بسم الله الرحمن الرحيم
___________________________________
لتواصل حساب الكاتبه؛ @gdyrl_y19
=============================
لبست حجابي وعدلت نفسي ورحت ورا لكيته كاعد ع التخم بس هوه موجود وسجاد طلع وسد الباب ائشرلي ع المكان البصفه رحت كعدت يمه ذب الجكاره من حلكه والتفت عليه.
_ هسه مرتاحه
_ هزيت راسي بقبول
_ عاشكج انه مسك خل نزوج هل اسبوع ما اتحمل بعد
_ هاا
_ شني الهاا لا تعلين كلبي كولي اي حت اتفق ويا ابوج
_ اي بس وين نروح وره الزواج
_ لقسم الولاده.
_ توسعت عيوني. وع صدمتي اتقدم واخذ شفايفي بين اشفايفه مرجعني ع التخم ويتفتن بيهه من فوك واليجوه واني هايمه ويا ونسيت حت اني وين. فزيت كايمه ع فتح الباب. طفرت من يمه شاهكه وايدي ع حلكي ومدنكه ما بودي ارفع راسي روحي راحت حسيت رجلي ما تعيني ولا تكول اني مرته ليكول مسويه فد جريمه من سمعت صوته رفعت راسي اله ميته خجل.
مؤمل : اعتذر اعتذر قطعنا الخلوه الشرعيه.
سيف : مؤممل أنجب واطلع
مؤمل : ها يعني تردون ترجعون تكملون
مسك : صخااام بعيني الحجي صار فشك بينهم طلعت شارده من الباب ليطلع ع الصاله والدرج صعدت بوجهي فوك واحس النار تطلع من عيوني ميته خجل وكل ما اذكر الموقف اضرب بنفسي لو اعض بديه متت وكلساع اغطي راسي رايده بس انسا الموقف ونضره مؤملل عزززه بعينج مسك توازيتي حجيتي بس والله اني معليه هوه مجلوب اووووف هسه مؤمل شينسي هسه يكضهه عليه ولا اخلص من لسانه لو سجاد ولا مؤملل الله ياخذج مسك تف عليج حطيت راسي ع المخده ولفيت روحي بل غطه والمخده فوك راسي ومخده جوه راسي اريد بس الموقف يروح ماكو لطش.
.
مؤمل :وين راحت ام الحرام عليكم شلون ما لكفتكم.
سيف : احم.
. بعد زحمه نبقه يمهم اخذنه ورجعنه للبيت وهوه طول الطريق يمسح بوجهه خجلان واني اتحارش بي وهوه حت حجي ما يحجي. بس طبينه للبيت ركض للغرفه واني ميت ضحك ع حاله رحت للمطبخ جعت فتحت الثلاجه ماكو شي سريع رحت لغرفه امي فتحت الباب واني اصيح. يمااا تعاي سويلي بتيته. واشوف ابوي فوك امي ويبوس بيهه فتحت عيني مصدوم وعطت بيهم.
هااااااااايييي شبيكممم
ابو مؤمل : وجععع حت وجعع ما ادك الباب
مؤمل : شسوي هناااا
_ اكل تبن. غير مرتييي شني شسوي هنااا
_ ها عبالي صاحبهه.
_ اطلععع بره ومره ثانيه دك الباب
_ حرام عليكم كلكم تنباسون اليوم اني منو يبوسني. كام شال النعال وركض وراي واني طلعت شارد. سويتلي لفه مال شكر ودهن حر وصعدت اكل بيهه اتقربت من باب سيف سمعته يحجي ويا ام خلف هزيت أيدي ودخلت لغرفتي شغلت السبلت وانسدحت اكلب بتليفون.
.
سيف : خب تعبان تجين اتصال نحجي؟
مسك : ماا
_ ليش
_ شني تره بعدني خجلانه ميته من الخجل من الي صار
_ خل يولي هوه ادبسزز ودخل بدون ما يدك الباب
_ لا والله انته ادبسزز شلون تبوسني عد بيت اهلي
_ اه هاي عليمن
_ بقيت ساكته ما رديت. رجع كال
_ راح اعبرلجياهه هل مره.
_ همم
_ مسك حضري نفسج.
_ وين
_ تجين يمي
_ يوو سيف تره عيب عليك هل سوالف
_ لا اله الا الله ولج شمسوييي ما تكليلي. اني ما انتضرج تره إذا نبقه عليج واسمع حجيج اني من ٢٠١٧ عايفج.
_ سيف تره ما الحك والله يعني البنيه هواي تحتاج اشياء واني بعدني كلشي ما مشتريه
_ حت لو تجين هنا وشتردين اشتريلج اني
_ همم احاجي ماما واشوف
_ خوش باجر جايكم اني
_ شسوي جاي
_ انطيك فلوس تحضرين نفسج
_ همم
_ ٤ ملايين كافي
_ اَاععع هواي
_ افا عليج كاعده عدي ويضل شي بنفسج اريد تشترين السوك كله.
_ زين سيف
_ عيونه لسيف كلبه انتي كولي
_ هم تضربني فد يوم
_ ياهو يضربج
_ انته
_ اني
_ اي
_ اي الصبح بوسه والضهر حضنه وبليل احم احم.
_ سييف
_ اي هسه انه شحاجي غير مرتي. تعاي انام تعبان والله ما مرتاح صار خمس تيام.
_ روح نام يله
_ لا تعاي وياي نامي ع الاتصال واحجيلج قصه هم
_ يله
_ كان يما كان في قديم الزمان.
_ اي
_ لا تكولين اي.
_همم
_ ولج كلشي لا تكولين بس اسمعيني.
_ خوش
_ جان اكو بنيه حلوه.
_ وانته شمدريك.
_ هاي شبيهه بلقصه شبيج.
_ همم كمل.
_ وعدهه شعر طويل يخبل وعيون يشكن شك.
_ هاا. وين شفتهه
_ بلقصه يمعوددده
_ همم كمل
_ ولا اكمل نسيت حت القصه
_ خاف نسيت البنيه
_ يأبه والعباسسسس بلقصه راح اطلعلج من التليفون.
_ سكتت يله
_ ديله اسكتي واني راح ابقه احجي لحد ما تنامين
_ بس انته تعبان
_ شعدي غيرج يبعد طوايفي.
_ سكتت هايمه بصوته وهوه يحجي ويتغزل ما خله كلام ما كاله واني بودي ما انام وكلساع وكال
_ ها نمتي
_ لا
_ غمضي عيونج الحلوات خل يرتاحن
_ ويرجع يحجي بدون ملل وحجيي كومه مدري منين يجيبه ويتغزل بيه لو يقرالي اشعار لحد ما عجز انو انام كال
_ اوكفي هسه اجي
_ سكتت بعدني تحت تأثير صوته لحد ما رجع وكال
_ هسه راح تنامين متئكد.
_ وبدون ما ارد علي بده يتلي بلقرأن وصوته خيالل وفعلا بسرعه نمت وما حسيت الا ع امي اصيح.
.
