مثايل العرب

37

غايه : ياخي مثايل فيني صييحه وايد كيوووت
امنه : طافجج وايد
مثايل : ههه يلا ماعليه بتحضرين عرس امووون
غايه : وهيه أنا ماختفيت واايد و استوا كل ها
مثايل : بس قصه شعررج تجنن ماتوقعت القصير جي حلو عليج
سلامه : هييه وايد يجنن ، وين آيلا ؟
غايه : وين بعد ناشبه حق عيسى
ضحكت مثايل وسمعت رنه فونها وكان اتصال من احمد زخت الفون وردت وقالت : الووو
احمد وهو يرمس الي عداله : هيه والله ، مثايل خلصتي ؟
مثايل : لييش بنرد شو ؟!
احمد : رمستني نوف تباج اليوم بتسيرين وياها ؟
مثايل : عشر دقايق البس عباتي وبسلم وبيي إذا ها خلك فالسياره
احمد : من تطلعين خبريني بسلم عليهم و بنسير السياره رباعه
مثايل : اوكيه حبيبي ( سكرت ) بنااات اليلسه وياكم حلوه بس بسير أنا
غايه : تستهبلين مثايل !!
سلامه : ياخيي تمووو شوي ليييش جي
مثايل : والله لازم اسير ولا ودي اتمم اكثر بس نوف اخت ريلي كلمته وجي وانا عن نفسي بعدل علاقتي وياها عرفتو
لبست مثايل عباتها و تعطرت عدلت روجها و سلمت ع البنات و امها وخالاتها عقب سارت عند احمد سلمت ع خالها و ع الشباب من بعيد وقال عيسى : والله احمد الحب بان ع ويها
مثايل : جب حاطه ميكب
احمد : ماتبا تعترف
سالم : هههه عيسى بسك تلعوز البنيه
مثايل : هييه خالي دووم يلعووزني ماعرف شو فيه
عيسى : مثايل ياخي اسولف وياج
مثايل ضحكت : اعرف والله اعرف
احمد : ان شاء الله العزيمه اليايه علي اشوفكم كلكم فميلس بيتنا
سالم : ان شاء الله
طلعو احمد و مثايل و ركبوا السياره طالعت مثايل احمد وقالت : وين تبا تسير نوف
احمد : بنمرها بناخذ اغراض حق البزنس
مثايل : اها تمام
طالعها احمد وقال بتردد : مثايل بقولج شي بس لا تفهميني غلط
مثايل : شو قول ؟؟
احمد : شيسمونه مثايل
مثايل : احمدددد بدون مقدمات قول علطول
احمد : والله انتي حلوه بدون ميكب لا تحطين ها الكثر
ابتسمت مثايل وقالت : ليش ؟
احمد : وايد ..
مثايل وهي تنزل الجامه الي جدامها : شو الوايد فالموضوع
احمد : الروج غامج .. احمر خدود
ضحكت مثايل وقالت : قلبي احمد
ابتسم احمد وقال : مازعلتي ؟! عيل بقولج شي ثاني بس ها يمكن يزعلج
مثايل : شو
احمد زخ ايد مثايل وقال : مثايل حبيبتي والله العظيم وراس امي
مثايل قاطعته : احمد لا تقول وراس امي مب زين
احمد : بعيد ، مثايل حبيبتي والله العظيم اني احبج و اغار عليج وانتي تعرفين ها الشي ومتأكده منه صح ؟
مثايل : هيه ؟! شو صاير ليش ها الكلام
احمد : جوفي مب سالفه شي بس أنا وايد مضايقني قربج ويا شباب اهلج
تلاشت ابتسامه مثايل وقال احمد : فالنهايه هم مب محرم عليج ولاشي ومب زين تكونون قراب من بعض وايد حتى سوالف وايد غلط بس عادي خلج وياهم عادي نفس احين والله مامنعج أنا منهم بس يالس اقولج
مثايل سحبت ايدها وطالعت الجامه وقالت بصوت واطي لاكن ينسمع : ومنو قال انك تقدر تمنعني
احمد : مثايل ..
مثايل : احمد تعرف هاييل بالنسه لي شو ؟!! اخواني و اكثر حرفيا أنا ماشفتهم عشر سنين ويوم رديت لهم ماتزوجتك عشان تقولي ها الكلام
احمد : بس مثايل أنا ريلج ووالله عندي مشاعر والشي يضايقني
مثايل : خله
احمد : خله ؟ انتي تعرفين عبود كان يحبج و..
قاطعته مثايل : كاان وماكان يحبني كان مجرد معجب واحين هو ريل امون لو سمحت خلنا حلوين ويا بعض ولانفج ها المواضيع
طالعها احمد وواضح عليه معصب ومقهور لاكن يحاول مايبين : تمام ، انتي الي خلج جي
مثايل : تمام