مثايل العرب

35

عبدالله : من وين تفكرين تاخذيلهم شي
امنه طالعت محل ابتسمت وقالت  : ابا امر مكان اول شي ( زخت ايده ) اسمح لي
عبدالله ابتسم وقال بصوت واطي غير مسموع بتاتا  : انا كلي لج
  دشت امنه المحل و قعدت تدور بعيونها على الموظفه حصلتها و ابتسمت و تقدمت وقالت : السلام عليكم
الموظفه : ياهلا ( سكتت شوي وقالت ) تذكرتك
رفعت امنه ايدها و انرفعت ايد عبدالله بحكم انها ماسكتنه وقالت الموظفه : خطبتو!!
امنه : هيه
الموظفه بأبتسامه عريضه تقدمت تحضن امنه وقالت : مبرووك مبروك فرحتلكم عنجد
امنه : حبيبتي
طالعت الموظفه عبدالله وقالت : انت شخص محظوظ
عبدالله : والله ادري
غطت امنه ويها وقالت : والله استحي
الموظفه : هههه من حقك .. حاب تهدي المدام شي من عندنا مثلا ؟
عبدالله : ليش لا
امنه : لا لا عاد صدق كل عطوري من عندكم بس حابين نهدي ناس ثانيه
الموظفه وهي تغمز حق امنه : خود ست الكل سيفورا ولا شانيل او كارتير ديور و دلعها
امنه ضحكت وقال عبدالله : تستاهل
ضحكت الموظفه وقالت : بدكم تهدو بنت او شب ولا معاريس ولا عشان يوم ميلاد ولا كبيره سن
امنه : معاريس
الموظفه : تعالو افرجيكم كولكشن المعاريس الجديد بيجنننننننن صدقيني بيحبوه
امنه : دقيقه أنا اوردي مصوره من حسابكم انستا بكج وايد عيبني
الموظفه : تمام فرجيني
امنه  : بس دقيقه فوني مشفر ( تهز فونها ) بيطول خلاص اشوف الي عندكم و بقولج اي واحد اقصد
الموظفه : تفضلي
انتبه عبدالله ع فونها كيف متكسر وقال : انتي جوفي شو يوم بسير اخذ لي كوفي تبين شي ؟
امنه : سلامتك
طلع عبدالله و لحقت امنه ورا الموظفه

مثايل : احمدوه شغل اغنيه نفس الناس
احمد عطاها فونه وقال : حطي الي تبين
مثايل ابتسمت وقالت : خلاص الاغنيه عيبتني
احمد : يودي يودي حطي الي تبين
شلت مثايل الفون ودشت يوتيوب وبحثت عن الاغنيه الي تباها وقالت : احمد حبيبي الصوغه موجوده ؟
احمد : هيه حطيت كل الاكياس فالدبه
مثايل : تمام
احمد : تعرفين شو افكر
مثايل : شو ؟
احمد : اخذ سياره يديده جي
مثايل : ليش ليش والله الفتك لايق عليك بس لو كان ابيض
احمد : اي ابيض مب شي الأسود فنان
مثايل : الاسود يخيس بسرعه ويبين عليه
احمد : بس شو رايج اخذ سياره يديده يعني افكر دفندر
مثايل : و الفتك بتبيعه ؟
احمد : لا ماببيعه الحب الاولي ها
مثايل طالعته : تحبه اكثر عني
احمد : اعقب
ضحكت مثايل و حط احمد ايده على ايدها : ياخي مثايل انا زعلان
مثايل : افااا احمددد لييييش
احمد : محد قالي الزواج حلو جي
ضحكت مثايل وقالت : لا تحسسني انك شيبه وطافك القطار
احمد ضحك: تبين كوفي شي من هني
مثايل : لا
احمد : اقولج عيسوه وعلاوي وعبود خلفون يماعي كلهم موجودين صح ؟
مثايل : هيه كلهم موجودين اليووم عشااانني
طالعها احمد بغيره واضحه وقال : عشانج ؟
مثايل ابتسمت بتوتر يضحك : لا عشان المناسبه الحلوه هاي و عرسنا وها
احمد ضحك : ياحبي لج والله
ضحكت مثايل وقالت : احمدوه ماسألت عن خالي سالم
احمد : مرات انسى انه موجود والله
مثايل : اباك تشوفه تحضنه تقوله كلام جي وايد حلو
احمد : أنا حرمتي ماقلتلها كلام وايد حلو
مثايل : لا فديتك مغرقني انته كلام حلو و بتزيدني هيه بتزيدني
احمد : بزيدج بزيدج ياقلبي انتي
مثايل : انزيين اقولك احمد بعد ابويه و رشود لازم اشوفهم
احمد : اكيد لازم
مثايل : و اهلك ؟ متى يومهم ؟
احمد : اهلي ؟
مثايل هزت راسها بمعنى هيه وقال احمد : تراج ساكنه عندهم
مثايل : لا اقصد مثلا خالاتك عماتك جي
احمد ابتسم بخفه : شو تبيبهم
مثايل : شو شو تبييبهم بعد احمد حراام انت ولدهم
احمد : الصراحه مثايل انا ماباج تحتكين فيهم وايد بنشوفهم بين وبين بس الحين ماله داعي الصراحه
مثايل : ليش ؟
احمد : اهلي و اعرفهم يعقون كلام ماتبين تسمعينه و بيحسسونج جنج وحده غرريبه بيكرهونج اليلسه وياهم
مثايل : الي تشوفه ( طالعت الجامه وضحكت وقالت ) عشاان جي يوم كلمتنا بنت خاله ماعرف خال امك فالسفر قلتلها مثايل مريضه مانقدر اني
ضحك احمد وقال : عاد هاي اخستين
مثايل : فهمت فهمت الموضوع هههههههه
وصلوا مثايل و احمد فنفس الوقت الي وصلو فيه عبدالله وامنه وقال احمد : السياره الي ورانا عبود و امنه ؟
لفت مثايل راسها وطالعه ورا وقالت : هيه اظني
احمد : دقي حق الباب خ يبطل
زخت مثايل فونها ودقت حق الباب و بطل و دشوا امنه و عبدالله ومثايل و احمد نزلت مثايل و تقدمت وهي تمشي مشي سريع لين أمنه وقالت : امووووووون قلبيي مسيووو
ابتسمت امنه وبادلتها الحضن بقوه وقالت : اكثر يارووحي انتي
خازت مثايل عن أمنه و هي مبتسمه ابتسامه عريضه وقالت : مبروك الله يتمم لكم على خير
عبدالله : امين ، علومج شحالج مثايل
مثايل : بخير الحمدالله ..
امنه : لازم تخبريني شو استوا فالسفره وها كله
مثايل : اكييدددد ( علت صوتها ) احمددد ووينك
احمد وهو ياي : يييت ييت تخاشم ويا عبدالله : علومك
عبدالله : طيب يسرك الحال
احمد : مبرووك مبروك
عبدالله : الله يباارك فيييك حبيبي
احمد : ارقص فعرسك ان شاء الله
عبدالله ضحك : خلك قدها ها مب عقب تغير رايك
احمد : ههه لا ماعليك
دشو مثايل و امنه جافو الوضع ووراهم احمد و عبدالله تقدم عيسى و بطل ايده بيحضن مثايل و اول م وصل صوبها بشوي نزلها وقال وهو يضحك : اسمحيلي نسيت انج مب اختي
مثايل وهي تضحك : عيسى عاد ههههههه
تقدم عيسى لاحمد وقال : احمدووووووه ( حضنه )
احمد وهو يبادله : عيسسى يا عييسى
عيسى خاز : هاا لعوزتك بنت عمتي والله بضربها ها
احمد : ههه خسي ماتجيسها بضربك انا
عيسى : اسووولف وياك ياريال
ضحكوا ودشو سلمت مثايل على امها و خالتها و البنات و نفس الشي مع احمد و طلعوا الشباب و تموا البنات
منيره : ها مثايل عسى م زعلج وانتو هناك
مثايل : الحمدالله مايزعلني وللحين يحاول مايزعلني واذا حس في شي يراضيني بسرعه
نوره : الحمدالله حبيبتي الله يخليكم لبعض
مثايل : ماما اشتقتللج وايد والله العظيم
نوره وهي تحضن مثايل و مثايل يالسه عندها : قلبي انتي أنا بعد اشتقتلج
سلامه : ماسألتتي امووون عن الوضع
أمنه وهي تضحك : عاد أنا ماقصرت كل ثانيه اتصل حق مثايل و اخبرها
مثايل : هههه هيه والله لدرجه قمنا انا واحمد نسمي عيالهم
أمنه طالعتها بصدمه وضحك : تسمون عيالنا
مثايل هزت راسها بمعنى هيه ونقعوا ضحك اما عند الشباب كانو يالسين وقال سالم : علومك احمد
احمد : طيب يسرك الحال
سالم : مرتاح ان شاء الله
احمد : والله الحمدالله مرتاح
عيسى : اقولك احمدوه ماشي كولا نسير نييب
سالم : ايلس ايلس شو تبا تشرد و تشرد الريال وياك
عيسى : ماشرب بيبسي و سفن ياخي
سالم : عيل سير بروحك الريال توا ياي من دبي يبا يرتاح شوي
عيسى : والله دقايق بنسير وبني
احمد وقف وهو يضحك وقال : اسمحولي مابخليها فخاطره
عيسى : حبيييب
سالم : أنا أنا براويكم
احمد : فديتك خال حرمتي وخالي
سالم : سيرو سيرو ههه
علي :  عيسى ردبول ها
يمعه : بلس تو
عيسى : عادي تقول أنا بعد يالاجنبي انت اونه بلس تو
ضحك يمعه وكمل عيسى : وترا غايه بتي الحق سير المطار ماعندها حد يردها
علي : يلا ساير
وزخ عبدالله فونه وقال حق امنه : شوفي اي حد يطلع بسرعه الكيكه وصلت عند الباب و احمد وعيسى طالعين عن تنداس ويعرفون
امنه : تمام
فج فونه وقال : صبر صبر احمد
احمد : هلا حبيبي
عبدالله : اباك ع يمب شوي برمسك عن مواضيع وها
احمد : بتتريا عيسى
عيسى : خلصو بسرعه الله يخليكم
سحب عبدالله احمد ع يمب وقاله : والله ماعرف شو اقولك الصراحه
احمد : ليش متردد قول قول
عبدالله : تعرف أنا توني مالج وها
احمد : هيه
عبدالله : لا تقاطعني ياخي خلني اكمل عشان ماتوترني
احمد ضحك بخفه : تفضل
عبدالله : يعني أنا أشوف انك تعلمني اخلي البنت تكون شوي يعني وياي هيه فهمت علي
احمد وهو يغمز حق عبدالله : جوك الرومنسيه ها
حج عبدالله راسه و ضحك احمد وقال : ابد حبيبي لا تتوتر مايتوتر شي انت بادر وهي بتشوفك وبتمشي ع الشي الي انت تسويه و بتتعود مع الوقت
عبدالله : خلصنا من ها الشي
احمد : شو الشي الثاني
عبدالله : أنا خذلتها هديه
احمد : هيه
عبدالله : بطاقه الرساله شو اكتب لها لها ؟
احمد وقف : الشي ها عندك أنا مابنقلك شو تقول حق حرمتك
طالع عبدالله فونه وشاف اشعار امنه كاتبه : تم
ابتسم عبدالله وقال : خلاص تمام
احمد وهو ساير لعيسى : ها يلا ؟
عيسى : يلا
طالع عبدالله عيسى واحمد وهم طالعين زخ فونه وكتب حق امنه : اترياج فغرفتي
قال بصوت عالي : أقولكم أنا بسير ثواني و يايينكم
طلع من الميلس و سار بطل سيارته طلع ظرف و كتب فيه
" ياكبر حبي لج وياكثره " رسم قلب و ابتسم و كتب تحت الكلام "your husband ♡" رسم القلب نفسه مره ثانيه وشل كيس الهديه و دش البيت ، وصل غرفته وكانت امنه موجوده أصلا حط الاغراض ورا ايده و قالت امنه بخوف واضح : اقولك فيك شي مستوي شي ؟!
هز عبدالله راسه بمعنى هيه وقالت امنه : عبود لا تخوفني خبرني شو مستوي !!
حاول عبدالله يخفي ابتسامته وقال : بقولج الصدق
امنه : صدق شو شو فيه ؟
طلع عبدالله الكيس من وراه وطالعته امنه بصدمه ابتسم وقال : تستاهلين
تقدم وعطاها الكيس شلته منه وشافت الآيفون حطته ع شبريته ويلست و غطت ويها وقال عبدالله : تصيحين ؟!
أمنه وهي تمسح دموعها : لا
وقفت وحضنته وقال وهو يبادلها الحضن : لو ادري جي بتصيحين كنت بييبلج ايفون ولابتوب وياها
امنه : ليش تكلف ع عمرك عبود انت بروحك ماعندك
عبدالله : منو قالج ماعندي حبيبتي أنا اصرف ع بلاد
ابتسمت امنه وطلعت الفون من الكيس وانتبهت حق الرساله شلتها وبطلتها وقرتها بصوت مب مسموع وقالت : احلف
عبدالله : والله
امنه وهي تمسح الدموع الي يالسه تنزل لا ارادي يلس عبدالله عندها وقالها : ماكنت اعرف اي لون تبين
امنه : عايبني
عبدالله : أمون أنا احبج

دش محمد البيت و تم يطالع كيف تقريبا استوا فاضي وماله روح تنهد ويلس ودق يكلم راشد وقال : رشود حبيبي
راشد : بابااا
محمد : والله البيت مب شي بدونك
راشد : اصلا أنا ابا ارجع
محمد : كلم ماماتك حبيبي عادي أنا بي بشلك
راشد : قلت حقها قالت اسبوع الياي
محمد : بعد اسبوع زياده مابشوفك
صفيه وهي تنادي راشد : رشوودددي تعال
راشد : باي بابا ( سكر الخط )

دش عيسى المطار وتم يدور على غايه سمع حد يزقره من وراه لف وحصل غايه و آيلا  ابتسم اول ماشافها لاكنه انصدم من منظرها وتلاشت ابتسامته قالت غايه : شحالك علووه
علي : ششعرج
غايه : هيه قصيته
عق علي غترته بسرعه و حطها ع راسه وقال : شيلتج ويين !!
غايه : اويه بلاك اعتقد ابوي راضي !!
آيلا : Why does he control you
( ليش يتحكم فيج ؟ )
غايه : I don't know this makes me angry
( ماعرف يالس يعصبني !! )
علي : خلي عنج ولفي الغتره ع راسج غايه ربي بيحاسبج!!
غايه : خلصت ؟ ( عقت الغتره من ع راسها ومشت ولحقتها آيلا )