Unbroken Melody | නොබිඳුණු තනුව | ✓

03 ♡

නොදැනීම සතිය දෙක ගෙවුණා. ඒ call එක ගැන සැරෙන් සැරේට මතක් වුනත් ඒ මතකයන් අතරේ හිටපු කෙනාව හොයාගන්නවා කියල තිබුන විශ්වාසය ටිකක්වත් අඩු වුනේ නැහැ.

කලින් සතියක අරගත්තු පොත් වගයක් පුස්තකාලෙන් මාරු කරගෙන තවත් පොත් වගයක් අරගන්න ඕනේ වුන නිසා කළු පාට බැගී ටීෂර්ට් එකක් එක්ක සුදු පාට wide ඩෙනිම් එකක් ඇදගෙනම ගමන යන්න ලෑස්ති වුනා.

''මම ඉක්මනටම ගිහින් එන්නම් පැටියෝ. කෑම ටික කාල ඉන්න හොදේ''

පුරු පුරු ගාන ගමන්ම ලග කකුල් වටේ සක්මන් කරපු bellaට තේරුණා එයාගේ අයිතිකාරයා කොහේ හරි යන්න හදන්නේ කියලා.

වැහින්නත් වගේම අහස ටිකක් කළු කරලා තිබුන නිසාම කුඩෙත් අරන් garage එකේ තිබුන කවසකි නින්ජා bike එකටත් 'අද නොවේ හෙට' බාලගිරි දෝශේ වගේ look එකක් දීලම පාරට බැස්සා. වැස්සොත් එනගමන් හොදට නාලා එන්න පුළුවන් නිසාම bike එකේ ගිහින් අනිසි අවදානමක් නොගෙන කුඩෙත් අරන්ම පාරට බැස්සා.

ගෙදර ඉදලා කිලෝමීටරයක් වගේ දුරකින් තිබුන නිසා හිමිට ඇවිදගෙන පාරේ තියෙන ගල්වලටත් කකුලෙන් ගහන ගමන්ම ඇවිදගෙන ගියා. විනාඩි පහළොවක් වගේ ඇතුලත ලියෝන් පුස්තකාලයට ආවා.

පුස්තකාලය භාරව හිටපු ලේඩිට ලස්සන සිනහවක් සංග්‍රහ කරන ගමන්ම එයාගේ අදාළ පොත් ටික භාර දුන්නා.

ළගක ඉදලා කවි පොත්වලට පැන නැගුනු ආසාවක් නිසාම poetry book section පැත්තට ගියා.

හතරවටේම පොත් බල බල ඉදලා නොදනිම පැයකට වැඩි කාලයක් ගිහින් තිබුනා. හොයලා හොයාලාම 'ලයිලැක්' පොතයි 'forget me not' පොතයි අරගත්තා. ඊට එහා රාක්කයේ තිබුන 'ලිලැක්' පොත ගන්න කියලා අත තියද්දීම ලියෝන්ට වඩා ටිකක් අඟල් 2 3ක් කොට හාදයෙක් ඒ පොත ගත්තා. බෝල ස්පෙක්ස් දාල කළු හූඩි එකක් ඇදලා හිටපු එයාගෙන් පොත් ගුල්ලෙක් කියලා අනුමාන කරන්න පුළුවන් look එකක් තිබුනේ.

''ඔහ්හ් ඔයාට මේ පොත ඕනෙද''

'' කමක් නැහැ ඔයා ගන්න''

වැහි කලුවකට බර නිසාම ලාවට පෙරිලා ආපු හිරු එලිය නිසාම ස්පෙක්ස් දාගෙන හිටපු එක්කෙනාගේ ඇස් ලා දුඹුරු පාටක් තිබුනේ. ඇත්තටම එයාට තිබුනේ අව්වක් නැති වෙලාවට කළු පාටින් පේන ඒ වගේම අව්වට විතරක් දිලිසෙන දුඹුරු පාට ඇස්! ලියෝන්ට ඒ වගේම ඇස් තියෙන අයිතිකාරයෙක්ව මතක් වුනත් ඒ එයා වෙන්න බැහැ කියල හිතලා ඒ ගැන හිතන්න කල් දැම්මා.