U+Z
ဒီနေ့၏ နောက်ဆုံးနှုတ်ဆက်သည့်နေ့ဖြစ်ကာ အဖွဲ့မှူးဦးဝင်ညီလဲ သူတို့အဖွဲ့နဲ့ပါလာ၏။ ဒီနေ့မင်းလွင်က ပင်မရုံးချုပ်ကြီးကိုပြောင်းရွှေ့မိန့်ကျလာတာကြောင့် ရက်သတ္တပတ်နားကာ သမ္မတအိမ်ဖြူတော်နှင့်အနီးဆုံးပင်မရုံးချုပ်ကြီးမှာ တာဝန်ထမ်းဆောင်ရမှာဖြစ်၏။ ဒါကြောင့် ဒီညမှာတော့ သူတို့အဖွဲ့ဝင်တွေနှင့်နှုတ်ဆက်ညစာကျွေးနေတာဖြစ်သည်။
"ကဲကဲ ငါ့ကိုဒုက္ခပေးတဲ့ကောင် ဟိုမှာအဆင်ပြေပါစေကွာ"
"အဖွဲ့မှူးမူးနေပြီလား"
"ဘယ်မှာမူးလို့လဲ"
"ကျွန်တော်ဘယ်တုန်းကဒုက္ခပေးလို့လဲ"
"ဒီရုံးမှာရှိတဲ့ဌာနပေါင်းစုံမှာ ငါ့ကိုဒုက္ခအပေးဆုံးကမင်းပဲ ဒီနေ့မင်းလွင်"
အခုအချိန်မှာတော့ ဦးဝင်းညီပြောတာကိုစိတ်မဆိုးပဲ သူတို့အားလုံးရယ်ကြတော့သည်။
"ခေါင်းကိုက်မယ် မသောက်နဲ့"
ဘေးကပ်လျှက်ထိုင်နေတဲ့ ဓိရာဇ်က အရက်ခွက်ကိုကောက်ကိုင်လိုက်တာကြောင့် ဒီနေ့ လျင်မြန်စွာအရက်ခွက်ပေါ်လက်အုပ်ကာ သူအရင်ယူလိုက်သလိုနှင့် တစ်ဖက်လှည့်ရင်း မသိမသာကပ်ပြောလိုက်၏။ ပြောရင်းနှင့်ပင် မထိတထိနားသယ်စပ်ကိုနမ်းလိုက်တာဖြစ်ပြီး ကာယကံရှင်နှစ်ယောက်မှလွဲ၍ မည်သူမှမသိလိုက်။
"မင်းသန့် အများကြီးမသောက်နဲ့"
သူရကကြားကတားလိုက်ရသည်။
"နှစ်ခွက်ပဲရှိသေးတယ် ဟီးဟီး"
မင်းသန့်ကလက်နှစ်ချောင်းပါ ထောင်ပြလိုက်သေးတာဖြစ်သည်။ ထိုအမူအရာလေးက တစ်ယောက်သောသူမျက်စိတွင် ချစ်စရာကောင်းနေသလိုဖြစ်နေ၏။
"အခုတော့ အကူအညီလိုရင် ဒီနေ့ကိုတောင်းရတော့မယ်ထင်တယ် နော် သူရပိုင်"
"ဟုတ်တာပေါ့ဗျာ"
သူတို့အဖွဲ့ကိုခေါင်းဆောင်အသစ်တစ်ယောက်အစားမထိုးပဲ ဦးဝင်းညီက သူရပိုင်ကို ခေါင်းဆောင်နေရာအားရာထူးတိုးလျှောက်ပေးခဲ့တာဖြစ်၏။