كانوا احمد ومثايل يتمشون وقال احمد : شو الدوله الي خاطرج تسافرينها
مثايل : قطر
ابتسم احمد وقال : قنوعه
مثايل : وايد احب قطر
احمد : وانا احبج وباذن الله السفره اليايه هناك
مثايل : ان شاء الله ، احمد حبيبي
احمد : لبيه
مثايل : نوف زاخه البزنس مالك احين
هز راسه بمعنى هيه وكانت بترمس مثايل بس قاطعهم صوت حرمه وراهم تقول : احمد ولد اسووم!!!
لفت مثايل عليها بسرعه وقالت : هيه نعم
طالع احمد الحرمه ( عليا ) بأستغراب وقالت وهي تبتسم : احمد ماعرفتني ؟
احمد : لا
عليا : احمد أنا عليا بنت خاله امك
احمد : اخت خالي حسن
عليا : هييه
ابتسم احمد وقال : شحالج خالوه
عليا : بخير الحمدالله
طالعت مثايل احمد بصدمه و لفت ع عليا حصلتها تطالعها ابتسمت و قالت عليا : هلا حبيبتي ..
مثايل : اهلين
احمد : خالوه هاي حرمتي مثايل
قالت عليا بصدمه وهي تتقدم تحضن مثايل : احمد !! عررست!! هلا حبيبتي هلا هلا شحالج علومج
مثايل وهي تبادلها الحضن : الحمدالله بخير انتي شحالج
عليا : بخير دامج بخير حبيبتي ( مدت فونها وقالت ) سجلي رقمج
مثايل : تمام
عليا : لين متى بتمون هني ؟!
احمد : اسبوعين ونرد
عليا : تمام يعني فيي وقت نتلاقى ازقر عيالي وها كله
احمد : اكيد
عليا : يلا حبايبي الله يحفظكم
ودعوا بعض وسارت عليا وقالت مثايل : حسيتها غريبه شوي بس طيبه
احمد : تصدقين ماعرفتها آخر مره شفتها وانا 12 سنه
مثايل : لييش
ابتسم احمد وقال : عيبتني الفزه اول م سمعتي اسمي
مثايل ابتسمت: شو رايك توقف هني بصورك
احمد تقدم وعطاها وضعيه وقالت مثايل وهي تضحك : يع اوقف عادي
احمد : كييف يعني
مثايل : خلك سيده و ابتسم
احمد طبق الي قالته وصورته وقال : احين دورج وياي
مثايل : منو بيصور
احمد : صبري أشوف اي حد من الي يمرون
مثايل : انزين احمد سلفي
احمد : و الاوتفت ؟
مثايل ضحكت و تقدم احمد حق واحد وقال : hi , do you speak English
( هاي ، ترمس انقليزي ؟ )
هز راسه الريال وقال: yes
( هيه )
احمد : Can you take a picture of us
( ممكن تصورنا )
هز الريال راسه بمعنى هيه و شل الفون من احمد و خذلهم كم صوره ردلهم الفون و سار عنهم قال احمد : خربيته شو هالصور
مثايل : قول قول الحمدالله صورنا
احمد : بس تصدقين شكلج فيهم حلو ( قال وهو يطالع الصور )
مثايل : اشوف صدق
احمد : دوم حلوه انتي
ابتسمت مثايل وقالت : ليش تعرف تقص علي
احمد : الصدق عاد
مثايل : مايازلي المدح اليوم لازم تمدحني و تدلعني اكسترا
احمد : ماطلبتي شي الغاليه
مثايل : فديتك
احمد : يفداج احمد
مثايل : حبيبي
احمد ابتسم : ها حبيبي
مثايل وهي تشبك ايدها بأيده وهم يمشون : شو حلمت اليوم
احمد : ماذكر
مثايل : حلمت فيني ؟
احمد : وليش احلم فيج وانتي عدالي
مثايل : توني قايله دلعني
احمد : حلمت فيج حلم وايد حلو
مثايل : شو الحلم
احمد وهو يضحك : ماقدر اقولج حلم كبار
خوزت ايدها و دزته و قالت : عاطتنك ويه وايد انا
رد احمد يمسك ايدها وقال : لازم بتعطيني ويه ريلج أنا
سكتت مثايل ولف عليها احمد وقال : نفس اختي تزعلين بسرعه ؟
مثايل : مازعلت
احمد : نرد الفندق حبيبي
هزت مثايل راسها بمعنى هيه وقالت وهي تضحك : تشوف هالنار الي هناك
احمد : بعيده كيف لمحتيها
مثايل : لمحتها وبس شفتها ؟
هز راسه وقال : احرق عمري فيها عشانج
مثايل بصوت واطي : حمار بس احبك
احمد : تتحريني ماسمممعج ها ههههههههههههه
مثايل وهي تضحك : قول أنا بعد
احمد : وانا اموت عليج ( وقف ) مثايل تعرفين شو الحلو هني ؟
مثايل : شو
باس احمد خدها بسرعه ومشى مشي سريع لحقته وهي تركض و دزته وقالت : ععيب احمد تستعبط !!
احمد : محد درابنا هني متعودين
مثايل : بس بعد حلو يكون فيه خصوصيه
احمد : حقج علي
وصلو الفندق وقال احمد : ايلسي بييب الاكل وبيي
مثايل : متى طلبت ؟
احمد : طلبات مالهم
مثايل : عندهم طلبات
احمد : يشبهه
مثايل : تمام
احمد : يلا حبيبي بييج
عقت مثايل شيلتها ودقت حق امها فيديو ردت نوره وقالت : هلا هلاااا
مثايل : ماحبييت الترحيب زيدي
نوره : هههه شو الوضع مثايل
ابتسمت مثايل ابتسامه عريضه وقالت نوره : شو الابتسااامه الحلوه هاي قولي قولي
مثايل : ماما احب احمد
ضحكت نوره ويا احمد من ورا مثايل وباس راسها وطالعته بصدمه وقالت : من متى انت هني !!
احمد : سمعت هالكلمه بس
ضحكت نوره وقالت : شحالك احمد
احمد : بخيير وبصحهههه يسرج الحال وانتي شحالج عمتي
نوره : بخير .. شو الوضع ؟
طالع احمد مثايل وضحك وقال : احب مثايل
ضحكت نوره وقالت : فديتكم ، بخليكم أنا احين
مثايل : تمام
نوره : انتبهو ع نفسكم
احمد وهو يعطيها بوسه طايره : لعيون عمتي
نوره : هههههههه يلا حبايبي
سكرت الخط مثايل و طالعت احمد و قالت : وصل المطعم ؟
احمد : منو قالج انه مطعم
مثايل : عيل شو
احمد وهو يرفع الأكياس : بنطبخ
ابتسمت مثايل و قالت : جوي فعاليه
احمد وهو يعق القميص ويخلي الفانيله ويعطي قميصه مثايل : يلا قومي بدلي ملابسج و ع المطبخ
مثايل : وشو اسوي بقميصك
احمد : فريه ع الشبريه بس بعد الربيان و النغر فماي
مثايل وهي تحط قميصه ع الغنفه : ربيان ونغر ؟
احمد : ماتاكلين سي فود ؟
مثايل : لا اكل بس استغربت
احمد : عنددي لج خلطه يارباه لذيذه
مثايل : حبيبييي الي بيطبخ عشاني
احمد : بتساعديني ايه تعالي لا تشردين
مثايل : بتذوق بس و بقولك رايي
احمد : بتسااااعديني
مثايل : بطبخ وانا عرووووس احمددد حبيبي حرام عليك
احمد : خلاص ماعليه انا بسوي كل شي بس بتكونين وياي
مثايل : ابوي انت ابوي نزل عمرك شوي
نزل احمد و باست راسه ضحك وقال : بطبخلج كل يوم إذا جي
مثايل : جنتل ماان ( شلت قميصه وسارت الغرفه تغير ملابسها )
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
