وصلوا غايه وعلي و آيلا البيت وكانت واضحه العصبيه على علي نزل بسرعه و بطل الباب حق غايه نزلت وسحبها بسرعه عند ابوه وقال بصوت شبه العالي : الحين هذا منظر
سالم : سلامات سلامات ليش الزعيج ( طالع غايه من فوق لتحت وقال ) غايه ؟
سكتت غايه وطالعت علي وواضح انها متنرفزه وقال زخ سالم ايد غايه ويلسها عداله وقال : غايه ..
غايه : نعم خالي
سالم : غايه الله يهداج الحين انتي مستانسه جي
غايه هزت راسها بمعنى هيه وقال سالم : غايه الحجاب رقي و حشمه والله عيب عليج
غايه : خالي أنا تعبانه وبسير برقد ( ابتسمت غصب و طالعت علي ) فالنهايه ابوي راضي محد له حق يتدخل
يت غايه بتطلع لاكن دشو عيسى و احمد طالعها عيسى بصدمه و غطى عيون احمد بأيده وغمض عينه ضحكت غايه بسخريه وقالت وهي تضرب جتف عيسى بخفه : مب متحجبه ياعيسى ( طلعت )
عيسى بصدمه: شو ياها ؟!
خلفان : يقولك اي وحده تسافر تستوي مختله عقليه
عيسى : جي الموضوع لازم مانسفر البنات
خلفان : عاد مب جي هههه
عيسى : هه هيه استهبل
احمد : ممكن تشل ايدك من ع عيني ؟
عيسى : اوه نسيتها
سالم : بسكم بسكم والله العظيم بتتصفعون
احمد : فديتك فديتك وانت معصب
سالم : بضربك اول واحد ها
دشت غايه عند البنات ولحقها علي شافتها مثايل و ابتسمت ابتسامه عريضه وقالت : غااييوووه ( بطلت لها ايدها و تقدمت غايه حضنتها شهقت مثايل وقالت : علوه اطلع غايه مب لابسه شيلتها
علي : والله انج ع نياتج مثايل
طالعتها مثايل و قالت : ليكون ..
علي : بالضبط عقت شيلتها
ضحكت غايه بخفه و يت بتعق السويتر الي كانت لابستنه وحطت مثايل ايدها ع ايد غايه و قالت : غايه عقيتي الشيله بس لا تمصخينها
غايه : شو ؟!
تنهدت مثايل وقالت : لابسه مرصص
غايه : المهم ماعلينا حسبتوني بالغدا ؟
مثايل : مب من كبر صحنج
امنه وهي نازله ويا عبدالله وزاخين ايد بعض : غايووه
غايه : امووون
لف عبدالله بسرعه وقالت غايه : اوهو احين كلكم جي بتكون ردت فعلكم ؟ خلاص مب متحجبه انا افهمو
أمنه شهقت : ليش
غايه : خلاص شوفيكم كلكم ابوي راضي !! ( صعدت فوق )
طالعت امنه وراها وشافت منيره تطالع بصدمه وقالت : خالو ..
منيره : انا ها البنت متوقعه منها كل شي
سلامه : امايه صدقيني
قاطعتها منيره : لا تبررين حق اختج هاي مايدش فعينها شي وانا ليتني مارضيت تسيرون عند أبوكم !! ( صعدت فوق عند غايه )
مثايل ابتسمت بوهقه: يارب مانسمع صراخ
سلامه : والله ابوي يعني ماعرف شو اقول
علي : تستاهل الي بييها صدق انها مب صاحيه ( طلع ولحقه عبدالله )
امنه طالعت مثايل : بس تصدقين القصير وايد حلو عليها
مثايل : وااايدد
سلامه : هييه و احلوت بعد
مثايل : بس بنات والله وايد غلطت لازم ننصحها .. وعلوه معصب بشكل
امنه : علوه ليش يعصب ؟
مثايل : تراها فالنهايه من اهله لو مب من محارمه
امنه ابتسمت : بنات ..
مثايل و سلامه : هلا
امنه : عبود فاجأني
مثايل ابتسمت : صددق !! كيوووت !! شو
امنه : فون يديد
سلامه : حرااامممممممم عبود طلع رومنسي
امنه : والله بنات قمت اصيح من الوناسه
مثايل : مبروك ياقلبي الله يسخره لج ويخليكم لبعض .. وصح انا ناويه نتغدا و نطلع علطول انا و احمد
نوره وهي يايه : ليش ليش
مثايل : حاسه بيستوي شي من حركه غايه .. وصح شبابنا يضحكون وسوالف و كلشي بس أبدا مب متساهلين ويا ها المواضيع
نوره : ماعليه بأذن الله مابيستوي شي ومثل ماقلتي يضحكون و سوالف بس عاقلين صح ولا ؟
مثايل : تقدرين تقولين
حطت نوره ايدها ع جتف مثايل : الي تشوفينه حبيبتي بس صدقيني هم مابيسوون ولاشي واحمد موجود و أصلا مابيقدرون ع لسان غايه لا تحاتين
مثايل : ان شاء الله ..
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
