ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။

Part 99

အပိုင်း ၉၉ ထာဝရရှင်သန်ခြင်း။

နင်မုန့်အနေနှင့် ဖုတ်ကောင်နှင့် ပတ်သက်သော သတင်းများကို ကြားရခြင်းက ပထမဆုံး အကြိမ်လည်း မဟုတ်ချေ။

သူမက ယခင်က နင်နင်၏ ခန္ဓာကိုယ်ထဲတွင် ရှိနေခဲ့စဉ်ကလည်း တစ်စုံတစ်ယောက်က ခယ့်ခယ့်၏ ဝိညာဉ်ကို စုပ်ယူရန် ပန်းချီကားကို အသုံးပြုပြီး အလောင်းများကို သန့်စင်ရန် လုပ်ဆောင်ခဲ့သေးသည်။ အဆုံးတွင်မူ ဒါက ဖုတ်ကောင်တစ်ကောင်အဖြစ် ဖန်တီးရန် ဖြစ်သည်။

စနစ်ကလည်း ဖုတ်ကောင်ဖန်တီးသော ဖြစ်စဉ်အားလုံးကို ပြောပြခဲ့ဖူးသည်။ ထို့ကြောင့် အဆင့်ဆင့် လိုအပ်လေရာ ဒုက္ခအလွန်များသည်။ တစ်ရက်နှစ်ရက်နှင့် လုပ်ဆောင်၍ ပြီးသွားမည့် အရာမျိုးလည်း မဟုတ်ချေ။ သူတို့အရှေ့တွင် ရှိနေသော ဖုတ်ကောင်ဖြစ်လာနိုင်သူထဲမှ တစ်ယောက်က ရှီချီ၏ ဖခင် ဖြစ်နေသည်။

ဒီကိစ္စအားလုံး၏ နောက်ကွယ်မှ လူက နှစ်ပေါင်းများစွာ ကြာအောင် ကြိုတင်ကြံစည်ထားကြောင်းကို သိနိုင်သည့်အပြင် သူမက သူ၏အကြံအစည်များထဲမှ သေးငယ်လွန်းသော နယ်ရုပ်တစ်ခုသာ ဖြစ်လောက်သည်။ တစ်ဖက်အတွက် အသုံးဝင်လာမည့် ဖုတ်ကောင်တစ်ကောင် ရရန်အတွက် သူမက ဒီအတိုင်း အသုံးဝင်သော နယ်ရုပ်အလောင်းတစ်လောင်းသာ ဖြစ်လောက်လေသည်။ နင်မုန့်ကမူ စာအုပ်ထဲတွင် ဖြစ်ပျက်ခဲ့သော အဖြစ်အပျက်များကို ပြန်လည်တွေးတောလိုက်သည်။ သူမက ဝိညာဉ်ကူးပြောင်းလာပြီးသည်အထိ စာရေးသူက စာအုပ်ကို ပြီးဆုံးအောင် မရေးရသေးချေ။ ထို့ကြောင့် သူမအနေဖြင့်လည်း နောက်ပိုင်း အသစ်တင်သမျှကို မသိနိုင်တော့ချေ။ တိတိကျကျ ဆိုရသော် စာအုပ်ထဲတွင် ရှိသော ရှီချီက အသက်၂၅နှစ်သာ ရှိသေးသည်။ စာရေးသူက သူက စာအုပ်ထဲမှ ခေါင်းဆောင်ကြီးတစ်ယောက် အဖြစ်ပင် ထည့်မပြောထားသေးသလို ဒီကိစ္စနှင့် ပတ်သက်ပြီး ထည့်ပြောထားသော အကြောင်းအရာများကိုပင် မတွေ့ရသေးချေ။

ယခုအခါတွင် ရှီချီက ၂၈နှစ် ဖြစ်နေလေပြီး ဝတ္ထုထဲမှ သက်တမ်းကို ကျော်လွန်သွားခဲ့လေရာ ဘာဆက်ဖြစ်မည်ဆိုသော အကြောင်းအရာကို မသိတော့ချေ။