دق عبدالله باب غرفه أمنه و قال : اموون بطلي
امنه : مايبطل يعني ماببطل
عبدالله : بطلي ياخي بقولج شي اخير !!
امنه : انت الحين بالنسبه لي تحت الارررض مالك شي عندددي
عبدالله : بس أنا لي شي عندج يالحراميه
امنه من ورا الباب : شو هو ؟
عبدالله : قلبي
شهقت امنه و سكتت وقال عبدالله : تبين تسمعين الشي الاخير ؟
بطلت امنه الباب وواضح ع ويها الحيا وشكثر هي مستحيه وقالت : قول الي عندك و خلصني أنا مشغوله مب ناقصتنك
طالع عبدالله التلفزيون وقال : مشغوله ؟ تلعبين سوني ؟ متى لحقتي تبطلينه أصلا
امنه : اوهو مايخصك شو تبا تقول
عبدالله : بتقدم لج على سنه الله ورسوله ..
قفطت أمنه وسكتت وكمل عبدالله كلامه : انتي ماخليتيني اتكلم و إقول أنا فعلا احب منو .. أنا لاحظت اني احبج انتي مب مثايل
ابتسمت امنه بخفه وقالت فداخلها : عمري عبوود ، بس ويت يع ها شو يألف .. عقب م كسر قلبي وسوا ها كله يقول ها الكلام أنا براويه الهيس
عبدالله : شو قلتي ؟
امنه : بس أنا احب عيسى و ان شاء الله هو يبادلني
صدف مر عيسى وسمع كلامها ضحك بصوت مسموع وهو مب قاصد وقال عبدالله : اها .. الله يوفقج
طلع عبدالله وحصل عيسى جدامه تجاهله وسار دش عيسى و قال : صدق امون ؟
قفطت آمنه اكثر و قالت : ها !! سمعت !!!
هز عيسى راسه بمعنى هيه وقالت امنه : عيسى والله لا دخيلك لا تصدق !! أنا احب عبود وقلت جي عشان اغايضه
عيسى : للأسف اني اعرف عشااان جي
امنه : عشان جي شو
عيسى : تعال تعال اجوفك عند الباب
دش عبدالله وهو يضحك وقال : كفو عليك عيسى
عيسى : أعجبك حبيبي
امنه : دقيقه دقيقه يعني عيسى مب معجب فيني
عيسى طالع عبدالله وضحك و قال : سابقا
امنه : و الحين
عيسى : يقولون السنقله جنتله
يلست آمنه ع الشبريه وقالت : يعني سمعت عبود ؟
هز عبدالله راسه بمعنى هيه وغطت امنه ويها بحيا وقال عيسى : مصختوها خلاص عيب برع برع عبود
عبدالله : شو شو
عيسى : يوم بتملج عليها قول شو شو يلا الله وياج امون
طلع عيسى و سحب عبدالله معاه و سكر الباب
عيسى : دقيقه ابوي يتصل
رد عيسى على ابوه و سمع ابوه يقول بصوت وايد مستانس : امكمممم ربت تعالو يلاا
عيسى : احلف
سالم : والله
عيسى : يايييننننننن اي مستشفى
سالم : *****
سكر عيسى و قال لعبدالله : امي امي ررربت
سكرت امنه بابها وابتسمت امنه بخفه و كتبت حق مثايل " خلصتي من ريلج تعالي عندي "
دق عيسى على آمنه الباب وقال : عباااتج عباتج امي ربت
امنه : اويهه يااايه
ردت كتبت حق مثايل " خلاص تعالي المستشفى خالو بشاير ربت "
دشو يمعه و سلامه البيت وحصلوه فااضي وقال يمعه : امممي خالوووو مثااايل عبوددد خلفووون
خلفان وهو ياي مبتسم : هلا هلا حبيبي الحمدالله على السلامه
يمعه : الله يسلللمك وين الباقين
خلفان : والله ماعرف إلا وينها اختكم الثانيه
تنهدت سلامه وقالت : بتم عند ابوي
خلفان بصدمه : تستهبلين
سلامه : والله وكلنا مصدومين من قرارها ترا
خلفان : هي بتندم
علي : اووووه وصلتوووو الحمدالله ع السلااامه نوره البلاد
يمعه وسلامه : الله يسلمك
علي : وين اختكم
خلفان : بتم عند ابوها
علي : شووو !! كيف يعني بتم عند ابوها
خلفان : برايها هي الخسرانه
علي : بس ..
سلامه : بدون بس وين ساير
علي : امي ربت بتون يلا هاذي السياره
يمعه : جدام
بعد شهرين ..
نوف : من عقبب هالليله بيكون عندي اخت يديده ( حضنت مثايل )
مثايل وواضح عليها التوتر : حبيبي انتي
نوف : مثايل طبيعي تتوترين وكل شي بس هدي شوي بدون رجفه على الاقل
مثايل : ماااقدر ياخي احس ماعرف يوتر
ميثه : الحل عننندي
بطلت ميثه الباب ودش راشد وهو يركض ويحضن مثايل بادلته مثايل الحضن و شدت عليه و قامت تدمع وقال راشد : ميمي ليش تصيحين
نوف : تصيحين مثايل !!
مثايل وهي تمسح دموعها : ماعرف نوف احس وايد متوتره
نوف : اخخ قلبي مثايل لا تصيحين
مثايل : احسني وايد صغيره و تسرعت
امنه : تحبينه ؟
سكتت مثايل و ردت قالت امنه : إذا تحبينه مثايل لا تفكرين جي خلاص انتي اتخذتي ها الخطوه ومايستوي تتراجعين قبلها بيوم
ميثه : ومثايل انتي ماسويتي عرس عشان تكونين معاه بسرعه وماتترين يدتج تكمل سنه صح ولا غلط ؟
مثايل : احبه
ابتسمت نوف وقالت : وصدقيني هو يحبج وايد ومب عشان انا اخته اقولج ها الكلام لا فعلا هو يحبج ووايد مستانس امس ماقدر يرقد وهو يفكر وكل شوي اييني يسألني عن شي ويوصينا عليج دامج بتنقلين عندنا
ابتسمت مثايل وقالت سلامه : اححححح بنات كنت مندمجه بالاكل ومانتبهت حق الي طاح ع لبسيييي
امنه : فستانج كحلي مايبين وايد
مثايل : رشودي حبيبي أنا حلوه ؟
راشد : وايد
باست مثايل خده و طبع الروج ضحك راشد وقال : حطيتي ليي مكياااج
ضحكت مثايل ودشت نوره وهي تقول : بنات اتريو برع ابوها بيي يسلم عليها
امنه : تمام
طلعوا البنات وتمو مثايل و نوره و راشد و دش محمد وقفت مثايل حضنته على طول و قال محمد : طالعه حلوه
مثايل : ابووويه يعني انا مب حلوه
ضحك محمد وقال : لا حلوه على الي تشبهينه ( طالع نوره )
مثايل : اشبه امي وايد
محمد : شحالج نوره
نوره وهي منزله راسها و متجنبه انها تشوفه : بخير الحمدالله وانت عساك طيب بوراشد ؟
محمد : طيب الحمدالله
مثايل : ابويه يت صفيه ؟
تنهد محمد وقال : طلقتها
طالعوه مثايل و نوره بصدمه وقالت مثايل : لييش ابويه !!
محمد : عشان ماتكون فلانه الثانيه
عقدت مثايل حواجبها وقالت : منو فلانه ؟ بتعرس ؟
ابتسم محمد وقال : مابخرب عليج الليله عين ابوج بنرمس عن ها الموضوع عقب تمام ؟
مثايل : تمام
نوره : بوراشد اباك فموضوع برع
محمد : تفضلي
باست نوره خد مثايل و طلعت نوره ولحقها محمد وقالت مثايل : بتي ترقد فبيتي ؟
هز راشد راسه بحماس و عند نوره و محمد قال محمد : وافقتي ؟
نوره : أنا قلتلك اني رفضتك ومستحيل ارد لك ليش تطلق الحرمه
محمد : لاني اعرف ها السبب الي يخليج ترفضيني
نوره : لا مب ها السبب ومثل ماقلت داخل مانبا نخرب فرحه البنت لاتيب الطاري جدامها
وسارت نوره ( مابندش فتفاصيل العزيمه اكثر وبنكمل )
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
