مثايل العرب

38

قامت مثايل من رقادها لفت و حصلت احمد بعده راقد زخت فونها و انصدمت ان الساعه 1 الظهر قامت طلعت لها مخوره وشيله مناسبه لها حطت تنت خفيف و كسرت رموشها و تعطرت و حطت الشيله ع راسها بدون م تلفها بحكم ان البيت فاضي و قربت شوي لاحمد وقالت : احمدوه حبيبي يلا نش
تجلب احمد وقال : امي خليني شوي
ضحكت مثايل بخفه وقالت وهي تحاول تضبط صوت امه اسما وقالت : احمد يلا بنسير نتقدم حق مثايل
فز بسرعه وطالع مثايل وابتسم وقال : انتي هني
مثايل : شوفيك مب مستوعب انك معررس
احمد : مستوعب مستوعب ( يلس تمدد وقال ) والله البجامه فنانه بارده
مثايل : شفت كيف ضبطتك
احمد : يوم ارقد بدون قميص ماحس جي بارد المكان البجامه واو
مثايل : لا حبيبي لان امس يو العمال عدلوا المكيف
احمد بأستغراب : متى
مثايل : حليله عمي امس ونحن محد رمسني إذا عادي وها ويابهم
احمد : فديته ابوي
مثايل : اقولك احمد دام عيبتك البجامه شو رايك اطلبلي أنا وانت طقم ؟!
احمد : جوي جوي هيه
مثايل : بس خلاص بطرشلك عقب كم طقم و انت اختار
احمد : اوك حبي ، شو حد بيي اليوم
مثايل : لا ليش
ابتسم احمد وقال : يعني هالجمال كله بس حقي ؟!
مثايل : نحن خمس فالبيت
احمد : بس انتي الي بتحددين حق منو
ضحكت مثايل وقالت : يلا أنا بنزل تحت عندهم
احمد وقف وبطل لها ايده ابتسمت وتقدمت تحضنه بادلها الحضن وقال : حقي ؟!
وجهت مثايل انظارها له وقالت : اكيد
احمد : فديتج
مثايل : بس ترا ها ويهي كل يوم مازدت شي ليش اليوم تحسني كاشخه ؟!
احمد : سبحان الله انتي ترقدين تحلوين
ابتسمت مثايل وباس راسها احمد وخازت عنه وقالت : اقولك لا تنسى وانت نازل تشغل القران
احمد : تمام
نزلت مثايل ومرت غرفه نوف دقت الباب لاكن ماشي رد وقالت وهي نازله من فوق للصاله : صباح الخير
منصور و اسما : صباح النور
مثايل وهي مبتسمه : شحالكم
منصور : بخير بخير الحمدالله ( وقف ) تعالي يلسي مكاني
مثايل : لا لا عمي والله ايلس أنا بساعد عموه
اسما : هههه فديتج مثايل تساعديني بشو ريوق سويته و تريقنا غدا زاهب
مثايل : اونه خلصتو ؟!
اسما : هيه
مثايل : ونوف وين مب فوق
اسما : هيه سارت المول قالت ناقصنها كم شي وبتيي
مثايل وهي تيلس على طاوله الطعام : تمام
منصور : وعلى فكره كانت تترياج تنشين عشان تسير وياج بس تأخرتي
مثايل : عممي والله ماكنت ادري امس كنا سهرانين أنا و احمد نتابع
منصور : السهر جي يسوي
مثايل : وزقرتتها ترا بس قالت وراي نشه
اسما : هههههه مثايل تبين احط لج سمج ؟؟
ابتسمت مثايل بتردد وهي ماتاكل سمج وقالت اسما : ماتاكلينه
مثايل : هيه بس عادي بجرب مالكم
اسما : تاكلين دياي ؟! عمج ماكان يعرف مسوين غدا وطالب مندي
مثايل هزت راسها بمعنى هيه وقالت : هيه تمام ( وقفت ) بحر الاكل
اسما : ليش ليش هاذيج الطبقه جدامج ، وهيه مثايل اليوم عندج شي ؟!
مثايل : لا ماتوقع افكر اتم ارتب الغرفه وجي لان بعدني ماطلعت كل الاغراض
اسما : رمستني اختي عشان نتعشى وجي امس و اليوم أكدت لي و قالت لازم مثايل واحمد يكونون موجودين بس ماعرف إذا ماتبين امورج طيبه
مثايل : لا عادي عندي انا بس بجوف احمد إذا يبا شي وها
اسما : تمام .. خبريني انتي عقب
مثايل : احمد بيكون ويانا ؟!
اسما : هيه بس عند الرياييل
مثايل : تمام