အပိုင်း(၁၀)
ဧည့်ခန်းထဲ ရှေ့လျှောက်လိုက်၊နောက်လျှောက်လိုက်နဲ့ ယင်းမိုင်ခမ်းအလာကိုစောင့်နေစဉ် vibrateလုပ်ထားသည့်ဖုန်းလေးဟာ စားပွဲထက်တွင် အဆက်မပြတ်တုန်ခါလာလေသည်။
ဖုန်းကိုကောက်ကိုင်ကာ ခေါ်ဆိုသူအမည်ကိုကြည့်မိလေတော့.. နှိုင်းမမှီ..။
" ဟယ်လို "
" ဟယ်လို ကိုရှိန်းအားရဲ့လား မှီ စကားနည်းနည်းပြောစရာရှိလို့ပါ "
နှိုင်းမမှီဟာ အဘက်ဘက်က ပြည့်စုံသည့်အပြင် လူမှုရေး၊လူ့ယဉ်ကျေးမှုအကြောင်းကို သေချာလေးလိုက်နာကျင့်သုံးခဲ့ပုံပေါ်ပါသည်။
ဖုန်းပြောဖြစ်ကြတိုင်း သူမ အရင်ဆုံးမေးတတ်တဲ့စကားဟာ ခွင့်တောင်းခြင်းစကားပါပဲ။
" အင်း ကိုယ်အားပါတယ် "
ရှိန်းခေါင်မှိုင်းပြန်ဖြေလိုက်ပေမယ့် တစ်ဖက်က တော်တော်နဲ့ စကားစပြောမလာ။
အတန်ကြာလေတော့မှ...
" မနက်ဖြန်ရော အားလား "
" မနက်ပိုင်းတော့အားမယ်ထင်တယ် "
" ဒါဆို အရင်တွေ့နေကျ ကြေးအိုးဆိုင်မှာပဲ တွေ့ကြရအောင် မှီ့မှာ ကိုရှိန်းကိုပြောစရာစကားတွေရှိတယ် "
" ကောင်းပါပြီ ကိုယ်လာခဲ့ပါ့မယ် "
" ဟုတ်ကဲ့ ဒါဆို မှီ ဖုန်းချလိုက်တော့မယ် ကောင်းသောညလေးဖြစ်ပါစေနော် "
" ဖြစ်ပါစေ "
ကျသွားသည့်ဖုန်းကိုအတန်ကြာ ကြောင်ငေးကြည့်နေရင်း ဧည့်ခန်းရဲ့ဝင်ပေါက်ဆီ မျှော်ကြည့်လိုက်မိလေတော့ တံခါးနားတွင် မတ်တပ်ရပ်နေသူကို မြင်လိုက်ရသည်။
" ယင်းယင်း! "
" ဘာမှမကြားလိုက်ပါဘူးနော် ယင်းယင်း အခုမှရောက်တာ "
" ဒီကိုလာခဲ့ "
Pajamas အနက်လေးဟာ ယင်းမိုင်ခမ်း၏ဖွေးစွတ်နေသော အသားအရည်နှင့်ပိုပြီးပနံတင့် လိုက်ဖက်နေလေသည်။
ဆိုဖာခုံလေးမှာ ကျုံ့ကျုံ့လေးထိုင်နေသူမှာ ဒီညနေမှ ပိုပြီးအနေအေးနေသလို။
" လက်ဖြန့် "
လက်ဖြန့်လိုပြောလိုက်လေတော့လည်း တခွန်းပြန်မမေးဘဲ လက်ဖြန့်လာသူ၏လက်ချောင်းများဟာ ရှည်လျားသွယ်လျနေပြီး အနာပညာသည်၊သဘင်သည်လက်ချောင်းလေးများအလား။
YOU ARE READING
ဂန္ထဝင်လက်ရာမြောက်အောင်ထုဆစ်ခြင်း(𝐎𝐧𝐠𝐨𝐢𝐧𝐠)
RomanceAvailable ❗ Unicode & Zawgyi " ယင်းယင်း.. မင်းက ကိုယ့်ဘဝမှာပထမဦးဆုံးပုံဖော်ထုဆစ်နိုင်ခဲ့တဲ့ လက်ရာအမြောက်ဆုံးနဲ့အလှဆုံးသော အနုပညာပဲ " ရှိန်းခေါင်မှိုင်း #Age-Gap
