الأميرة الاسيرة(كاملة)

الجزء الثالث عشر( القيود)

فتحت أعينها بعد لحظات لتنتبه أنه قطع السير الحديدي ولكن القيود مازالت حول معصمها نظرت لسيفه الذي كسر الحديد بخوف وتسألت ماذا إذا نزل به على يدها بالخطأ لكانت الان مقطوعة اليد و بعدم فهم نظرت له فلما يترك القيود في يدها.

بينما هو اقترب منها ونزع الخوذة لينسدل شعرها على جانبي وجهها، وأمسك لحيتها و أزالها ابعدت رأسها وكأنها تقاوم فعلته ولكن دون جدوى فهو أزال تلك اللحية ومن ثم التف حول الفراش ورفع سيفه وحرر يدها الأخرى.

نظرت لتلك القيود التي في يدها وتسألت
- ليه ما فتحتش قيودي بالمفتاح اللى معاك.

نظر لها بسخرية وقال لها
- لانك هترجعي مملكة النيران بالقيود.

ابتلعت غصة في حلقها وقالت بصوت راجي:
- طيب هات الخوذه واللحيه

نظر لها نظرة محذرة وتسأل بصوت جاد
- ليه هيفرق في ايه يا ألينور انتي كدا كدا هتيجي مملكتي كملكة

- هيفرق طبعا لو سمحت يا جيفانكير ارجوك مش هينفع ادخل المملكة كدا

التف لها بكامل جسده
- هتدخلي بالقيود اللى في ايدك يا ألينور و من غير خوذتك و من غير لحيتك

- انت قاصد تذلني

- لا قاصد أفضح أمر الأمير المحارب

- جيفانكير ارجوك

- ألينور كلامي خلص ومستني رسالتك والمفروض ما يفرقش معاكي مملكة النيران انتي هتكوني زوجتي.

ردت دون ادني تفكير منها
- انت أتجننت انتي عايزني أتنازل عن ملك مملكة النيران فقط علشان اكون زوجتك.

نظر لها بغضب حارق وأصبحت عيناه لا تنم عن الخير ولو كانت النظرات تقتل لكانت قتيلة الان
- انتي عارفه يا ألينور انك اغبى انسانه في الدنيا عندك استعداد تفضلي طول عمرك مستخبيه ورا زي امير علشان تورثي ملك مملكة منتهية اصلا والمجلس الأعلى للممالك لما يعرف بخديعة فيلر هيحكم بحرب تانيه ووقتها المملكه بتاعتك دي مش هيكون لها وجود وحتى لو ليها وجود وهتستمر للابد فأنا هخليكي ملكه حقيقيه لممالك الشمال، ومش بس كدا كنت هرفع الحرب عن مملكة النيران اللى مصيرها محتوم....

اخذ نفسا عميقا وأكمل بصوت غاضب يميل إلى الارتفاع

- حصانك تحت قدام باب القصر اهربي يا ألينور من غضبي دلوقت لاني فعلا قربت اقتلك اهربي

وقال آخر كلمة بصوت مرتفع زلزل كيانها لتركض من أمامه خرجت ليلقي هو الخوذة أرضا بعنف مما أصدر صوتا وصل لها فجعلها تفر بالفعل ولكنه ركض خلفها.

لم تدرك أنه يركض خلفها الا عندما امسك بكتفها فصرخت صرخة مكتومة، قال لها بصوت يشبه فحبح الأفاعي
- عارفه يا ألينور لو عملتي اي فعل اهوج ميعجبنيش اوعدك اني هطلع قلبي من بين ضلوعي