الجوهرة وبناتها💎

27

سلام كيفكم يا حلوين..؟

قدمت لكم بارت الاثنين لاني بكرا مشغولة ولا واح افضى للجوال..🤭

ودمتم بخير❤️..

رواية الجـــــــــوهرة وبناتها💎

للكاتبة(شغف)..

انتي جـــــــــوهرة 💎 ثمينه فكوني واثقه من نفسك وان لم يقدرك الاخرين فهذا جهل منهم فواصلي على درب الـــــــــنجاح و ازدادي ديناً وعلماً وتطور واخـــــــــلاقاً..

~\البارت السابع والعشرون/~

مجلس الرجال بعد انتهى العشاء غادر الجميع لم يبقى سوى عقاب وابنائه الثلاثه ادهم و اسامه و مهند.

مهند من قطع الصمت بتساله/يوبه بتحظر بكرا عرس ماجد ولد الشيخ ابو مثال؟..

عقاب رغم ضيقته من اسم مثال الا انه اجابه بحزم هادئ/اكيد ابي احظر وثنين منكم لازم يحظرون معي..

ادهم هتف من طرف انفه/انا ماني رايح معكم ومو فاضي للحفلات..

عقاب ينظر له بنصف عين/اجل وش انت فاضي له للخليان و الحومة..

ادهم اجابه بنبرة قاصدة/على الاقل مبعد بالخلا عن مشاكل خلق الله..

عقاب زفر بحده/اقول تلايط بس؟..

ادهم اشر على اسامه بقهر/ليش ما تاخذ ولدك هذا يحظر الحفل معك هو اللي بديته على بنات اخوك؟..

عقاب لم يمديه يرد لن اسامه زفر بغضب شديد/وش دخلك ليكون بس موكل محامي على بنات متعب انت وجهك؟..

ادهم بغضب اشد/بنات متعب لحمك ودمك اذا ما صنتهن انت يا ولد عمهن من يبي يصونهن الغريب؟..

اسامه طير عيناه بشر/لا تدخل بشي ما يعني لك عندك مرتك صنها وانت ساكت..

ادهم قف بانفجار وتهديد/مرتي بصونها و اصون خواتها معها ويكون بعلمك لو سمعت بس انك ماس شعره من شعر حور قطعت يدك..

اسامه قفز واقف بشكل غاضب/انا اللي بقطع راسها و راسك انت بعد..

عقاب قف بسرعه وغضب وامسك اسامه مع ذراعه بقوه قبل يهاجم شقيقه وتصبح مضاربه بينهما..

وهو يزفر من بين اسنانه/الا ياقليل الادب انت وياه تضاربون قدامي لا احترام ولا تقدير تبون اعطي كل واحد منكم طراق عشان يتادب؟..

ادهم زفر بقهر قبل يغادر/رب ولدك الطايش هذا وعلمه ان تعدى حدوده مره ثانيه دفنته..

اسامه صرخ بصوت غاضب منفعل وهو يحاول يفلت من يد والده كي يلحق ادهم بجنون/اذا فيك خير بس اوقف علي بالحرام لا ادفنك حي مابقى الا انت وشكالك تهددني..

عقاب شده ناحيته بقوه/انت ورا ما تعقل اخوك اكبر منك تبي تنهد عليه؟..

اسامه زفر من بين انفاسه الغاضبه/اكبر مني اصغر مني ما يهمني لو طول لسانه علي مره ثانيه قصيته له..