الأميرة الاسيرة(كاملة)

الجزء الرابع ( المساومة)

- لاعدام الاميره ألينور في حالة هزيمتها

أرتعبت من كلماته فمهما كانت قوتها فمن المؤكد لن تستطيع أن تقف أمام قراره باعدامها في وسط المدينة وبين جنوده لتحمر وجنتيها انفعالا وخوفا و تسألت بصوت مهزوز

- هزيمة ايه مش فاهمه

لمعت عيناه بمكر ودهاء جعلها تشعر بصغرها وضعفها امامه ليتكلم وهو ينزل تلك الدرجات التى يرتفع عليها كرسى عرشه ليتوجه لها وهو يتكلم موضحا

- يا ارخان هيتم مبارزه بيني وبين الاميره ألينور بعد غروب الشمس لو انهزمت مني هقطع راسها بسيفي وبأيدي قدام كل المملكه و لو انتصرت هتكون ملكة مملكة الجماجم.

- مش فاهم يا سيدي هل مولاك هتسيب الحكم لاميره

نظر جيفانكير لأرخان غير مصدق ما يسمع ليتكلم بسخرية موضح

- اكيدا لا بس هتبقى ملكة المملكة لأنها هتكون زوجتي.....

لتصرخ به

- انا اموت على اني اتجوز ....

وقبل اكمال كلماتها تكلم هو بصوت صارم ومرتفع مما جعلها تبتلع كلماتها

- اعتقد كلامي واضح يا ارخان امشي دلوقت

وأكمل توجه له وهو ينظر في عيناها كأنه يذكرها بتهديده أن لا تتطاول عليه

- كنتي بتقولى ايه بقى

- انا مش هتجوزك فاهم

- تمام يبقى اخسري المبارزه و هقطع وقتها رقبتك ......

ابتلعت غصة في حلقها وتكلمت بصوت يبدو له راجيا الان

- انا انقذتك من الموت

- علشان كدا بديكي فرصه للنجاه من الموت

- فين الفرصه دي

- فرصة انك تكسبيني وتفوزي بحياتك ومملكتي

- انا مش عايزه مملكتك ولا اني ابقى زوجتك

- يبقي تموتي

- دي مساومة حقيره خاصتا اني ....

تشعر بضعفها أمامه فلقد أوقع سيفها دون أن يبارزها فهى كانت من تبارزه هو لم يبادر برفع سيفه هو كان فقط يمنع وصول سيفها له فماذا إذا وقفت أمامه في مبارزة حقيقية

قال لها بسخرية

- خاصتا ايه ...خايفه اني اهزمك

نظرت له من راسه لأخمص قدمه بتبرم فهو اقوى منها بكثير أو بمعني أدق لا يوجد وجه مقارنة بينهم .....

- بس دا مش عدل

- ايه اللى مش عدل

- انت عارف انك هتكسب ووقتها هموت

ضحك ملئ فمه

- انتي فعلا خايفه .....

اقترب منها أكثر للتراجع للخلف
-افهم من كدا انك تفضلي الفوز وانك تكوني زوجتي على انك تموتي في ميدان عام.