بسم الله الرحمن الرحيم
لتواصل حساب الكاتبه؛ @gdyrl_y19.
///////////////////////////////////////////////////////
كاعده انوم جهالي ودخل عليه الاغم رفعت راسي باوعتله ما مهتمه سد الباب وتقدم كعد كدامي كال...
_باعي احنه متزوجين من زمان وبيناتنه حب وهاي ها تفهميني.
_ هزيت راسي اي يحجي بهدوء ويشرحلي.
_ احنه مثل النت والبرغي متوالمين وحبابين ها واحد يحب الثاني هيج اعتبرينا وشنو الي يحبون يعني لازم تحجيلي إذا انتي مسويه السحر حت اني اوكفلج وادافعلج مو كتلج احنه مثل النت والبرغي فاني أريدج تحجيلي لان انتي مرتي.
_ فد يمضرط وبلكوه متحملته ساكته ع عصابي وهوه يلغي يلغي حرام بل حرام إذا فهمت منه شي لو حاجي هندي هم اشوه افتهم علي. موج تحجي احسن من عنده.
. هزيت راسي وكلت شتريد يعني هسه.
_ شكد ثوله غير اكلج احنه مثل الانت والبرغي احنه يعني لازم تحجيلي الي تسوينه إذا مسويه سحر كليلي.
_ هسه انته شلطشت بلنت والبرقي ما عدك حجايه غيرهه.
_ لا يعني اقصد تحجيلي احنه متزوجين وهاي إذا مسويه سحر كولي .
_ ايي يله سويت سحر شتريد اسوي يعني هسه. ردت اكول هيج بس حت اخلص صارلهم سبوع يدكون عليه كتل واهاين قابل زمال اني وما احس مافي خلصت طاقتي و خل اكلهم اني سويته شيسون مثلا .
. صفك ايده وكام ليكول اكتسب فد جائزه بقه يفتر. بالغرفه ويمضرط فوك راسي انتي مرتي ومن هل خريط لو كاعد بلحمام ولا حجيه هذا.
_ كومي يله.
_ وين.
_ كومي شوفيني السحر.
_ اي مو صار وتدلل. كمت ويا طلعنه للسطح اكو بطل صارله ٥ سنوات هنا مجعوص جعص رايحه روحه ائشرت عليه. هذاك البطل.
_ هز راسه وكال هاهيه ونزل واني رجعت للغرفه اضحك ع عقله عجيب هيج عقليه والله
. ما اهتميت لحجيه رجعت نومت جهالي وتمددت اباوع تلفزيون ونمت كعدت ثاني يوم نضفت غرفتي ونزلت جوه محد كعدني وحت معياد لكيتهه خابزه لعد منو كضلهه التنور.
. غلست سويت ريوك لجهالي ورجعت اشتغل إسراء عد اهلهه وبس اني ونور مرت امجد حماي الثاني علاقتي بيهه مو مثل إسراء.
. بمجرد خلصت شغلي جوه صعدت فوك نزلت بطاطين وغسلتهن وجاي اغسل الكراج اجت معياد كالت.
_ تعاي ابوي يريدج.
_ هزيت راسي ومشيت وراهه وضعهم اليوم مو طبيعي ما ارتاحيت لهم ابد.
_ ها اكلج بسرعه بدلي وتعاي لان ابوج يريدج.
_ عكدت حواجبي. ابوي اني.
