه وتردد أبالي اغنيته مدري ليش ابتسم من توصل يمه بس مقابيله ما انطي مجال عود اني شنو ثكيله.
. وصلنه لكربلاء نزلنه عفتههن ورحت ويا بابا لان بس يحجن عليه ما ساكتات امداجن اي والله.
. عافني من وصلنه للتفتيش رحت وياهن بس امشي بعيد عنهن ومربطه اديه مثل العاقله واباوعلهم بحقد وبداخلي اريد اروح وياهن من اشوفهن يضحكن.
. بس هنه حقيرات يضحكن عليه بس طلعنه من التفتيش رحت ويا بابا وهوه يضحك يعرف بيه متعاركه وياهن بس ما يعرف السبب كل ما يكلي عليمن متعاركات أكله.
_" بابا عيب عليك هاي خصوصيه ابينا "
_ ويسكت ما يحجي خايرنه ابين ناكل وندخل نزور لو نزور ونطلع ناكله كناله.
. خلي ناكل لان جهال ويانه ما ماكلين.
. ما كال باطل دخلنه بمطعم جان مفتوح ع الشارع جوه عماره حلو وبسيط وهمه يشون كدامنه وقريب علينه الإمام العباس يعني يبين ما طولنه كاعدين.
. بين مناكرتنه وعركنه رجعنه صحبه واذا حجن شي اخزرهن ما راضيه وهنه يضحكن فد خايسات ع كولت امي.
. خلصنا ودخلنه زرنه وكلنه هاذ المكان الي كلنه نلتم بيه وطشينا اني اندل أخذت موج ورحنه بيدنه تليفون خاف نتيهه.
. وزمرد أخذت جهالهه وراحت وامي أخذت اختي الصغيره وراحت أزور.
زمرد : دخلت لضريح الإمام العباس ودعيت من كل كلبي اخلص من علاوي هيج جانت روحي كارهته لدرجه دعيت اطلك منه ونذر عليه إذا اطلكت اجيب جكليت واجيك يبو فاضل اني مضلومه وفضلت اكون مضلومه ولا ضالمه أريدك توكف وياي حد كطع النفس والله فقيره وما عدي غيركم توسطلي يم اهل البيت ورب العالمين طالبه شفعاتهم.
. مسحت دموعي وطلعت ما كدرت اكض شباكه صايره ملاطم جوه واذا ادخل لازم ادفع بنسوان وهذا الشي حرام.
. لزمت جهالي وطلعت كعدت بيدهم تليفون امي ويتعاركون علي ليكول اول طيحته ما الومهم همه كلشي ما شافو مو مثل الجهال عدهم ملابس ويلبسون ولا مثل الجهال ويعيدون من كلشي محرومين.
. صليت صلاه الزياره والصلاه الضهر لأن وصلنه ويا الصلاه وكلت صلاه العصر يم الإمام الحسين.
