يلس سيف فميلس عمه وقال ابو ميثه : شو الموضوع
سيف : انحجزت سيارته عشاني و عصب و طلعني من البيت
وقف ابو ميثه و تنهد : الله يهديه و انت ي سيف البيت بيتك و المكان مكانك خذ راحتك
سيف : وين ساير عمي
ابو ميثه : برمس البنات يسون شي تاكله
سيف : لا والله شبعان
ابو ميثه : عيل بقولهم يزهبون لك حجره فنانه
ضحك سيف و قال : فديتك ي عمي
ابو ميثه : أفداك ي عيون عمك
سيف : يبت لك جيس لوز حمممر فالسياره تباني انزله ؟
ابو ميثه : ياسلاااام نزله نزله
سيف : ع ها الخشم
طلع سيف و سار ابو ميثه للبنات وقال : اقولكم سيف ولد عمكم بيرقد عندنا زهبو له غرفه
ميثه : ليش ؟
ابو ميثه : ابوه رايغنه وقال أنا مالي إلا عمي
ضحكت ريم وقالت : نزهب الغرفه الي تحت ولا فوق
ابو ميثه : ع هواكم
طلع ابو ميثه و توجه للخيمه الي فيها سيف دش و ماحصله و استنتج انه نزل اييب اللوز
سيف وهو يضحك وتقدم يحضن عبدالرحمن : شو تسوي هني
عبدالرحمن : سناكات وجي
سيف : طراق ياخي
عبدالرحمن : بس بس توصي ع شي بسير ؟
سيف : وين وين ؟
عبدالرحمن : مكان
طالع عبدالرحمن البيت و لمح حد يطالع من الجامه ابتسم وقال : بتقلطني عندكم ؟
سيف : اكيد حياك
دش سيف البيت ووراه عبدالرحمن
مثايل : امون امون شو تبين تسمعين
امنه : احبك لييه
احمد : جوي حطيها
عبدالله : لا حطي اغنيه ربشه ترررقص
احمد : ياريال شو جوك
مثايل : بحط ع ذوق احمد شو تبا تسمع ؟
مسك احمد ايد مثايل و قال : يحلمون
غمض عبدالله عينه ورص ع اسنانه وقال : ياخي خلاص عيب مب جدامنا
امنه : لانك تتمنى ها الشي
عبدالله : سكتي
ابتسمت مثايل و حطت يحلمون و تم يغني احمد مع الاغنيه ، احمد :
يحلمون .. يحلمون اللي فيك يفكرون
ياخذونك انت مني والله لو يتجنون
ابتسمت امنه وقالت : كتاكيت ياخي
عبدالله ضحك وقال : تبين جي ؟
طالعته آمنه بصدمه وقالت : لا
احمد : شو قالت امج عن السياره يوم حوطتيها
مثايل : استانست عليها وايد و قالت احلى شي فيها نت
احمد : اونه فيها ولا شابكه نتج
مثايل : لا والله مب شابكه تخيل فيها نت و العاب يوتيوب نتفلكس فنانه
عبدالله : هيه ماشاءالله و شرحه وسيعه الله يبارك لج
امنه وهي تعلي صوتها : يارب ريلي المستقبلي جي يسوي
ابتسم عبدالله بدون مايبين لحد وقال : الله يعينه
امنه وهي متنرفزه : محد كلمك
احمد : اليلسه وياكم حلوه يلا انزلو بتناقش ويا مثايل عن شي
مثايل : شو مستوي ؟
احمد : ماشي حبي بس خلهم ينزلون
عبدالله : تعالي تعالي امون
امنه وهي تنزل : ترا بعدي مارمسك وزعلانه منك
عبدالله وهو متجاهل كلامها : ولي ( وسار )
امنه : اويه !!
وسارت آمنه وراه
مثايل : إذا بترفع ريلك نزل نعالك عن يخيس السيت
نزل احمد نعاله ورفع ريله وقال : مثايل
وجهت مثايل نظرها له وقال : متى نحدد موعد العرس ؟
تنهدت مثايل وقالت : ماعرف احمد
احمد : حبيبي مثايل مايستوي نأجل اكثر
مثايل : بس صدقني ماعرف شو الوضع واخاف من رمسه الناس
احمد : رمسه الناس ماتيب ولا تودي و الحزن فالقلب مب لازم تبينين لهم انج زعلانه ع يدتج وانا مب قادر اتحمل الحواجز الي بينا اكثر ابا نعرس و نكون ويا بعض و اباج تتفهمين ها الشي مثايل أنا احبج والله
ابتسمت مثايل بخفه : احمد ترضى لو بس كانت عزيمه بينا نحن و اهلك وتشلني البيت عقب ؟
احمد : من حقج تسوين عرس
زخت مثايل ايده وقالت : أنا راضيه
YOU ARE READING
مثايل العرب
Randomروايه اماراتيه تتكلم عن مثايل وحيده امها وابوها الي عانت من الم الانفصال الام : نوره الاب : محمد تاريخ الكتابه : 19/3/2023 تاريخ التنزيل : ..
