الجوهرة وبناتها💎

11

رواية الجـــــــــوهرة وبناتها💎

للكاتبة(شغف)..

انتي جـــــــــوهرة 💎 ثمينه فكوني واثقه من نفسك وان لم يقدرك الاخرين فهذا جهل منهم فواصلي على درب الـــــــــنجاح و ازدادي ديناً وعلماً وتطور واخـــــــــلاقاً..

~\البارت الحادي عشر/~

مثال يلهث برعب كل ماخطر باله بانه شقيقها ولكن الغريب لماذا جعلها تشتغل خادمه وهو يمتلك مال لايعد ولا يحصى؟؟..

لذالك هتف بغبنه/لونها هامتك كان ما خليتها تشتغل خدامه عشان لقمة العيش..

حينـــــــــهـــــــــا!!!...

عقاب جمد من شدة الصدمه بينما كفيه التي كانت تطوق عنق مثال ارتخت لا ارادي لانه شعر بفتور غريب

مثال يعدل جيبه هو يهتف بحزم/ما كنت ادري انها من محارمك ولا كان جيتك مع الباب..

عقاب هز راسه بذهول ثم سال بعدم تصديق/من اللي تشتغل خدامه؟..

مثال اجابه بذات الحزم/هي الجوهرة تشتغل بيتنا خدامه و امس خذت راتبها وقالت انها بتوقف شغل عاد انا يابو شاهر ابيها على سنه الله ورسوله..

عقاب لاشعورياً صفعه مع وجهه صفعه ناريه/تخسي وتعقب تاخذها..

مثال انفعل حقاً كان يريد يتضارب معه لكن الرجل امسكه وهو يهتف محذر/انتبه ترا لو مديت يدك عليه طلعت من الديره مكفن ابو شاهر من كبار القبيله..

مثال صرخ بحده/والله لونه الشيخ بكبره ما سمحت له يمد يده علي؟..

عقاب رفع سبابته مهددً بغضب متفجر/علي بالحرام حرم الدم كان ما اخذت نفسك وطلعت من الديره لا اذبحك وروح وراك قصاص يالخسيس..

مثال ينظر فيه باشتعال/خسيس لاني جيتك مع الباب ترا اختك كانت بيتنا خدامه كان بمكاني استغل الفرصه وخذها غدر..

عقاب كان يريد يهجم عليه ويقتله فعلاً لانه فقد صبره وباع حياته ماعاد يفكر بشيء سوى الجوهرة..

لولا بان شاهر خرج وهو يركض ويمسك والده بصدمه/يوبه شفيك على الرجال لا تفضحنا عند الناس..

عقاب تدارك الوضع بانه في زفاف ابنه وكذالك لو تضارب مع مثال وسال الجميع ما سبب المعركه؟؟..

تلك المثال سيفضح الجوهرة بانها تشتغل خادمه وكذالك يطلبها امام الجميع لينهار صبر عقاب فعلاً..

عقاب صد وهو يتنفس بسرعه/سو تفاهم والحين خله يذلف عن وجهي..

مثال زفر بنبرة قاصده جداً/مكرم الناس ومذبح الذبايح لعرس ولدك واختك تشتغل خ؟..

عقاب قاطعه بثوره عارمه/اقطع واخس..

شاهر سال بصدمة/منهي اخته؟..