الجوهرة وبناتها💎

19

رواية الجـــــــــوهرة وبناتها💎

للكاتبة(شغف)..

انتي جـــــــــوهرة 💎 ثمينه فكوني واثقه من نفسك وان لم يقدرك الاخرين فهذا جهل منهم فواصلي على درب الـــــــــنجاح و ازدادي ديناً وعلماً وتطور واخـــــــــلاقاً..

~\البارت التاسع عشر/~

كانت الجوهرة تجلس بحوش بيتها البسيط تحت ضلال الحيط هي وبنتها والجازي تحادثان بمودة..

الجازي تسال باهتمام/والحين صالتك بتخلينها كذا تغرقكم وقت الامطار؟..

الجوهرة اجابتها بثقه/لا طبعاً ابي اصب سطحها وصب الغرف..

الجازي بحزم ودي/تكلف عليك صب الصاله والغرف انا اكلم عقاب و يصبهن لك..

الجوهرة بحزم اشد/لا حلفتك بالله يا الجازي لا تكلمينه ذا بيتي وانا اسنعه..

الجازي ضاقت بالفعل/لامتى يا الجوهرة وانتي ما تقبلين شي من عم بناتك ترا البيت واحد والحلال واحد؟..

الجوهرة صممت لاتريد تناقش معها عن عقاب امام بناتها كي لاحد يلاحظ بينما غرام وثريا يسمعان بصمت

..ما اقبح الفقر وما اجمل الفقراء..

ام صفوان تدخل وهي تهتف باسمه/صبحكم الله بالخير..

الجميع/صبحك نور..

الجوهرة هتف بتقدير/حياك يا ام صفوان تعالي تقهوي معنا..

ام صفوان مازالت تبتسم بود/تقهوى معكم العافيه جيت مرسال من العم شاهر يبي ثريا..

الجوهرة التفت لثريا بحنو/روحي يامك سلمي على رجلك وخلي يطمن عليك..

ثريا تنهض واقفه بينما هي ترتدي قميص سكري مشجر بورد صغير بالون الموف انحنت وخذت شالها..

ثم اتبعت ام صفوان لبيت عمها عندما دخلت الحوش جميع النساء التفت ناحيتها لتقترب هي بشموخ..

سلمت على الجميع بينما ام طراد تسال بمودة/يامك شلونك يقولون انك تعيبانه؟..

ثريا اجابتها بثبات/ابشرك اني بخير تعب بسيط وعدا..

ام طراد بمودة اعمق/الحمدلله..

جهير تسال باهتمام/وشلون يدك ما جبرتيها؟..

ثريا بذات ثباتها/لا ما تحتاج جبر خلع بسيط..

جهير تحرص عليها بحزم/المهم لا تتركين نفسك خلي ام شاهين تدلكها لك بين فتره وفتره لين تطيب..

ثريا هتفت بعذوبه/ان شاءالله والحين ارخصوني..

ثم اتجهت لصاله بخطواتها الناعمه تحت مراقبة ام مرزوق و عفرا لها بغل وكل وحده تدعي عليها بداخلها

ثريا عندما دخلت غرفتها خلعت الشال بينما شاهر الذي واقف امام الشباك استدار لها بلهفه صارخه..