مثايل العرب

33

يلست أمنه وقالت : شو الي لازم اعرفه عن عبود وانا ماعرفه ؟!
ميره : عبود كان واعدني انه بيتزوجني و اوهمني انه يحبني
امنه : و بعدين ؟
ميره : امون انتي تعرفين كل الموضوع و النساء للنساء
امنه : النساء للنساء حبيبتي بس أنا مابخرب حياه مثايل عشان عبود وعدج بالزواج وماتزوجج
ميره : أنا الي اعرفه انهم فضلوا مثايل عليج فكل شي رغم انها يت عقب سنيين وانتي الي موجوده دوم محد عطاج ويه
تنهدت امنه بغضب وقالت : لا تستفزيني و لا تحاولين تخربين علاقتي بمثايل ( وقفت وقالت ) أنا لو ادري ها موضوعج ماكنت بي أصلا
ميره : هيه خلج جي الريال ماييج إلا يوم يحتاجج ووقته عباره عن  انه متربع يتريا مثايل ولا يرمسني
امنه : وبعدين ؟
ميره : حبيبتي عزي عمرج الريال يقص عليج
امنه : منو الي يقص عليها انتي الي كلمج و م خذاج
ميره ابتسمت : حلو .. أنا مابرد عليج
امنه : ليش ؟
ميره : بتركضين وراي مثل م ركضتي ورا عبدالله وخليتيه يختارج
امنه : مافهمت موضوعج وياي ولا ويا مثايل !!
ميره : من بعد هالساعه وياكم الاثنين
صدت ميره عنها و سارت يلست امنه وطلبت الفاتوره دفعت و ركبت سيارتها و هي تفكر هل فعلا كلام ميره صح ؟

قامت مثايل من رقادها يلست وشربت ماي طالعت احمد بخبث وطالعت غرشه الماي و صبتها ع احمد فز احمد من نومته وقال : بسم الله الرحمن الرحيم ( طالع مثايل و ابتسم ) صباح الخير ياوجيه الخبر
مثايل : احمددد المفروض تسبني
احمد وواضحه عليه الصدمه : اسبج ؟
مثايل ابتسمت : هيه
احمد : ياااخييي الخدوود مثاايل
حطت مثايل ايدها ع خدودها و قالت : لا تشووف توني واعيه
احمد وهو يحاول يمطهم ومثايل راصه عليهم : والله كيووت ياخي
حطت ويها ع المخده وقالت : احمددد أنا بقوم لا تشوف
احمد : والله بشوف
مثايل : اوهو احمد اوهووو
احمد : زين حبي ليش تبين اسبج ؟
مثايل وهي تضحك و بعدها حاطه ويها ع المخده : عشان نتضارب و ارد بيتنا
احمد : من ثاني يوم عاد !!
مثايل هزت راسها بمعنى هيه وقال احمد : أصلا المفروض أنا اقول هالكلام
مثايل : ليش
احمد : لانج تشاخرين
رفعت مثايل المخده و فلعتها احمد وقالت : خسي حبيبي من متى أنا اشاخر
احمد وهو ميت ضحك : عادي يمكن تعبانه
مثايل : صدق ؟! لا والله ما اشاخر أنا يمكن مخربط بيني و بينك
ابتسم احمد وقرب صوبها و حط ايده على جتفها و رص عليها وقال : عادي ترا لو شاخرتي
مثايل خازت عنه ووقفت : مابتقرب لين تعتذر
ابتسم احمد وقام من ع الشبريه وقال : اسف
فتح لها ايده و حضنته وقالت : سامحتك 
دشت مثايل الحمام تسوي روتينها وزخ احمد فونه وقال بصدمه وصوت عالي عشان ينسمع الصوت  : مثايل الساعه 3 !!
مثايل : اويه قمنا متاخر
احمد : طيارتنا خمس !!!
مثايل طلعت من الحمام وقالت : مابنلحق نسلم ع اهلي !!
هز احمد راسه بمعنى لا و قام بسرعه يتجهز و يحط الاغراض فالشنطه ومثايل نفس الشي ، خلصوا وطلعوا وتوجهو للمطار

نوره : منور
منيره طالعتها : هلا
يلست نوره جدامها وقالت : اول شي أنا مانسيت موضوع غايه وعلي ..
منيره : هيه
نوره : انشغلت بموضوع مثايل ومارمستج عن ها الموضوع بس سمعي لو استوا ها الشي انسي اني اختج
منيره : نواري لا تستهبلين !!
نوره : مب عشان شي بس غايه تستاهل تتزوج بطريقه احسن البنيه مافيها شي عشان ياخذها بطلب منج
منيره : افهمي أنا اشوف ان علي هو المناسب حق غايه وانا امها وانا أدرى بالموضوع ها
نوره : احين انتي امها !! حبيبتي مافي ام جي تسوي حق بنتها عيب والله تسيرين عند الولد و تقولينله خذ بنتي !! ماتعرفين بيعايرها شو بيسوي وماتعرفين بعد شو بتكون رده فعلها إذا عرفت
سكتت منيره وقالت : خلاص نواري الله يكتب الي فيه الخير أنا قلت ها الشي مره حق علاوي و خلاص هو كيفه يبا ياخذها ولا
نوره : خلاص مابتدخل اكثر مع ان حتى كلامج ها غلط ( طلعت )
منيره بصراخ : اصلا ماله داعي تتدخلين بكل شي