مثايل العرب

30

اول شي ي جماعه أنا وايد اسفه ع التأخير بس تحملوني ماستحي ع ويهي ابطي عليكم و سامحوني ع البارت القصير و إذا في اخطاء املائيه تجاهلوها وأحبكم وايد وايد

تنهد عبدالله بتردد ودق باب غرفه امنه لاكن ماكان في رد وقال بصوت شبه عالي : امون .. بطلي
بعد ماكان في رد وقال : أنا اسف ياخي لا تسوين ها الحركات
زخ فونه و اتصل فيها لاكن مافي رد و كان يسمع رنه فونها وهو برع عدال الباب و تم يردد : امون !! فيج شي بطلي
مسك عبدالله قبضه الباب و بطل بتردد دش وحصلها راقده تنهد برتياح
قامت امنه و طالعت عبدالله غطت عمرها بسرعه بالبرنوص وقالت : شو تسوي هني !!
عبدالله : انتي رقادج وايد ثجيل يلا خالوه تقولج قومي و انزلي !
امنه : وليش انت تي توعيني
عبدالله : ها ؟ كنت ياي غرفتي و قالت لي ازقرج
امنه : و تدش جي ؟ ماتستحي ع ويهك
عبدالله : خلصي خلصي و قومي يلا
امنه : عفان الله ولا جنه مستوي شي
ابتسم عبدالله وطلع وهو طالع كتب لها " كنت بعتذر بس انتي غبيه "
دشت آمنه دوره المياه عزكم الله و وطلعت سوت روتينها المعتاد طلعت لها اول مخوره شافتها مكوايه و زخت فونها شافت المسج ابتسمت بخفه و كتبت له " لازم تعترف انك خفت علي لاني سمعتك "

سالم و مثايل يالسه عداله وحاط ايده وراها ( يارب فهمتو الحركه الحنونه ) : ههههه عاد عيسى شو مسوي انت
عيسى وهو يضحك : ياخي ماكنت اعرف
علي : ابويه ماعرف يعني بس احس اني غيران من هالادميه يعني
مثايل بضحك : خير اخوي خالي ترا انت شبعان من ابوك انا توني اول سنه وياكم و ماشوفه إلا بالحسره
بشاير : هههه سالم منو قدك
عيسى قام بسرعه و يلس عند بشاير : سامحني علوه امي محجوزه
قام علي وهو يضحك ويلس عدال امه بس الصوب الثاني و قال عيسى : خير حبيبي قلنا محجوزه
ضحكت بشاير و قالت نوره : حبيبي خلفان مابتي عند خالتك ؟ صدق انك هيس وينهم امون و عبود بس
خلفان : ياخي خالو ماحب الأحضان
نوره : جب ولا كلمه تعال
قام خلفان و يلس عدال نوره و باست خده وقالت بصوت ناعم : حبيبي شو تبا تتغدا اليوم
قام خلفان بسرعه و ضحكو كلهم و قال عيسى : انا انا بيلس عندج
نوره بضحك : لا خلك عند امك
خلفان وهو ميت ضحك : ياخي خالو مصخرتيبي
دش عبدالله وقال : ها ها تضحكون بدوني
وقفت نوره وفتحت ايدها وقالت : هاا عيوووني وقلبي
تقدم عبدالله وحضن نوره بقوه وقالت : احبج نواري
نوره : مصختها
ضحك عبدالله وطالع الكل وقال : اها يعني اليوم كل واحد حاضن حد
مثايل : هييه عاد جدول اليوم
دشت امنه وهي متجاهله عبدالله سلمت ع الكل وقالت : مافي طلعه شي ؟
خلفان : ها الي تبينه بس
امنه : مابا شي ثاني
عبدالله : لبسي انا بطلعج
طالعته آمنه بصدمه وقالت : ها لا مابا اطلع
عبدالله : خالي انت يالس هني ها قولها مابعيد كلامي
سالم : يالله امون مابيعيد كلامه
نوره : سيري وياهم
مثايل وهي تغمز حق عبدالله : لا لا مافيني
ابتسم عبدالله وضحكت نوره وقالت : يالله امون تزهبي بعد بطرشلج كم شي اباج تاخذينه
امنه بتردد : اوكيه
عيسى : اممم مثايل شحال حمودي
مثايل بأستغراب : حمودي ؟ منو
عيسى : احمد احمد
مثايل بضحك : اويه آحمد أنا حرمته مازقرته حمودي
عيسى : شو تزقرينه عيل
مثايل : احمد
عيسى : لا لا عيب عليج انا حرمتي بخليها تزقرني عوعو
مثايل : ههههههه بتنجلط
سالم : يالله متى يصطلب ها الولد
امنه : ياخي اشتقت حق غايه وسلامه
علي : ويموع
مثايل : متى بيردون ؟
نوره : اظني مطولين بيلتقون ويا ابوهم وماعرف شو
بشاير : الله يهديه
زخ علي فونه وحصل مسج من خالته منيره الي كاتبتله " تعال المطبخ "
علي : السلام عليكم
منيره : وعليكم السلام
علي : بغيتي شي خالوه ؟ كنت احين بطلع ويا ربعي بس رمستيني تبيني
منيره : ايلس
يلس علي و طالع منيره وقالت : علي ماعرف شو اقولك
ضحك علي بخفه و قال : الموضوع قوي يعني ؟
منيره وهي تطالع الارض قالت بتردد : اباك تخطب غايه
طالعها علي بصدمه و قالت قبل لا يرمس : اعرف انك تشوفها اختك والله العظيم اعرف بس علي صدقني أنا اشوف انك انت و عيسى المناسبين حق بناتي و أنا ماباهم ياخذون من برع و يعانون نفسي
علي : دقيقه يعني أنا اخطب غايه و عيسى سلامه ؟
سكتت منيره و بعد ثواني قالت : مب مهم بس علي دخيلك
علي : لا تترجيني خالو أنا مستحيل ا..
قاطعه كلامها : علي الله يرضالي عليك أنا بناتي يسوون الدنيا ومافيها وانا صدقني ماباهم يتزوجون بهالطريقه
وقف علي وقال : يصير خير
لف وحصل نوره تطالعهم بصدمه وقالت منيره : نوره ..
صدت نوره و طلعت وهي مازالت تحت تأثير الصدمه و لحقها علي
علي : عموه بلاج تعالي
نوره : هاي تستهبل ولا كيف !! كيف يعني تباك تاخذ غايه ترا البنيه مب قاصرنها شي وانت حسبه اخوها
علي : أنا ماعرف هي شو تفكر فيه بس
نوره : بس شو ؟
علي : بوافق
نوره : علي تستهبل !!
علي : لا ماستهبل خالو
نوره : غايه مب ناقصه خطاب عشان تأخذها عسبه امها افهم !!
سكتت علي وطلعت نوره و دشت عندهم ولا كأن شي مستوي و قال عيسى : شباب ياخي قومو بنطلع
عبدالله : بطلع أمون أنا
عيسى : ماشي غير امون و مثايل خلاص نطلع و نشلهم
مثايل : لا والله باجر عندي كلاسات من الصبح صدق ماقدر
عيسى : و احمد ويانا والله بنستانس يأخي أنا باجر برد خلني استانس هالويكند ماسويت شي
مثايل : عادي شلو احمد بس صدق عيسى ماقدر أنا
امنه : إذا جي مابي مابكون البنت الوحيده
عبدالله : قلت أنا بطلعج
طالعته امنه وقالت : وانا قلت مابي
رن فون مثايل وردت : هلا حبيبي
احمد : اطلعي أنا تحت
مثايل : بيتنا ؟!
احمد : هييه يلا
مثايل : تستهبل احمد
احمد : لا عيون احمد
ابتسمت مثايل و سكرت الخط تعطرت بالعطر الي حصلته صوبها و وطلعت طالعته بصدمه و طالعت السياره الي عداله و قالت : تسلا ؟
فتح احمد ايده و تقدمت مثايل حضنته لمها بقوه و قال : شو رايج بالسبرايز
ابتسمت مثايل : حلوه وووايد احمد الله يعطيك خيرها و يكفيك شرها
ضحك احمد و قال : أنا الي اقولج يعطيج خيرها و يكفيج شرها
طالعته مثايل بصدمه وقالت : ها ؟
احمد : تتهنين فيها يارب
حضنته مثايل مره ثانيه و شدت ع الحضن و قالت : تسسستهبل
احمد وهو يبادلها : شو رايج فيها ؟
مثايل : احمد واااايدددد حلوه ( ابتعدت و قالت ) صبر استوعب انت تمقبلني؟
احمد : والله العظيم انها حقج
مثايل : مااعرف كيف اوصفلك فرحتتتييي احمد وايد شكرا ماتوقعت
احمد ابتسم وقال : تبين تعرفين كيف توصفين لي فرحتج
هزت مثايل راسها بحماس و قال : بوسيني
طالعته مثايل بصدمه واشرت عليه و قالت : يع يالوصغ
تقدمت و ركبت السياره و اشرت له بمعنى تعال ركب احمد صوب المعيون و قالت مثايل : لو مب انت أنا ماعرف اسوق
احمد : فديتج
مثايل : ولو مب انت ماعندي سياره
عضت مثايل ع شفايفها و طالعت احمد وهو يالس يحاول يشبك ع السياره و اول ماقرب راسه شوي صوبها باست خده طالعها بصدمه وحطت مثايل راسها ع السكان بأحراج ابتسم احمد وقال : والله العظيم اني احبج مثايل
خوزت مثايل راسها من ع السكان و قالت : وانا اموت عليك بس الحين بزقر كل الي فوق
احمد ابتسم : يلا
دقت مثايل هرن خمس مرات ورا بعض طلع عبدالله وقال : خير خي..
ماكمل كلامه و الي كان بيقوله وقال : منوووو قدك احمد
احمد : منو قد مثايل قصدك
عبدالله : احلف
احمد : والله
عبدالله ضحك بصدمه : موديل كم
احمد : اكس
عبدالله : ياريااال
احمد طالع مثايل و قال : تستاهل حبيبتي
عبدالله : خوزي بجربها
احمد : لا حبيييبي اول وحده بتسوقها مثايل
ابتسمت مثايل و دق عبدالله للباقين نزلو وباركوا لها و قالت نوره : شو رايج تلفين بأحمد فديته بعدين تين وتحوطين امج
مثايل ابتسمت  : بس تم
سالم : وخالج
مثايل : منن عيوووني خالي
علي : وولده
عيسى : وولده الثاني
امنه بضحك : وبنت خالتج
خلفان : وأخوها
مثايل : خيبه خيبه نهدا
احمد وهو يضحك : يالله تحوطيني ؟
هزت مثايل راسها بمعنى يلا وركبوا السياره و حركوا قال احمد بأبتسامه : شو احساسج ؟
مثايل : ماتوقعت هالشي والله
احمد : تستاهلين يابعدي
طالعته مثايل و قالت : شو المناسبه
احمد بضحك : لانج تخطيتي مرحله الحيا و قمتي ترمسيني كريلج
ضحكت مثايل و قالت : شو تبا تشرب
احمد : ردبول
مثايل : تمام
وقفت مثايل جدام الدكان و دقت هرن وصل الريال و قالت مثايل : اثنين ديو و اثنين كندر
طالعها احمد و قال : شكلج سمعتي غلط قلت ردبول مب ديو
مثايل : ماسمععت غلط بس الردبول مضر
احمد : عن حركات اليهال هاي يلا طلبي
مثايل : لا مابطلب
احمد : طلبي لي و طلبي لج جربيه
مثايل : خسي اججرربه
احمد : خيبه ليش ليش
مثايل : ابويه مايطيع مايحب هالسوالف المضره
ضحك احمد و قال : فديتج ياخي
مثايل : ترا ما استهبل
احمد : حلفي
ضحكت مثايل و قالت : والله تتحراني استهبل عيل ؟
احمد : خلاص خلاص ديو
مثايل : بدق حق ابووي فيديو يشوف سياارتي
احمد : يلا دقيله
دقت مثايل حق ابوها ورد بعد ثواني وقال : قلب وروح ابوووج انتي
ضحكت مثايل بخفه وقالت : هلا ابويه شحالك
محمد : بخير الحمدالله ( قرب للكام شوي ) اوه هذا احمد
احمد : هلا عمي
محمد : علووومك شو مسوي
احمد : طيب يسرك الحال وانت شو مسوي
محمد : بخير دامك بخير حبيبي
مثايل : ابويه شو رايك فالسياره
محمد : حلوه ماشاءالله مالتك احمد ؟
احمد : لا والله مالت مثايل
ابتسمت مثايل وعقد محمد حواجبه بأستغراب وقال : مثايل ؟ متى خذتيها
مثايل : احمد خذاها لي
محمد : احمد !
احمد : تستاهل تستاهل مثايل
ابتسم محمد بخفه و كان بيرمس بس ركض راشد من صوبه ودش فالكيمرا وقال : ميميي
مثايل : عيووون وقلب ميمي
راشد : ابا اييي عنننندج
مثايل : ابووويه هاته
راشد : أنا قلت لها اييبني بس يقول لا بسك وهني فالبيت ماما و بابا كله يتضاربون مو شطار
احمد وهو يغير السالفه : عيبتك السياره ؟
محمد : هيه والله فنانه
وبدوا يرمسون ..

غايه وهي تضحك : ابووويه عاد مب حاله هاي كل شوي تنكت علي
سهيل وهو يحط ايده ع جتفها ورا ظهرها ( افهموها ) : هههههه مشتاقلكم أنا لازم بقطعكم بالكلام
سلامه : مشتااقلنا رد ويانا البلاد
غايه : هيه صح
سهيل : صعبه والله صعبه
يمعه : ليش صعبه لازم أصلا ترد
سهيل : لا والله صعبه
غايه بتردد : انزين ابويه ينفع أنا اتم وياك هني ؟
ابتسم سهيل : ينفع
سلامه : لا شو غايوه لا تستهبلين
غايه : ماستهبل أنا من يت امي وانا مب مرتاحه فالبلاد
يمعه : لا تنكدين علينا مايستوي اتمين هني
سهيل : شقايل بعد مايستوي أنا ابوها و اقول خلها عندي عادي
سلامه : لا ياخي غايه لا تسويهرها الحركات تعالي
تقدمت غايه وقالت : نبا نسير محل الاسكريم ها
سهيل : يلا

عبدالرحمن : وبعدين شو ستوا ؟
سيف : والله راغني
عبدالرحمن : اححلف
سيف : والله راغني بس المشكله الغلط مب علي بس برايه يعني الله يهديه ابوي فالنهايه ماقدر اقول شي
عبدالرحمن : وين بتسير احين ؟
سيف تنهد : بجوف خوالي عمامي اي شي
عبدالرحمن : خلاص ماعليه بتي عندي ؟
سيف : لا عادي حبيبي بجوف اي حد
عبدالرحمن : والله عادي ترا جان بتي تعال
سيف : إذا ماحصلت حد بييك
عبدالرحمن : بس تمام خبرني عقب
سيف : يلا حبيبي
سكر سيف الخط و ركب السياره